Македонија
Бистри и матни случаи за септември 2023 година според „Транспаренси интернешнл – Македонија“
„Транспаренси интернешнл – Македонија“ продолжува да ја спроведува редовната месечна активност за следење случаи и дејства поврзани со коруптивни однесувања и борбата против корупцијата, што ја нарекоа „бистро – матно“.
Матни настани за септември 2023 година
Ја гази ли профитот Хипократовата заклетва?
Полицијата и Обвинителството влегоа на претрес на Клиниката за онкологија
„По насоки на Основното јавно обвинителство Скопје, со обезбедена судска наредба, од страна на МВР преземени се дејства во предистражна постапка за обезбедување докази што ќе бидат предмет на анализи и вештачење со цел да се испитаат евентуални обележја на кривично дело на Клиниката за онкологија“, известија од Обвинителството.
Тивка амнестија
Владата тајно ги утврди, Собранието експресно, со 48 гласа „за“ ги донесе измените на Кривичниот законик
Предлог-измените на Кривичниот законик, кои Владата ги поднесе во Собранието по скратена постапка (со европско знаменце), предизвикаа лавина реакции во јавноста. Со нив, меѓу другото, се предвидува намалување на казните во членот 353, кој се однесува на злоупотреба на службената положба и овластувањето, кој најчесто се користеше за гонење службени лица и функционери, како и намалување на казните за делото злосторничко здружување од членот 394, односно наместо сегашните, кои предвидуваат од една до десет години затвор, на една до три години затвор. Тоа повлекува и порано застарување на кривичните дела.
Секој искажан збор има своја последица, секое молчење исто така – Сартр
Врховен суд: Донесувањето законски измени без транспарентен процес е спротивно на европските стандарди – Врховниот суд смета дека донесувањето законски измени без транспарентен процес преку јавна дебата и стручна расправа е спротивно на заложбите за реформи на законодавството во согласност со европските стандарди.
Пендаровски да го искористи правото на вето, побара Платформата на граѓанските организации за борба против корупцијата – од страна на Платформата беше побарано од претседателот на државата, Стево Пендаровски, да го искористи уставно загарантираното право на вето и да не го потпише указот за прогласување на измените на Кривичниот законик, кои на 6 септември 2023 ги усвои Собранието.
Ристоска: Измените на Кривичниот законик влијаат на културата на неказнивост – „Последните измени на Кривичниот законик лично ги доживувам како навреда на сите професионалци што се вложија, пред сè, во борбата против корупцијата“. Според Ристоска, овие измени најчесто ќе ги афектираат коруптивните кривични дела, а повеќето од предметите во кои се вложени многу ресурси и енергија веќе застаруваат.
Продолжија активностите на ДКСК и овој месец
Антикорупционерите пресекоа: ДУИ го прекршила заонокт, вишокот донации примен во 2022 година, наместо веднаш, ги вратила во јули 2023 година
Демократската унија за интеграција го прекршила Законот за финансирање на политичките партии оти во 2022 година примила донации поголеми од законски дозволените, а вишокот пари гi вратила во 2023 година наместо веднаш или во рок од 15 дена по приемот. Државната комисија потврди дека прекршок има и дека за него ќе бараат да постапи Државниот завод за ревизија како надлежно тело.
На дното на достоинството и интегритетот
Командири од затворот „Идризово“ подмитиле затвореник со 4.000 евра зашто им ветил дека ќе ги премести да работат во МВР
Управата за извршување санкции извршила вонреден надзор во Казнено-поправниот дом „Идризово“ по поплаки од две осудени лица, кои се пожалиле од двајца командири дека им се заканувале, а кои, пак, пријавиле дека му дале мито на едниот затвореник, но тој ветувањето не го реализирал.
Бистри настани за септември 2023 година
Затвор за професорите Шуклев и Ристевски, барале пари и сексуални услуги за оценки: Втора пресуда за „Еразмус“
Обвинетите професори Бобек Шуклев и Славе Ристевски од Економскиот факултет осудени со затворски казни од 4 и пол и 4 години зашто барале пари и сексуални услуги од студентки за оценки, а демонстраторот Драган Денковски осуден со условна казна од 2 години доколку во следните 5 години не го повтори делото зашто посредувал помеѓу студентките и професорите.
Приведен грчки државјанин поради нудење поткуп
На 10.09.2023 во 20.10 часот на наплатна рампа Демир Капија полициски службеници од Полициска станица зa граничен надзор Михајлово при РЦ за ГР Југ го лишиле од слобода Г.К.(35) од Грција поради сторено кривично дело нудење поткуп.
Охриѓанец се обидел да поткупи полицајци па бил приведен
„На 10.9.2023, во 19.35 часот, на магистралниот пат Кичево – Гостивар, полициски службеници од ОВР Кичево го лишиле од слобода А. Ј. (59) од Охрид. По сторен сообраќаен прекршок, тој во личните исправи што им ги дал на полициските службеници ставил пари како поткуп, а кои веднаш му биле вратени“, информираат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.