Македонија
Бектеши- Почивалшек: Голем потенцијал за зголемување на билатералната соработка, инвестициите и туризмот

Министерот за економија Крешник Бектеши го пречека вицепремиерот и министер за економски развој и технологија на Република Словенија, Здравко Почивалшек кој денеска е во официјална посета на Македонија.
Министерот Бектеши и вицепремиерот Почивалшек остварија билатерална средба на која дискутираа за економската соработка помеѓу двете земји и за можностите оваа соработка да се унапреди дополнително.
Министерот Бектеши во своето воведно обраќање за добредојде го информираше вицепремиерот Почивалшек за економските реформи кои ги спроведува Владата, пред се во делот на зголмуавање на инвестициите.
„ Словенија и Македонија се слични по големина и бројот на жители, сепак словенечката економија е понапред од нашата. Има голем број на компании од Словенија кои работат во Северна Македонија, но и обратно, тоа е знак на солидна економска соработка, а мислам дека има многу области каде можеме да ја унапредиме соработката. Тоа е пред се во делот на бањскиот туризам, каде што Словенија има големо искуство“, кажа министерот Бектеши.
Министерот Бектеши кажа дека Македонија е посетена во делот на зголемување на економската соработка со Словенија, а според статистичките податоци, билатералната трговија помеѓу двете земји, по падот минатата година како резултат на кризата предизвикана од пандемијата, од почетокот на оваа година бележи континуиран раст.
Министерот Бектеши информираше дека нашата земја има конкурентни услови за привлекување на странски инвестиции, но и запоттикнување на инвестиции на домашни компании, преку мерките содржани во Законот за финансиска поддршка на инвестициите
Вицепремиерот и министер за економски развој и технологија на Словенија, Почивалшек, се согласи дека економските односи помеѓу двете земји се на многу високо ниво, но постои простор за дополнителен раст.
Кажа дека само во првите девет месеци трговската размена помеѓу двете земји бележи раст од 30%.
„Ме радува големата инвестициската размена помеѓу двете земји.Словенечките инвестиции во Северна Македонија се над 400 милиони евра, работат над 40 компании кои вработуваат 2500 вработени. Радува и порастот на македонските инвестиции во Словенија кој изнесува над 30 милиони евра, пред се во делот на металургијата,“ кажа Почивалшек.
Двајцата министери се договорија во наредниот период да се организира заеднички инвестициски бизнис форум каде што ќе се сретнат компании од двете земји, што ќе биде можност за размена на искуства, нови договори и проширување на инвестициите помеѓу двете земји
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ, дека тоа ќе биде последното такво барање

Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот магазин „Политико“.
Говорејќи за процесот на европска интеграција, министерот истакна дека државата во моментов не е подготвена да ги направи уставните измени што ги бара Бугарија, освен ако не добие цврсти гаранции од Европската Унија дека тоа ќе биде последното вакво барање. „Нашиот страв е: ако ги направиме уставните измени, што ќе се случи ако за шест месеци Бугарија повторно дојде со барања поврзани со историјата, идентитетот или јазикот?“, рече Муцунски.
Тој нагласи дека Северна Македонија е подготвена и веќе работи на сите други неопходни реформи, бидејќи тие не се само барање на Унијата, туку и потреба на општеството. „Ако утре земјите членки ни кажат дека треба да направиме повеќе во областа на владеењето на правото или доброто управување – тоа го разбираме. И не само што го разбираме, туку го чувствуваме како наша обврска“, додаде министерот.
Во интервјуто тој се осврна и на геополитичкиот контекст, нагласувајќи дека иако ја разбира итноста за интеграција на Украина, тоа не смее да биде на сметка на Западен Балкан. „Најбрзата, а веројатно и најевтината инвестиција во европската стабилност е ЕУ што побргу да ги отвори вратите за целиот регион. Не мислам дека селективното проширување е најдобрата опција“, изјави Муцунски.
Тој потсети дека Северна Македонија го започна европскиот пат заедно со Хрватска, но додека Хрватска денес е членка на Шенген и користи евро, нашата држава сè уште нема отпочнато преговори за членство.
Министерот изрази увереност дека проширувањето сè уште е возможно. „Слушаме за скептицизам кон проширувањето. Но, Северна Македонија – културно, социјално и политички – е европско општество. Доколку ги направиме реформите како што треба, не верувам дека ќе има силен отпор за проширувањето на нашиот регион.“
Покрај темите поврзани со ЕУ-членството, Муцунски зборуваше и за поддршката што Северна Македонија ја дава за Украина, придонесот во НАТО Алијансата, како и целосната усогласеност со Заедничката надворешна и безбедносна политика на ЕУ. Тој посочи и дека Северна Македонија беше првата земја од регионот што потпиша безбедносно-одбранбено партнерство со Европската Унија – дури пред Велика Британија и Канада.
Македонија
Регионалниот пат преку Јасен од утрово пуштен за сообраќај

Денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерството за внатрешни работи.
Се препорачува внимателно возење, почитување на сигнализацијата и прилагодување на брзината поради можни одрони на патот, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен поради летните одмор, меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.