Македонија
Битиќи: Конкурентноста и иновациите играат клучна улога за просперитетот на државата
Неодамна објавените демографски проекции за движењето на населението во наредните 50 години од страна на Државниот завод за статистика укажуваат на тренд на намалување на населението и негово интензивно стареење, состојба на која доколку веднаш не пристапиме институционално и стратешки да ја менуваме, тешко ќе можеме да очекуваме нејзино позитивно корегирање. Конкурентноста и иновациите играат клучна улога во давањето на позитивен одговор на овие демографски процеси, порача заменикот на претседателот на Владата на Република Северна Македонија задолжен за економски прашања, координација на економските ресори и инвестиции, Фатмир Битиќи, во неговото обраќање на состанокот на Секторската работна група за иновативност и конкурентност.
Вицепремиерот Битиќи нагласи дека со поттикнување на динамично и иновативно деловно опкружување, може да се ублажи влијанието на демографските промени врз економскиот развој, притоа за остварување на оваа цел, потребен е стратешки пристап.
Затоа, тој посечи, дека Владата ги има изработено трите стратегии, Националната развојна стратегија 2024-2044, Стратегијата за Паметна специјализација и Стратегијата за унапредување на извозот на Република Северна Македонија за 2024-2027.
„Овие документи веднаш треба да ги прифатиме и институционално да ги интегрираме во националните политики, затоа што тие претставуваат клуч за севкупниот, вклучително и економски, просперитет на државата. Секоја државна институција, како и граѓанскиот сектор, треба да ги прифати како основен ориентир или рамка на сите свои политики кои ги креира и спроведува согласно надлежностите“, рече вицепремиерот Битиќи.
Според вицепремиерот Битиќи, дел од одговорот на овие предизвици и поставувањето на одржливи основи на развојот на општеството, се содржани во Националната развојна стратегија, сеопфатна дваесетгодишна рамка поделена на шест стратешки области.
„Од поттикнување одржлива, иновативна и конкурентна економија до обезбедување кохезивен локален и регионален развој, демографска ревитализација и социјално-културен напредок, нашата заедничка мисија е да изградиме флексибилно општество засновано на принципите на владеење на правото и добро владеење. Дополнително, стратешки ја опфаќаме и посветеноста за зелени трансформации, трасирајќи ја патеката кон чиста, здрава и енергетски одржлива иднина“, рече вицепремиерот Битиќи во обраќањето пред членовите на Секторската работна група за иновативност и конкурентност.
Вицепремиерто Битиќи се осврна и на Предлог-Стратегијата за унапредување на извозот на Република Северна Македонија за 2024-2027 година, придружена со сеопфатен акциски план за 2024-2025 година, која препознавајќи го императивот за интернационализација и раст предводен од извозот за нашата економија, предвидува интензивирање на процесот на интернационализација со цел диверзификација и зајакнување на извозот.
„Со приоритет на диверзификацијата на извозните дестинации и подобрување на интеграцијата на домашните претпријатија во глобалните синџири на снабдување, односно создавајќи можност за заживување на концептот на “nearshoring”, ние имаме за цел да ги надминеме предизвиците и да ја подигнеме конкурентноста на нашиот приватен сектор. Оваа стратегија не е само план, тоа е визионерски патоказ кон поглобално интегрирана македонска економија“, истакна вицепремиерот Битиќи.
Зборувајќи за Стратегијата за Паметната специјализација, тој нагласи дека со неа Владата направи уште еден значаен исчекор во делот на создавањето на можности за развој на иновативноста и конкурентните предности на економијата.
„Кога говорам за нашите конкурентни предности мислам на зајакнување на конкурентноста на економијата преку мапирање на индустриите и поддршка на економија базирана на знаење и иновации. Токму затоа, оваа стратегија ја претставува нашата визија за поттикнување зелен и одржлив раст преку вклучување на знаење, иновации и технологија за создавање производи и услуги со висока додадена вредност, конкурентни на меѓународните и домашните пазари. Преку инклузивен процес создадена, стратегијата посочува дека сектори со најголем потенцијал се паметно земјоделство и храна со повисока додадена вредност, електро -машинската индустрија, кон што сметам дека треба да го насочиме нашето образование за да ги задоволи потребите на пазарот на труд, ИКТ, како посебна индустрија, и паметни згради и одржливи материјали, вклучувајќи го и концептот на циркуларна економија“, рече вицепремиерот за економски прашања Битиќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Со голема донација во болницата „Свети Еразмо“ во Охрид, Mozzart ја заокружува својата приказна на хуманост за 2025 година
Најубавите дела секогаш се оставаат за крај – токму така компанијата Mozzart ја завршува оваа година, со гест кој носи надеж и светлина. Во специјалната болница „Свети Еразмо“ во Охрид пристигна вредна донација – современ ортопедски трауматолошки борер, апарат кој ќе ја олесни работата на лекарите и ќе им овозможи на пациентите побрзо и поквалитетно лекување.
„Нашата благодарност кон Mozzart е огромна. Оваа донација е од исклучително значење за нас – апаратот го скратува времето на операциите и го зголемува нивниот квалитет. Со гордост можам да кажам дека добивме една од најсовремените опреми, донација која ретко која компанија би можела да ја обезбеди,“ истакна директорот Харалампие Шокаревски.
Оваа болница, единствена од својот вид во државата, е место каде што доаѓаат пациенти од сите градови. Токму затоа, значењето на донацијата е уште поголемо.
„Горди сме што успеавме да ја реализираме оваа донација во болницата Свети Еразмо. Најубаво е кога годината ја завршуваме со дело кое носи добрина и надеж,“ изјави Ивана Стефановска Крстевска од Mozzart.
Mozzart ја започна 2025 со хуманост, а ја завршува на ист начин – со срце и грижа за луѓето. Со нови големи проекти, компанијата чекори со сигурност и подготвеност кон 2026 година, носејќи ја истата порака: хуманоста е најголемата победа.
(ПР)
Македонија
Нова истрага за проневера во прилепската болница: благајник украл 15 милиони денари од наплати на шалтер
Постапувајќи по кривична пријава од Управата за финансиска полиција, Основното јавно обвинителство Прилеп донесе наредба за спроведување истражна постапка против едно лице за продолжено кривично дело – Проневера во службата.
„Постои основано сомнение дека тој во временскиот период од 01.01.2020 година до 31.12.2021 година, во својство на службено лице – самостоен референт – главен благајник во Одделение за материјално финансиско работење во Сектор за материјално – финансиски работи и сметководство при ЈЗУ Општа болница со проширена дејност Прилеп, со намера за себе да прибави противправна имотна корист, присвоил пари доверени во службата“, соопшти обвинителството.
Тој во повеќе наврати дел од наплатените и примените парични средства од шалтерите на болницата, наплатени од пациентите по основ на партиципација и приватни здравствени услуги, не ги уплатил на банкарската сметка на болницата, не изготвил обрасци „каса-прими“ и истите противправно ги присвоил за себе со што прибавил значителна имотна корист во вкупен износ од 15.063.284 денари.
Јавниот обвинител до судијата на претходна постапка достави предлог за определување мерка куќен притвор за осомничениот.
Македонија
(Видео) Манасиевски: Оливер Спасовски не постапил кога бил должен да постапи
Оливер Спасовски не постапил кога бил должен да постапи и затоа Македонија се соочува со последици кои никогаш не смееле да се дозволат, изјави Валентин Манасиевски, член на ЦК на ВМРО-ДПМНЕ.
„Оливер Спасовски не го одзел овластувањето на станицата за технички преглед во Сарај, иако имало официјален извештај со констатирани неправилности, тој не презел мерки во законскиот рок, туку реагирал дури три месеци подоцна, со што директно овозможил фирмата да се здобие со противимотна корист од 5,5 милиони денари. Уште потрагично е тоа што, Оливер Спасовски реагирал дури три дена по трагедијата во Бугарија во која загинаа наши 45 сограѓани, со автобусот кој поминал технички преглед во истата оваа фирма во Сарај. Дали доколку Оливер Спасовски реагирал навремено ќе била спречена оваа трагедија?“, праша Манасиевски.
Тој, исто така, праша дали Спасовски имал некаков договор со фирмата и затоа им овозможил дополнително работење за да може и тој да ќари?
„Дали Оливер Спасовски во страв и паника веднаш по несреќата го одземал овластувањето затоа што имал грижа на совест? ДКСК во 2023 година утврдила одговорност и побарала од владата да се разреши Оливер Спасовски или самиот тој да си поднесе оставка. Вакви институционални пропусти со тешки последици не смееле да се случат. Сите треба да знаат кој стоел на позицијата што требало да ја штити безбедноста на граѓаните“, рече Манасиевски.
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
(Видео) Расчистено убиството во Гостиварско, поднесена кривична пријава
СВР Тетово – Надворешната канцеларија за криминалистички работи Гостивар поднесе кривична пријава против С.М.(53) од село Неготино, општина Врапчиште, поради...
Нема веќе одење во Царина за потврди за царински долг, Централен регистар со еден клик ги гледа електронски
Хартиените потврди за царински долг кои се потребни за упис и промени на правниот субјект во Централниот регистар стануваат минато....
Спасовски 3 месеци го кочел затворањето на станицата за технички преглед во Сарај и овозможил незаконски профит од 90 000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари ама со променет статус во „економски работници“
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
(Видео) Убиецот на Чарли Кирк првпат се појави пред суд
Мажот обвинет за убиство на десничарскиот активист Чарли Кирк, 22-годишниот Тајлер Робинсон, се појави за прв пат лично на суд...
САД воведуваат нови санкции врз Венецуела, насочени кон внуците на Мадуро и нафтениот сектор
САД го зголемуваат притисокот врз Венецуела со нови санкции насочени кон тројца внуци на претседателот Николас Мадуро, меѓу другите. Двајца...
(Видео) Земјотрес со јачина од 6,7 степени ја погоди Јапонија, забележано слабо цунами: пристигнуваат снимки
Земјотрес со јачина од 6,7 степени ја погоди североисточна Јапонија, што ја натера Јапонската метеоролошка агенција да издаде предупредување за...
Трамп ја презеде контролата врз регулативата за вештачка интелигенција
Американскиот претседател Доналд Трамп потпиша извршна наредба насочена кон централизирање на регулирањето на вештачката интелигенција на федерално ниво за да...
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
На 15 декември почнуваат предновогодишните настани на плоштад „Македонија“. „Градот Скопје со радост најавува дека годинава празничниот дух повторно се...
„Јавноста бара одговори, а добива уште една сцена на политичка формалност“, велат од Блупринт групата за реформи во праводуството за комисијата за Кочани
Јавноста бара одговори, но наместо одговорност, добива уште една сцена на политичка формалност. Семејствата уште еднаш беа оставени да гледаат...
Муцунски: Оваа Влада ниту водела, ниту ќе води политика за прифаќање мигранти во каква било форма
Владата е целосно посветена на економскиот развој и на подобрување на квалитетот на живот на граѓаните. Градиме партнерства што носат...
Не може потпис на правен акт да е предизвикувач на пожар, рече Шилегов, бранител на државниот советник Шофкет Хазари обвинет во „Пулс“
Нешто повеќе од половина час, денес, во судницата во „Идризово“, адвокатот Петре Шилегов, бранител на државниот советник во Министерството за...
(Фото) Претрес во Тетовско, пронајдени дрога, оружје и муниција
Денеска околу 08:00 часот, полициски службеници од СВР Тетово го лишија од слобода 30-годишниот Ф.Р. од село Орашје, општина Јегуновце....
Обвинение за таткото и двете ќерки: спречиле службени лица да одземат добиток во Крива Паланка
Основното јавно обвинителство Крива Паланка поднесе обвинителен предлог против три лица за кривично дело спречување службено лице во вршење службено...
(Видео) „Филипче работел на изградба на прифатен центар за мигранти во Македонија“: Лефков објави документи
„Филипче не е лидер, туку потрчко на Заев, едно дугме-политичар кој има единствена улога да го покрива и штити неговиот...
