Македонија
Бадникова поворка во Охрид, на чело пејачите Ѓоко Таневски и Пајак

Со песната ,,Вечниот Бог” и во пресрет на големиот христијански празник Божиќ, коледарите од бадниковата поворка во Охрид, утрово ја донесоа големата вест за Христовото раѓање. Бадниковата поворка започна во 10 часот, а собирот на децата беше во 9 часот во дворот на црквата „Свети Ѓорѓи“.
Годинава учество земаа преку илјада дечиња, а новина е што песната „Вечниот бог“ е изведена и на знаковен јазик. Поддршка има и од естрадни уметници.
На чело на поворката беа пејачите Ѓоко Таневски и Христијан Настески, попознат како Пајак.
На крај од поворката на присутните деца им беа доделени пакетчиња. Децата на плоштадот беа пречекани од градоначалникот Кирил Пецаков.
Охрид е преполн за божиќните празници. Има многубројни туристи од Грција и од Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.