Македонија
Бачев: Со највисоките три државни фукнкции треба да раководат православни Македонци

Ќе ги поништиме антимакедонските договори со Грција и Бугарија и ќе направиме реален попис оти мора да се преброиме, истакна Јанко Бачев од коалицијата „Никогаш северна, само Македонија”, кој денеска е во Росоман, Кавадарци и во Неготино.
„Македонија ќе ја уредиме како национална држава на македонскиот народ со гарантирана положба на сите национални малцинства во државата. Службен јазик во РМ ќе биде македонскиот со неговото кирилско писмо и за таа цел се поништи и Законот за двојазичноста“, рече Бачев.
Тој говореше за нивната определба највисоките три државни функции – претседател на владата, претседател на државата, претседател на Собранието – да ги водат Македонци, кои се православни.
„Зошто го велам ова? Ние во 2017 имавме една поразителна ситуација во која трите државни функции не ги водеше Македонец и православен. Ѓорге Иванов не е Македонец, а е православен, Зоран Заев е Македонец, а не е православен, Талат Џафери не е православен и не е Македонец. Оттука, ние ја промовираме таа идеја како во сите нормални земји како што е денеска. Да го споменам примерот со Англија, таму нивните безбедносни сили МИ6 и МИ5 прават проверки до трето колено за кандидат за премиер кој мора да биде Британец. Значи, како во сите нормални држави, посебно во монархиите, ние ја застапуваме оваа идеја во иднина трите државни функции да ги води Македонец и да биде православен. Да не бидам погрешно разбран, ова не е некој шовинистички излив во сите останати функции на власта можат да бидат и Турци, Албанци, Власи, Срби, Бошњаци сите останати малцинства“, рече Бачев.
Тој порача дека ова се историски избори и своевиден референдум бидејќи народот ќе каже дали ќе се зацементира бришењето на сè што е македонско од оваа власт и ќе победат националните патриотски сили на Македонија, кои ќе ја вратат на изворните атомски илинденски определби.
„Ги повикувам граѓаните масовоно да гласаат за нашата колаиција. Освен стратешките определби, исто така имаме предвидено 1.066 мерки во социјално-економската сфера. Ние ќе направиме ревизија и враќање на украденото во криминалната пост приватизација. Се сеќавате во 90-те десетина транзициски бандити го украдоа целото општествено богаство што години го создаваа сите работни луѓе во социјализмот. ВМРО-ДПМНЕ од 2006 до 2016 во таа постприватизација грабежот го продолжи. Во изминатите 30 години во позиција од власт се украдени околу 15 милијарди вера. Сето тоа мора да се одземе и конфискува. Ќе воведеме минимум 10 години затворска кражба за буџетски пари, а сериозно размилсуваме да ја вратиме и смртната казна за сторени тешки дела против народниот имот. Ќе ги укиниме приватните извршители, исто така ќе направиме ревизија и на лихварскиот банкарски систем, кој во моментов немилосрдно го краде народот. Сето тоа се економски бројки како што спомнав во вкупна бројка од 1.066“, додад Бачев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВЛЕН: Време е ДУИ да направи вистински ветинг, почнувајќи од Бујар Османи, најдобриот другар на Артан Груби

„ДУИ продолжува да се обидува да ја излаже јавноста со нивните лажни ветувања за ветинг и „внатрешно прочистување“. Но, ако навистина сакаат да се борат против корупцијата, нека започнат од Бујар Османи – човекот што чудно беше заштитен од судска одговорност“, велат од ВЛЕН.
„ДУИ, при ветингот, нека провери кој го спаси Бујар Османи од судска разрешница. Предметот кој го покрена СЈО против него мистериозно заврши без судска постапка! Кои се тие што го штитеа и зошто институциите молчат? Кој му помогна да се извлече од обвиненијата за корупција и злоупотреба на функцијата? На кого му должи Бујар за својата слобода, тоа треба да одговори ДУИ.
ДУИ, при ветингот, нека провери како Бујар Османи се снаоѓа со својот непотизам. Во Министерството за надворешни работи кадрите не се избираа според професионални критериуми, туку според лични врски со Бујар Османи и неговиот другар Артан Груби. Вработени се пријатели, роднини и другари, а не стручните и квалификуваните кадри.
ДУИ, при ветингот, нека ги провери и тендерите за партиските фирми кои ги доделуваше Бујар Османи. Министерството за надворешни работи беше претворено во коруптивен центар при што доделени се милионски тендери на фирми блиски до ДУИ. Фирмите на неговите партиски колеги добиваа тендери со милионски суми за настани кои траеа само ден или два. Добро е ДУИ да пронајде каде завршуваа тие пари.
ДУИ при ветингот, нека провери дали Бујар Османи беше министер или бледа сенка и другар на Артан Груби? Бујар Османи беше преносникот на пораки помеѓу Скопје и Будимпешта, носејќи тајни договори за враќањето на Никола Груевски. Нека провери ДУИ какви политики застапуваше Бујар Османи, за себе, за своите поранешни коалициони партнери или за Албанците кои ги заборави. Добро е да знаеме дали Бујар Османи беше само извршител на политичкото самоубиство на ДУИ во сценарио на Артан Грубу.
ДУИ ако навистина сака прочистување, нека не глуми дека ќе чисти ситни риби по своите ограноци. Нека почне од своите најголеми коруптивни фигури! Народот не верува во ваши лажни ветувања! Време е за нови лица и лица без коруптивно наследство!“, соопштуваат од ВЛЕН.
Македонија
718 прекршоци за пречекорување на дозволената брзина во текот на викендот, 106 возеле во алкохолизирана состојба

Во текот на последниот викенд од овој месец, според бројките од полициските сообраќајни контроли на ниво на целата држава, се чини дека како по некое непишано правило за учесниците во сообраќајот значи своевидно опшуштање во поглед на почитувањето на сообраќајните правила и прописи, велат од МВР.
„Па така, во рамки на извршените сообраќајни прегледи (21/22/23.02), од 2.228 издадени платни налози дури 718 прекршоци се однесуваат на пречекорување на дозволената брзина на движење, 106 – за возење во алкохолизирана состојба, како и 215 прекршоци што се однесуваат на управување без возачка дозвола.
Исто така, зради непочитување на одредбите околу задолжителното користење на сигурносен појас евидентирани се 171 прекршок, плус 12 прекршоци за граѓани кои што управувале моторцикли без заштитен шлем, а за користење на мобилен тлефон при возење изречени биле 45 прекршочни казни. Воедно, (компаративно гледано во споредба со минатиот викенд) има благ пад по однос на прекршоците поврзани со неправилно паркирање – 451, додека пак регистрирани се 15 случаи на минување на црвено и 28 прекршоци од страна на пешаци, а согласно Законот за безбедност на сообраќајот на патиштата“, соопшти МВР.
Македонија
СДСМ: Поддршка за украинскиот народ, нивната борба е наша заедничка борба за свет во кој владеат мирот, демократијата и човековите права

Денеска на точно три години од почетокот на неиспровоцираната руска агресија врз Украина, Социјалдемократскиот сојуз на Македонија изразува искрена поддршка и солидарност кон украинскиот народ во неговата херојска борба за слобода, демократија и суверенитет, велат од СДСМ.
„Храброста, достоинството и отпорот на украинските граѓани се пример за целиот свет дека слободата и демократските вредности секогаш ќе надвладеат над агресијата и насилството. СДСМ ги поздравува напорите на меѓународната заедница, особено САД и Европската Унија, кои цврсто стоеја сите изминати три години покрај Украина и ја поддржуваа во нејзината праведна борба. Изразуваме надеж и уверување дека оваа поддршка ќе продолжи се додека мирот, територијалниот интегритет и безбедноста на Украина не бидат целосно обезбедени“, посочуваат од партијата и додаваат:
„СДСМ дава целосна поддршка на Украина и нејзините граѓани. Нивната борба е наша заедничка борба за свет во кој владеат мирот, демократијата и човековите права“.