Македонија
Арсовски: Тендерската постапка за стерилизација е криминална
![](https://makfax.com.mk/wp-content/uploads/2019/06/arsovski.png)
Тендерската постапка за стерилизација е криминална, оцени портпаролот на ВМРО-ДПМНЕ, Димче Арсовски.
Арсовски рече дека и покрај тоа што Венко Филипче тендерот го нарекува ‘интегрирано менаџирање со иновативни решенија за хируршки зафати и здравствена заштита од болнички инфекции’, сепак се работело за приватизација на стерилизацијата на хируршките сали и инструментите во сите здравствени институции во Македонија.
Портпаролот на најголемата опозициска партија побара од министерот да одговори дали до сега стерилизацијата не се изведувала според највисоки европски стандарди, како и дали тендерската процедура фаворизира една странска компанија, која имплементира ваков проект на приватизација на стерлизацијата во здравството во соседна Албанија. Понатаму, Арсовски праша дали не случајно се исклучени сите компании од Македонија со барањето од тендерот да имаат вкупен годишен промет во последните 3 фискални години, кој не е помал од 30 милиони евра, како и дали против компанијата што ја фаворизира министерот Филипче постои судски процес во Италија и во Албанија.
„Дали компанијата што ја подготвува министерот да добие на тендерот ќе има ексклузивни права за стерилизација на целата територија на Македонија? Дали со тоа се планира да пропаднат и да згаснат 25-30 економски оператори кои постојат моментно на пазарот во Република Македонија?“, дополнително праша Арсовски.
Опозцијата вели дека според начинот на кој е подготвен последниот тендер за стерилизција, ќе добиеме приватна компанија со монопол да ја добие грижата за стерилизацијата на зафатите во здравствените институции.
„Станува збор за област за која во иднина приватна фирма ќе треба да набавува хируршки инструменти, облека за лицата што влегуваат во операциона сала, дезинфекција на салите, до грижа за медицинскиот отпад“, додаде Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево и многу топло, во текот на ноќта невреме со пороен дожд, грмежи, силен ветер и град
![](https://makfax.com.mk/wp-content/uploads/2022/08/Ohrid-meteo-sonce.png)
Времето денеска ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Минималната температура ќе биде во интервал од 12 до 21, а максималната ќе достигне од 32 до 39 степени. UV=9
Во Скопје сончево и многу топло, со слаб до умерен ветер од југозападен правец. Во текот на ноќта во делови од котлината ќе има услови за локална појава на невреме со пороен дожд, грмежи, засилен ветер и град. Минималната температура ќе се спушти до 18, а максималната ќе достигне до 37 степени.
Денеска преку денот ќе се задржи сончево и многу топло време со дневни температури кои насекаде ќе бидат над 30 степени. Во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер.
Скопје
Без вода дел од Гази Баба
![](https://makfax.com.mk/wp-content/uploads/2024/02/voda-6.jpg)
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, ги известува граѓаните дека денеска без вода ќе бидат улици во општината Гази Баба.
• Поради отстранување појавен уличен дефект на водоводна мрежа со пречник од ф-150мм, на улицата 16-та Македонска Бригада бб (Парк Шума Гази Баба), од 08:00 часот до завршување со интервенцијата, прекинато водоснабдување ќе имаат корисниците од улиците: 16-та Македонска Бригада, Јани Лукровски, Ташко Караџа и Трифун Хаџијанев во општина Гази Баба.
Скопје
Без струја делови од Петровец и Ѓорче Петров
![](https://makfax.com.mk/wp-content/uploads/2019/04/57198750_1221860291320745_1441311623477198848_o.jpg)
Регионалниот центар за управување со кризи на Град Скопје, по добиеното известување од ЕВН, ги информира граѓаните дека, поради технички зафати во електро истрибутивната мрежа, без електрична енергија ќе станат:
на ден 01.07.2024 година (понеделник):
• од 08:30 до 14:30 часот, корисниците од населените места: Долно Коњаре, Средно Коњаре, Горно Коњаре, Дивље и Катлановска Сушица. (Општина Петровец)
• од 09:00 до 15:00 часот, корисниците од дел од село Кучково. (Општина Ѓорче Петров)
на ден 02.07.2024 година (вторник):
• од 08:30 до 12:30 часот, корисниците од дел од ул. Козле, поточно објектите со парни куќни броеви од бр. 2 до бр. 4. (Општина Карпош)