Македонија
Ахмети му пиша на Коѕијас: Успеавме пријателе

Претседателот на Демократската унија за интеграција, Али Ахмети упати писмо до поранешниот министер за надвoрешни работи на Грција, Никос Коѕијас во кое му порачува дека дошол денот кога може да се радуваат на заедничкиот голем успех.
,,Поздрав драг Никос, конечно дојде денот кога заедно можеме да му се радуваме на еден толку голем заеднички успех. Често се присеќам на многуте наши силно конструктивни, секогаш отворени и искрени средби, кога ја споделувавме истата цел, имавме исти убедувања, но и не соединуваше истиот опитимизам дека ќе стигнеме тука.
Невремето и облачноста не не одвлекуваа од предодредената цел и се докажа дека сме на правиот пат на историјата и никогаш не се дефокусиравме од крајната цел.
Почитуван пријателе, успеавме.Сите кои што дадоа придонес во ова вековно дело треба да се горди затоа што изградија европска цивилизациска вредност, придонесоа кон мирот во целиот регион обезбедувајќи стабилност, безбедност и иднина.
Би сакал да ти се заблагодарам за храброста и посветеноста кон постигнувањето и усвојувањето на договорот.Денес, нашиот регион, Југоисточна Европа, се раздени во целосно нови геостратешки и геополитички околности, во тие за кои што се залагавме заедно.Здравје да имаш пријателе, да си имаш среќа и сакам да знаеш дека мојата врата секогаш ќе ја најдеш отворена без да имаш потреба да тропаш на неа.Остани ми добар”, се вели во писмото на Ахмети до Коѕијас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево со мала до умерена облачност, попладне со услови за краткотраен дожд и грмежи

Времето денеска, сончево со мала до умерена облачност. Попладне ќе има услови за локален развој на нестабилна облачност со краткотраен пороен дожд и грмежи. Ќе дува слаб ветер од променлив правец. Минималната температура ќе биде во интервал од 10 до 18, а максималната ќе достигне од 26 до 34 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 15, а максималната ќе достигне до 32 степена.
Во среда во попладневните часови ќе има развој на нестабилна облачност со локален пороен дожд и грмежи. Потоа ќе преовладува претежно стабилно време, а дневните темпетаури ќе бидат без значителни промени.
Македонија
Филипче: Актуелната власт го заборави Делчево само затоа што градоначалникот е од друга партија

Претседателот на СДСМ Венко Филипче заедно со градоначалникот на Делчево Горан Трајковски денеска ги посети капиталните проекти во градот. Салата АСНОМ, прочистителната станица, новиот пазар и новата градинка со капацитет за околу 150 дечиња.
„Станува збор за капитални проекти коишто беа навистина потребни и коишто сериозно го олеснуваат животот на граѓаните во Делчево.
Филипче оценува дека овие проекти не се само инфраструктура, туку се вложување во подобар живот за сите граѓани, проекти кои го менуваат животот на граѓаните на подобро. За жал, денеска Делчево не само што нема капитални проекти туку истото е целосно заборавено а тоа најмногу се одразува на граѓаните и тоа само затоа што градоначалникот не е од истата партија.
„Еве сега гледаме што значи да се нема поддршка од влада. Од оваа актуелна влада практично Делчево е заборавено и целосно е маргинализирано. Жалам што прават таква политичка сегрегација врз основа на тоа кој градоначалник од која партија е, тоа граѓаните навистина не го заслужуваат“, потенцираше Филипче.
Македонија
Во среда авионско прскање против комарци во Скопје

од Центарот за управување со кризи известуваат дека во Град Скопје во среда ќе се реализира авионско прскање против комарци.
„Авионската дезинсекција на подрачјето на градот Скопје, против ларви од комарци, ќе се реализира на 11.06.2025 година (среда), во раните утрински часови.
Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини“, велат од ЦУК.
Се известуваат пчеларите навремено да ги преземат потребните мерки за заштита на пчелите.