Македонија
Беким Сали: Обвинителството да реагира по допрен глас за постизборна набавка на казино-апарати

Беким Сали на прес-конференција побара Јавното обвинителство да реагира по допрен глас за основано сомнение, како што рече, „за сторена политичка корупција во режија на кадрите на ДУИ во Лотарија“.
„Во согласност со оваа тековна состојба издадена од Централниот регистар на 4 август 2024 година, АД Државна лотарија на 31 март 2023 година преку делегирање 51 % во сопственичкиот капитал регистрирал втора видеолотарија со името НОВО ВЛТ, со основна главница од безмалку 10 милиони евра.
Како носител на дејноста и косопственик на НОВО ВЛТ се јавува компанијата Друштво за услуги „ХТЛ Македонија“ ДООЕЛ Скопје. За членови на Надзорниот одбор на НОВО ВЛТ беа назначени продолжената рака на Артан Груби и поранешниот директор на АД Државна лотарија, Перпарим Бајрами, и неговите сопартијци од ДУИ, Артин Спахију и Омер Буњаку.
Во согласност со оваа рамковна спогодба – договор за јавна набавка склучена меѓу НОВО ВЛТ и косопственикот и основачот ХТЛ, склучена на 13 јуни 2024 или 35 дена по парламентарните избори, се предвидува за период од две години да се набават 1.600 видеолотариски терминали во вкупна вредност од речиси 19 милиони евра.
Да бидеме прецизни, НОВО ВЛТ, во чиј Надзорен одбор се тројца кадри на Артан Груби во постизборен период кога се знаеше дека ДУИ оди во опозиција, од приватната фирма, односно вториот основач, набавува илјадници казино-апарати за период од наредни две години, во вкупна вредност од речиси 19 милиони евра“, изјави Беким Сали од коалицијата „Влен“.
Тој побара од Јавното обвинителство да истражат неколку работи.
„Кои се мотивите за оваа јавна набавка? Дали е точно дека во моментот на потпишувањето на рамковната спогодба – договор за јавна набавка, пазарната цена на еден видеолотариски терминал била 3.800 евра?
Дали е точно дека поединечната цена за еден видео лотариски терминал која е договорена во рамковната спогодба – договор за јавна набавка, изнесува 10 000 евра или за 6200 евра поскапа од неговата пазарна вредност?
Дали е точно дека вкупната вредност на набавката чини неверојатни 9.920.000 евра поскапо од пазарната вредност на видеолотариските терминали? Во чии џебови ќе заврши разликата од речиси 10 милиони евра, само од овој тендер?
Или дали вредноста на казино-апаратите е свесно и со умисла зголемена со цел да се штелува основната главница неопходна за отворање на новата државна видеолотарија“, праша Сали.
Тој додаде дека очекуваат Јавното обвинителство во најкус можен рок да отвори предмет и да преземе соодветни правосудни дејства за да ги расчисти сите околности за причините и сомневањата за политичка корупција што ги наведе денеска.
Истовремено, Сали рече дека ќе побараат од Управата за финансиско разузнавање да ги истражи евентуалните врски на поранешни функционери на ДУИ со сомнителни лица од соседна Србија поврзани со казино-бизнисите.
„Вреди“ е гаранција дека правдата ќе го стигне секој што згрешил пред законите, без разлика на неговата етничка, верска или политичка припадност. Вистината за гревовите на режимот на ДУИ допрва ќе се откриваат“, изјави Беким Сали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Влен: Бујар Османи и во МНР спроведувал сомнителни и криминални тендери!?

Државниот завод за ревизија јавно потврди тоа што граѓаните одамна го знаат, дека Министерството за надворешни работи, во време кога министер беше Бујар Османи, спроведувало незаконски тендери поврзани со организацијата на самитот на ОБСЕ во 2023 година, велат од Влен преку соопштение.
„Според ревизорскиот извештај: Потрошени се над 120 милиони денари без јасна евиденција; Не постои документација што точно е испорачано, инсталирано или оставено како трајна опрема во СРЦ „Борис Трајковски“; Договорите и јавните набавки биле спроведувани без транспарентност и со сериозни законски пропусти.
Ова е уште една потврда дека Бујар Османи, каде и да оди, зад себе остава сомнителни и криминални тендери!
Ова не е изолиран случај, истиот Бујар Османи беше осомничен од СЈО за сомнителни набавки уште кога беше министер за здравство во владата на Никола Груевски.
Граѓаните на Чаир добро знаат две работи за Бујар Османи: Прво, никогаш ништо не направил за Чаир, ниту еден проект, ниту една инвестиција, ниту една иницијатива. Второ, секогаш кога бил на функција, се поврзувал со скандали, сомнителни тендери и злоупотреби на јавни пари!“, велат од „Влен“.
„Влен“ додава дека Чаир не заслужува човек чие име се повторува во секој извештај за криминал и злоупотреба.
Македонија
Надлежните со препораки до граѓаните поради најавата за температури до 39 степени во периодот до 13 август

Министерството за здравство информира дека според најновата прогноза од Управата за хидрометеоролошки работи (УХМР), од 8 до 13 август 2025 година се очекува значително зголемување на дневните температури, кои на некои места ќе достигнат и до 39 степени Целзиусови.
Поради тоа, Министерството апелира до граѓаните да ги почитуваат препораките за заштита од топлотен удар: престој во разладени простории, внесување на доволно течности, избегнување на алкохол и засладени пијалаци, носење лесна и светла облека, како и ограничување на физичката активност во најтоплите часови.
Особено внимание треба да се посвети на ризичните групи — деца, стари лица, лица со хронични заболувања и бремени жени.
Во случај на појава на симптоми како вртоглавица, главоболка, гадење или забрзан пулс, веднаш треба да се побара медицинска помош.
Министерството ја следи состојбата и ќе постапува според потребите.
Според најавата на УХМР, времето денес ќе биде сончево со мала до умерена локална облачност. Ќе дува слаб до умерен ветер од северероисточен правец. Максималната температура ќе биде во интервал од 30 до 37 степени.
Македонија
Четири различни цени за паркинг во Клинички, просторот ќе се прошири двојно

Министерот за здравство, Азир Алиу, информира дека во Клиничкиот центар ќе има четири различни влезови со различни ценовници за паркирање – бесплатен за онколошки пациенти, поевтин за пациенти со упат, поскап за вработените и најскап за граѓаните кои доаѓаат по други причини. Договорот за управување со паркингот ќе го потпише Министерството со ЈП Градски паркинг.
Се најавува и оптимизација на паркинг просторот, со дупло повеќе места и дополнителни влезови, вклучувајќи и еден кај Кардиологија. Ќе се воведе 24-часовен мониторинг со камери и нов систем за следење на плаќањето и активностите. Доколку оптимизацијата не биде доволна, ќе се размислува за изградба на катна гаража.