Македонија
Ахмети: Коалицијата со Бошњачкиот демократски сојуз не прави убедливо победници

По потпишувањето на коалицијата за Европскиот фронт со ДПА на Мендух Тачи, Движењето Народ на Скендер Реџепи Зејди, ДЕП на Аријан Хоџа, со Турската демократска партија, со Партијата на Унијата на Ромите и со претставниците на Движењето за правда и демократија на Турците на Македонија, со претседателот на Алијансата за Албанците, Зиадин Села, Али Ахмети денеска потпишаа коалициски договор и со претседателот на Бошњачкиот демократски сојуз, Мунир Колашинац.
Во својот говор, Ахмети ја подвлече важноста на денешната коалиција во паркот на Чаир, како знак на солидарност за споделување на болката за сите оние кои паднаа за време на војната во Босна и Херцеговина.
„Овој договор е потпишан пред споменик кој не враќа во времето на болка, а оваа болка ја споделивме заедно со нашите бошњачки браќа, не само споделувајќи ја болката, туку и преку солидарност и учество на војните фронтови. Сакам да се потсетам на Беким Бериша, кој во тоа време се здоби со тешки рани во војната во Босна и на крајот падна херој во Јуник, Косово. Во оваа прилика сакам да ве потсетам на сите оние изгубени животи за време на таа крвава војна и геноцид. Затоа, претседателот на Бошњачкиот демократски сојуз се согласи овој договор да го потпишеме токму пред овој споменик, со кој ќе се потсетиме на болката, трагедијата и геноцидот“, рече претседателот на ДУИ, Али Ахмети, додавајќи: Овој сдоговор е направен за да се каже не на Русија, не за геноцидот и насилството во Украина. Со ова приклучување на Бошњачкиот сојуз кон Европскиот фронт го зајакнува овој фронт го прави убедлив победник на претседателските и парламентарните избори. Заедно велиме не на Русија и да за Европа и со ова парола ги повикуваме сите граѓани на Македонија, бидејќи мирот, стабилноста, безбедноста и иднината се градат заедно. Овој фронт е мисионер на мирот, па да живее народот и победата на 24 април и 8 мај на претседателските и парламентарните избори“, рече Ахмети.
Претседателот на БДС, Мунир Колашинац, во својот говор рече дека неговата партија станала од победничкиот фронт, па како заедница ќе придонесат за европска иднина на земјата.
„Бошњачкиот демократски сојуз, по внатрепартиски консултации, одлучи да се приклучи на Фронтот на победата за Европа, за како Бошњаци да годадеме својот придонес за оваа најдобра иницијатива за нашата земја. Преку Европскиот фронт, ние Бошњаците веќе го направивме вистинскиот избор, здружувајќи се заедно со другите заедници за европска иднина на Северна Македонија“, изјави Колашинац.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Марш на ангелите во Кочани: Ако нема правда за ангелите, за нивните родители и семејства, нема да има за никој

Правда мора да има, ако не ќе поставиме шатори пред судот и полицијата и нема да дозволиме никој да влегува. Ако нема правда за ангелите, за нивните родители и семејства, нема да има за никој. Ова го порача поддржувач на родителите чии деца загинаа на 16 март во дискотеката „Пулс“ во Кочани.
Тој од својата инвалидска количка го предводеше осумнаесетиот марш на ангелите. Зборувајќи пред Основниот суд во Кочани, ја обвини полицијата дека дваесет минути на влезот во градот, кај ресторанот „Национал“, држела луѓе од други општини затоа што доаѓале да ги подржат кочанчани.
– Без никакво образложение легитимирале, претресувале. И порачувам на цела Влада – помеѓу тие луѓе нема ниту еден терорист, ниту еден нарко дилер, ниту еден криминалец. Тоа се луѓе со душа и срце. Зошто се прави таков притисок, се обидувате ли нешто да скриете. Истрагата „терајте“ ја како што треба. Родителите на починатите веќе немат солзи во очите, изјави поддржувачот на родителите.
Осумнаесетиот марш на ангелите вечерва се одвиваше по истата маршрута како и претходно: Парк на Револуцијата, кафуле „Класик“, Општина, УЈП, полиција, суд, со тоа што вечерва немаше свирежи пред споменатите институции.
Родителите беа доста тивки. Сестра на починато момче во пожарот во „Пулс“ само потсети дека денеска, 16 август, навршија пет месеци откако на 16 март 62 лица ги загубија своите животи.
Македонија
Пожарот што зафати дел над селото Лојане, Општина Липково, во голем дел е локализиран и изгаснат

Пожарот што зафати дел над селото Лојане, Општина Липково, во голем дел е локализиран и изгаснат. Селото е целосно заштитено, а интензитетот на горењето во појасот на боровата шума значително е намален, информира вечерва директорот на Центарот за управување со кризи (ЦУК) Мухамед Али.
Со отворањето на патот за пристап, како што наведува, се овозможи пешадиско дејствување на екипите на „Национални шуми“, што значително придонесе кон ограничување на ширењето на огнот.
– Во акцијата беа ангажирани хеликоптер Бел-412 на МВР, две екипи на Територијалната противпожарна единица Куманово со соодветни противпожарни возила, како и екипи на „Национални шуми“ – Подружница Куманово со специјализирани возила за шумски пожари. Активно учество зема и месното население, чија помош беше од големо значење. Како директор на Центарот за управување со кризи, лично ги координирав активностите на терен, осигурувајќи соработка меѓу институциите и брза реакција за заштита на животите и имотот на граѓаните. Благодарност до сите учесници за професионалниот ангажман и посветеност, нагласи Али.
ЦУК соопшти дека вечерва до 18:00 часот на територијата на цела држава има вкупно 19 пожари на отворен простор, од кои четири се активни, а 15 се изгаснати. Освен пожарот во селата Лојане и Табановце, активни пожари има и во повеќенаменското подрачје „Јасен“, во општина Јегуновце, меѓу селата Рогачево, Јажинце, Долно Орешје, каде се зафатени пасишта и мешана шума и во кумановското село Черкези.
Македонија
На Табановце се чека 40 минути

Зголемена е фреквенцијата на возила во земјава. На граничниот премин „Табановце времето на чекање за излез е околу 40 минути, додека на останатите гранични премини од македонска страна нема подолги задржувања при влез или излез од државата.
Како што информира АМСМ, сообраќајот на државните патишта се одвива непречено, по суви коловози, а интензитетот на патиштата надвор од градските средини е зголемен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.