Македонија
Битолскиот и софискиот универзитет заедно го празнуваат Свети Климент Охридски
Софискиот и битолскиот универзитет денеска во рамки на заедничкото празнување на Свети Климент Охридски ја започнаа заедничката научна конференција на тема „Димензиите на компетенциите“ која ja отворија министерката за образование и наука, Мила Царовска, заменик-министерот за образование, Тања Михајлова, ректорот на софискиот универзитет проф. д-р Анастас Герджиков и проректорот на Универзитетот „Св.Климент Охридски“ -Битола, проф.д-р Марјан Ѓуровски.
На конференцијата учество земаат професори од двете земји со трудови и истражувања, конференцијата на крајот ќе резултира со издавање заеднички зборник на трудови за што е формиран заеднички научен, програмски и организациски комитет.
Во своето обраќање на свеченото отворање министерката за образовани и наука, Мила Царовска, поздравувајќи го заедничкото празнување на Свети Климент Охридски нагласи дека „Добар знак за нас и нашите два универзитета е што во духот на европските вредности за партнерство, за поврзување, низ еден нов академски дискурс тежиштето го ставаме на квалитетна меѓусебна соработка со фокус кон размена на студенти, кадри, споделување искуства, знаења, вештини, односно обезбедување цврста поврзаност на сите институционални но и индивидуални членови на нашите две академски заедници“.
Според Царовска, критериумите треба бидат насочени кон знаење, успех, професионалност, стручност, одговорност и компетентност, кон квалитет и примена на европски стандарди.
Преку одржувањето на заедничката меѓународна конференција и заедничкото празнување на Свети Климент Охридски, проректорот Ѓуровски истакна дека – универзитетите го заземаат водечкото, односно повеќе предводничкото, авангардно место во општеството и во оваа смисла отвореноста и доостапноста не треба да бидат само празни флоскули туку наш вистински Modus Vivendi со цел да можеме да ги привлечеме сите оние кои имаат желба да ни го доверат своето образование, своето усовршување, сите оние што со своите интелектуални и морални кавалитети, со својата стручност сакаат да придонесат кон побрз развиток на високото образование, на науката, во амбиент на автономни универзитети каде основната претпоставка е академската слобода, индивидуалното надградување и потврдување на способностите и квалитетот. Токму софискиот и битолскиот универзитет преку заедничкото празнување на Свети Климент Охридски се предводници со кои го заземаат авангардното место во општеството што претставува наша должност како академска заедница, нагласи проректорот Ѓуровски.
„Интензивирањето на академската соработка и заедничкото празнување на Свети Климент Охридски е во духот на европските вредности и придонесува за зајакнување на добрососедските односи“, истакна проректорот професор Ѓуровски. Меѓу другото додеде дека „двата аниверзитета носејќи го името на заедничкиот патрон и преку негово заедничко празнување сме предвесници на новото време на надоградување на меѓусебната соработка, разбирање и градење на заедничките вредности. Заедничкото празнување на Свети Климент Охридски за двата универзитети претставува повод и одлична можност до академската јавност да се испратат пораки што ќе значат поттик за интензивирање на меѓусебната соработка“, рече тој.
Според професорот Ѓуровски, „Зближувањето преку образованието, науката, креирањето позитивна клима е поволен концепт за поголема поврзаност преку размена на знаења, искуства, но и размена на млади, студенти и универзитетски кадри што е еден од меѓусебно усогласените приоритети за време на самитот на Берлинскиот процес во Софија на којшто двете земји беа во улога на домаќини“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Лефков: По фамозното селфи во авионот од Брисел, Македонија е се’ подалеку од ЕУ
Откако го направија фамозното селфи во авионот од Брисел, Македонија е се подалеку од Европската Унија, а истата уште толку не оддалечи од нејзините врати поради лошите политики на СДС-ДУИ, изјави на прес-конференција, пратеникот од ВМРО-ДПМНЕ, Миле Лефков.
Како што рече, криминалната коалиција на СДС-ДУИ, наместо како што ветуваа почеток на преговори со Европската Унија, не дистанцираа од неа.
„Граѓаните препознаа дека зад памфлетите се кријат манипулации за да можат да крадат. Затоа СДС беше казнета на последните избори, пораз кој станува се поголем, особено ако се погледнат последните анкети каде имаат тенденција на дополнително паѓање. Откако направија се, за да не понижат како народ, сега СДС вели дека поради ВМРО-ДПМНЕ сме биле изолирани. Заврши времето на виткање на кичмата и спроведување на диктати. Заврши времето на играње игра со чувствата на граѓаните. Заврши времето на местење тендери, завршува времето на осудени криминалци да шетаат по улиците, завршува времето на корумпирани политичари, корумпирани обвинители, судии“, изјави Лефков.
Како што додаде Македонија ќе биде повторно исправена и без прифаќање на диктати и уцени, ќе ги отвориме преговорите за членство со Европската Унија.
Македонија
Ахмети им честита на Албанците и на Рама за отворањето на преговорите со ЕУ
Претседателот на Демократската унија за интеграција, Али Ахмети денеска го коментираше отворањето на преговорите меѓу Албанија и Европската унија преку отворањето на првото преговарачко поглавје.
„Одлични вести од Луксембург за Албанија, Албанците и целиот регион на Југоисточна Европа. Срдечно им честитам на сите Албанци, на премиерот Еди Рама и на целиот тим кој неуморно работеше на отворањето на првото преговарачко поглавје. Се надевам дека Албанија ќе работи напорно кон остварување на целта за членство во Европската унија во 2030 година.
Мора истотака да го нагласам очајот што Северна Македонија денеска не е до Албанија поради блокирањето на нашето европско патување како резултат на неспроведувањето на преговарачката рамка одобрена од Советот на Европската Унија и Северна Македонија.
Мораме да дадеме се од себе за да ја обезбедиме и запечатиме европската иднина на нашите граѓани, демонстрирајќи лидерство и решителност.
Немаме друга алтернатива! Европа е нашиот единствен пат“. пишува Ахмети на својот официјален Фејсбук профил.
Македонија
Јаневска за училиштата без греење во Карпош: Верувам дека градоначалникот, кој е многу способен, ќе најде начин да ги згрее, блок- дотациите се исплатени
Парите за греење во основните училишта се исплатени на сите општини, рече денес министерката за образование Весна Јаневска иако вчера градоначалникот на Општина Карпош Стевчо Јакимовски алармираше дека грејната сезона нема да почне за осумте основни училишта на територија на општината оти од Министерство му кажале дека нема пари за покривање на долговите за греење.
Министерката е оптимист дека градоначалникот, за кого вели дека е многу способен, е најде решение.
„МОН дава блок-дотации на општините. Ние блок – дотациите ги исплативме на општините и нема што дополнително да даваме. Организација на градоначалниците, училиштата и директорите е како ќе се организираат за да ја спроведат не само грејната сезона туку се друго што треба. Ова, и ако го упатил до Министерството, не е прашање што треба да се упати до Министерството. Очекувам сите училишта да имаат греење затоа што е невозможно да се учи без греење. Верувам дека градоначалникот, кој е многу способен, ќе најде начин да ги затопли училиштата.
Градоначалникот Јакимовски вчера на прес-конференција предупреди дека грејната сезона, која почнува денес, нема да почне за осумте основни училишта во Карпош и побара Владата да си ги покрие трошоците за греење на во висина од 8.3 милиони денари. Рече дека блок-дотациите не се доволни за покривање на трошоците за греење и кажа дека мината година Општината одвоила 6 милиони денари од својот буџет за покривање на трошоците за греење иако локалната самоуправа не е должна да го прави тоа.