Македонија
Без вода повеќе населби во Скопје
ЈП „Водовод и канализација“ известува дека на 2.3.2022, поради замена на затворач ф-125 мм на „Коце Металец“ бр. 13, прекинато водоснабдување ќе имаат корисниците на дел од улицата Коце Металец (од број 1 до број 13 и од број 2 до број 82) и дел од улицата Душан Тасковиќ, вклучително и „Ремедика“ и поликлиниката „Железара“.
Водоснабдувањето ќе биде прекинато од 8 часот до завршување со активностите.
– на 2.3.2022, поради дефект на приклучна цевка 6/4 на улицата Владимир Полежиновски 24, прекинато водоснабдување ќе имаат корисниците на дел од оваа улица. Водоснабдувањето ќе биде прекинато од 9 часот до завршување со санација на дефектот:
– на 2.3.2022, поради поврзување нова водоводна мрежа од Ф-300 мм на улицата Алберт Станиќ 35 во населбата Чаир, прекинато водоснабдување ќе имаат корисниците од улиците Алберт Станиќ, Војдан Чернодрински, Исмаил Кадаре, а водоснабдувањето ќе биде прекинато од 9 часот до санирање на дефектот;
– поради реконструкција на ПС „Водно“, во периодот од 22 часот на 2.3.2022 година до 7 часот на 3.3.2022 година ќе се врши реконструкција на вшмукувачкиот дел од пумпната станица и чистење на резервоарот „Водно“.
Поради овој технички зафат, постои можност за прекин на водоснабдувањето во посочениот временски интервал на дел од населеното место Водно и на клиниките за хематологија и трансфузиологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.