Македонија
(Видео) Бектеши на седница ќе ги образложи судските одлуки, Тренчевска не верува оти рудникот во Иловица може да ја растури коалицијата

Министерката за труд и социјална политика, Јована Тренчевска, најави дека, утре, на владина седница, министерот за економија, Крешник Бектеши, ќе ги обраложи сите судски одлуки за рудникот во Иловица по објавувањето дека Бектеши ги измамил министрите во Владата да гласаат за дополнителна точка на владина седница, без расправа, велејќи им дека Управниот суд донел одлука за спојување на концесиите.
Тренчевска, одговарајќи на новинарски прашања, рече дека министрите во Владата ќе ја преипитаат одлуката и рудник нема да има.
Во врска со спорното гласање, министерката изјави дека точката била дополнително ставена и вообичаено министерот дава образложение на кое другите се потпираат и затоа ја гласале точката.
Oткако во неколку наврати повтори дека ставот на министрите од СДСМ е оти рудници нема да има, Тренчевска беше прашана дали е ист и ставот на колаицискиот партнер ДУИ, како и дали рудникот би можел да стане точка на разидувања во коалицијата. Таа рече дека не верува оти би можело да дојде до такво нешто бидејќи владин приоритет е руралниот развој – струмичкото поле со неговата плодна почва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.