Македонија
Архиепископот г.г. Стефан задутре ќе чиноначалствува во манастирот „Успение на Пресвета Богородица“

Архиепископот Охридски и Македонски г.г. Стефан задутре на одбележувањето на Успение на Пресвета Богородица ќе чиноначалствува со светата Божествена литургија во манастирот на Матка. Таа ќе започне во 8:30 часот.
Во дворот на манастирот, пак, ќе се одржува крводарителска акција.
„Ќе ни биде драго заедно со вас да и оддадеме почит и благодарност на нашата мајка и заштитничка – Пресвета Богородица која вистински не закрилува нас сите и заеднички достојно да го прославиме Нејзиното Успение“, се пишува во поканата за одбележување на празникот од сестринството на манастирот.
Во предвечерието на празникот, утре во 18:30 часот во манастирот „Успение на пресвета Богородица“ ќе се одржи вечерна богослужба, а во 23:40 часот ќе започне сеноќното бдение.
Традиционално, секоја година има голем број верници кои доаѓаат во манастирот да се помолат на Мајката Божја. По тој повод, од ЈСП „Скопје“ информираа дека утре, на линијата 60 – Транспортен центар – Матка, во периодот од 17.30 до 23.30 часот, ќе сообраќаат дополнителен број автобуси.
Во понеделник, пак, јавниот превоз ќе сообраќа по неделен возен ред, а исклучок ќе бидат линиите 11, 11А, 18А, 32, 47А, 51, 55, 56, 56А, 70, 74, 81, 118, 160, 164 и 180, кои ќе сообраќаат по саботен возен ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски на презентација на новата воена опрема од САД во касарната во Штип

Денеска во 10:00 часот, претседателот на Владата, Христијан Мицкоски, ќе присуствува на презентација на новопристигнатата опрема од САД во Касарна „Јане Сандански“ во Општина Штип.
Станува збор за 29 лесни оклопни возила – JLTV.
фото:илустрација/принтскрин
Македонија
Без вода денеска дел од Карпош

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради промена на два затворачи на водоводна мрежа со пречник од ф-300мм, на крстосницата од улиците Париска/Букурешка, прекинато водоснабдување ќе имаат корисниците од улица Париска, дел од улица Хелсинки и дел од улица Прашка, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Делови од Карпош, Кисела Вода и Ѓорче Петров денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска без електрична енергија ќе останат:
· од 08:00 до 15:00 часот, корисниците од објектите во околината на куќниот бр. 65 на ул. Влае. (Општина Карпош)
· од 08:30 до 14:00 часот, корисниците од делови од улиците: Виктор Иванович Григоревич и Полог. (Општина Кисела Вода)
· од 09:00 до 12:00 часот, корисниците од дел од с. Кучково. (Општина Ѓорче Петров)
· од 12:00 до 17:00 часот, корисниците од ул. 1519 и ул. Борис Трајковски крак – 34. (Општина Кисела Вода)