Македонија
Ахмети со празнична порака:Храброста и жртвувањето на паднатите борци треба да ни послужи како патоказ за денешните одлуки

Имам чест на празнувањето на државниот празник на Народното Востание да Ви се обратам со порака дека нашите заеднички напори, како тие од пред 77 години, така и денешните, секогаш победуваат затоа што го преставуваат правиот пат, патот на единството, слободата, мирот, безбедноста и стабилноста како и добрите меѓуетнички односи помеѓу сите нас, се вели во празничната порака која ја испрати лидерот на ДУИ, Али Ахмети.
,,Нашите денешни напори се само продолжение на напорите на нашите предци кои се построија на исправната страна на историјата и победија. Ние, денес, ја имаме неповторливата можност за да ја продолжиме нивната посветеност и да го завршиме нашиот заеднички долг и макотрпен пат кон интеграцијата во НАТО и Европската Унија.
Храброста и жртвувањето на паднатите борци и ветераните треба да ни послужи како патоказ за денешните одлуки затоа што пред нашата генерација стои важна одлука за тие што ќе дојдат по нас. Во духот на историските заеднички напори за слобода, да дејствуваме заеднички за мирна, стабилна и сигурна иднина, со храброст, визија и одлучност за иднината на нашите генерации”, се додава во пораката на Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.