Македонија
АСОМ: Примерот со Албанија ги потврди нашите апели – ограничувањето на легалните игри на среќа ја отвора вратата за игрите на црно

„Повеќегодишните апели на Асоцијацијата на спортски обложувалници (АСОМ) за потребата од сеопфатна јавна дебата во Македонија за законот што ги регулира игрите на среќа бидејќи во спротивно – брзи и популистички мерки на долг рок се контрапродуктивни, се покажаа како исправни и преку примерот со Албанија“, велат од АСОМ.
„Имено, по укинувањето на легалните обложувалници и казина во 2019 година, Албанија се соочи со игри на среќа на црно и пораст на криминалот, што минатата недела доведе до изгласување на нов закон од страна на мнозинството пратеници од Парламентот во Албанија. Законот со кој се укинува забраната во Албанија, покрај сузбивање на играњето на црно, ќе придонесе за зголемување на буџетските приходи и поголема транспарентност во оваа економска гранка. Сакаме да потсетиме дека нашата дејност не поттикнува млади да играат игри на среќа, ниту пак стимулира каква било зависност. Напротив, како општествено одговорни компании, годишно вложуваме десетици илјади евра за спроведување на кампањи за едукација на играчите, а воедно 100% ги почитуваме актуелните законски норми и правила поврзани со нашата дејност, плаќаме даноци и со тоа постојано ги зголемуваме буџетските приливи“, велат оттаму.
Како што додаваат, во интерес на индустријата на игри на среќа е игрите да се играат за забава, а државата да биде единствената што ќе има контрола на овие процеси.
„Токму затоа, не сме уверени дека тоа ќе биде случајот со Законот што Владата и Собранието го туркаат, а Претседателот Стево Пендаровски не го потпиша. Како што наведува Претседателот Пендаровски во образложението на својата одлука причината зошто не го потпишал указот за прогласување на Законот за изменување и дополнување на Законот за игрите на среќа и за забавните игри е бидејќи тој е донесен во незаконска процедура – со употреба на европското знаменце, во ситуација на отсуство на суштинско „аки“ (задолжително право на ЕУ) во областите што ги опфаќа Законот и фактот дека Законот не наведува дури ни лимитирано „ЕУ аки“ што може да биде релевантно. Покрај тоа, како што наведува Пендаровски, за Законот не била спроведена широка и инклузивна дебата, на што забелешки имаше и Европската Комисија, а потврда стигна и од канцеларијата на Делегацијата на ЕУ во Македонија“, посочуваат од АСОМ и додаваат:
„Во наш заеднички интерес е да се донесе вистински европски закон и да имаме подобро решение што ќе биде конкурентно, засновано на реални аргументи и факти, а истовремено ќе ги заштити и нашите вработени и малолетниците. Ние сме индустрија која е одлично регулирана во моментов, односно актуелниот закон ги опфаќа сите сегменти на контрола на игрите на среќа од надлежните институции, меѓутоа како експерти од фелата, ние приредувачите на игри на среќа кои чиниме 95% од пазарот, сме подготвени да работиме заедно со институциите сè додека не се дојде до вистинското законско решение. Секторот игри на среќа во земјава вработува околу 10 илјади лица, а индиректно помага 54 илјади други работни места. Секоја година во државниот буџет од игри на среќа се слеваат над 280 милиони евра по однос на сите давачки со кои се задолжени приредувачите на игри на среќа. Покрај силен импулс за економијата, индустријата на игри на среќа во Македонија има свој влог и во развој на заедницата. 3% од приходите од оваа економска гранка се вложуваат во Агенцијата за млади и спорт, односно повеќе од 1 милион евра како директна инвестиција во спортот. Затоа, уште еднаш го повикуваме Собранието, сите политички партии и сите пратеници да не го гласаат законот во трето читање и да остават простор за отворање на вистинска широка дебата за подобрување на законската рамка за оваа дејност“, додаваат тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.