Македонија
Богдановиќ: За две години го вративме долгот од 4,5 милиони евра
За две години го вративме долгот од 4,5 милиони евра, обезбедуваме повеќе зеленило во Општина Центар, изјави градоначалникот на општина Центар, Саша Богдановиќ, на прес-конференција давајќи отчет за сработеното во општината.
„Едно од клучните наши ветувања беше забраната за издавање, односно неизвршување на плановите коишто не беа услогласени со параметрите на ГУП-от и не беа преземени оние елементи коишто придонесуваат на хуман начин на живеење. Да напоменам на 27 декември 2017 година со одлука на Советот на општина Центар, 31 ДУП беа ставени на одлука за неизвршување, или познато како мораториум.
До тогаш веќе се донесени 4 ревидирани ДУП-ови, и се донесени едногласно од сите советници, и разликите ги презентиравме, со секои план како што го носевме, не само пред граѓаните на средбите кои што ги имаме, но и преку јавните анкети, дискусии и преку сите можни алатка за ифнормирање, за да можат граѓаните да се информираат што е тоа што ќе се случува во нивите населби.
Во наредниот период интензивно ќе се донесат и останатите Планови, бидејќи скоро со сите сме на крајот на нивното извршување.
Сакам да напоменам, дека во сите оние Планови коишто се донесени конечно се задржани сите зелени површини, насекаде каде што се предвидувале згради и хотели ги менуваме со паркови и детски игралишта, нешто што досега никој го нема уцртано.
За прав пат, населбата Пролет ќе добие градинка, место кои досега никој се нема капитално зинимавано. На местот на Мирче Мацан, каде што беше предвиден Хотел пред самиот олимписки базен го направивме со градот Скопје, познатиот пам трак. Во ново маало, зградите каде што беа една до друга, сега се оддалечени и решавање на зеленилото во самите објекти 20%, новиот закон го практикуваме од 2018 година за урбано зеленило, беа дополнети со нови паркови и игралишта, и ова се ќе следува и во новите Урбанистички Планови.
Општината ја преземавме со долг околу 4,5 милиони евра, од кои 2 милиони евра долг како обврски према добавувачи и 2,5 милиони евра од судски пресуди. И покрај тоа што имавме мораторим и главното финансирање на општината е преку издавање дозволи за градење или комуналии. Ние успеавме да ја исчистиме општината од долгови без финансиска помош, и денес не должиме и на сметкака имаме околу 150 милиони денари, и го завршивме најголемиот капитален проект досега направен во нашата општина, а тоа е ОУ Киро Глигоров, кое што во изминатава година и нешто го исплативме со 140 милиони денари од сопствени средства, а другите се од кредит.
Како што напоменав оваа година го завршивме новото ОУ Киро Глигоров во Капиштец на површина од 12.000 метри квадратни, со двор од 4.100 метри квадратни, со посебна фискултурна сала која што е единствена во овој простор по ФИБА стандарди, што значи дека сите ФИБА натпревари може да се одиграат на територија на нашата држава и тоа токму во оваа сала. Училиште со антибактериски подови, акустични плафони, модерни училници каде што има подно греење, ботаничка градина и нормално сите оние елементи коишто се потребни за нормално изучување и е прво инклузивно училиште во кое што ќе бидат сместени децата со детска парализа.
Имавме реконструкција на матичните објекти, клоновите на градинките, онаму каде што има потреба, три целосно реконструирани занимални во градинката Кочо Рацин, клон Багремар. Се реконстуираат објектите во Раде Јовчевски -Корчагин, клонот Палешка и Пепелашка, а во градинката Корчагин поставен е нов паркет и заменети се прозорците со нови.
Од основните училишта, во 11 октомври го средивме партерното уредување и реконструкција на тоалетите. ОУ Гоце Делчев доби доградба со тотално нови 8 училници и опремен простор од 552 метри квадратни како и нова енергетска ефикасна фасада, со што конечно го средивме изгледот на едно од постарите училишта во општина Центар. ОУ Димитар Миладинов доби нова енергетски ефикасна фасада и фасадна столарија и термоизолационен кров, и наскоро ќе се смени и паркетот во фискултурната сала.
ОУ Кочо Рацин доби реконструиран цел партер и изведено е ново мултифунцкионално детско фудбалско и кошаркарско игралиште. Години наназад децата од ОУ Кочо Рацин немаа надворешни терени каде да ги изведуваат своите спортски активности. Во ОУ Кирил и методиј ја завршивме новата спортска сала, обезбедивме нови прозорци и врати и целосно го преуредивме внатрешниот дел од училиштето и да напоменам дека ОУ Кирил и Методиј е првото основно училиште од осумте во општината во кое сите занимални, сите училници се покриени со прочистувачи за воздух. Во училиштето Јохан Хајнрих Песталоци, уреден е партерниот дел во дворот.
Во изминативе две години асфалтирани се 25 улици меѓу кои капитални, „Ѓуро Ѓоновиќ“ во населбата Маџир Маало реновирана после 50 години, проект кој чини околу 50 милиони денари. Целосно е заменета водоводната и канализациона мрежа и поставен е нов слој асфалт со нови паркинг места. Потоа, улиците „Петричка“,„Питу Гули“ „Ганчо Ханзи Панзов“ „Караорман“ „Бигла“ и така натака.
Поставени се четири нови водоводи на улицата „Кале- 360, 361, 364,365, и за првпат после 50 години за Кале можеме да кажеме дека ќе пијат чиста вода. Нови водоводни мрежи и на „Рилски конгрес“ локалитетот „Тасино чешмиче“ и улицата „Ѓуро Ѓаковиќ“. Планираната реконструкција на „Орце Николов“ и изградбата на нова улица кај Геолошки завод веќе ќе стартуваат кон почетокот на следната година и тоа ќе бидат едни од најмодерните улици во државата, бидејќи ќе се применат нови „смарт“ методи во однос на паркирањето, мерењето на бучава и осветлувањето, а тротоарите целосно ќе бидат ослободени за пешаците и велосипедистите.
Сега на „Орце Николов“ имате паралелно паркирање, рестарни кои имаат некакви одобренија и со тоа го попречуваат нормалното движење. За првпат главната улица во Дебар маало ќе биде изведена така што ќе биде целосно ослободена и ќе биде во функција за луѓето кои живеат таму, но и луѓето кои користат алтернативен превоз.
Реконтруирани се 4, а предвидена е изградба на 3 нови детски игралишта во Блок 9 од Градски ѕид, градинка „13 ноември“ и ОУ „Кочо Рацин“ и со тоа можам да кажам дека повеќе од половина од игралиштата во општина Центар се целосно реновирани. Во текот на наредната година Центар ќе биде единствена општина во која сите детски игралишта ќе имаат нови содржини, ќе има терени за баскет и фудбал и ќе биде единствена општина каде секое маало ќе си има катче каде децата но и повозрасните ќе се рекреираат.
Во општинската хигиена имаме вработено 100 луѓе, а започнувајќи од декември, согласно буџетот за првпат ќе се воведе двосменско работење за луѓето кои ја одржуваат хигиената, а за првпат ќе се набават и возила. Општина Центар освен рачното чистење, ќе започне и со машинско чистење на јавните простори со што ќе се проближиме до модерните општини кои имаат и машнско чистење.
Започнавме со проект за субвенционирање на кровови и лифтови, досега субвенционирани се 26 објекти. Во делот на социјалата, освен доделувањето на основни парични средства кон социјално загрозени лица, ние сме првата општина каде започна проектот „Банка за храна“ односно нула глас во општина Центар. Тоа беа 150 семејства кои немаа ниту еден оброк днвено, но со пакетите кои ние ги доделуваме и благодарение на општествено одговорните компании, Банката за храна и МТПС, сега тие добиваат месечн пакет со кој еднаш до двапати дневно можат да си приготват храна.
Морам да го напоменам и проектот „Цел Центар на точак“ кој беше револуционерен во општина Центар но сега го преземаат и другите општини и тоја се продолжува. Над 500 велосипеди, тротинети се доделуваат секоја година и со тоа го стимулираме користењето на алтернативниот превоз со што придонесуваме нашите граѓани да ги менуваат навиките и со тоа да влијаеме на животната средина и на сообраќајниот метеж“, рече Богдановиќ во отчетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова ги додели стипендиите „Борис Трајковски“
„Изминативе дваесетина години се создаде почитувана, позната и експонирана заедница од над 300 успешни, реализирани личности, кои се издигнале над индивидуалните кариери и придонеле за општото добро“, оцени претседателката Гордана Сиљановска-Давкова, на доделувањето на стипендиите „Борис Трајковски“ за академската 2025/2026 година.
Според претседателката, оваа грчко-македонска образовна соработка е уште едно камче во мозаикот на искрена доверба меѓу двете држави и општества.
За неа е најважно државата да не ги заборави стипендистите по завршувањето на програмата и да ги вклучи во креирањето на јавни политики и вредности.
Упатувајќи честитки и посакувајќи им успех на годинешните добитници на стипендиите, министерката за образование и наука, Весна Јаневска, изрази задоволство од функционирањето на Европскиот кампус на Универзитетот Јорк, Сити Колеџ, којшто изнедри 20-тина генерации дипломирани студенти, успешно интегрирани во македонското општество.
За неа, стипендијата е признание за упорноста, талентот и потенцијалот на избраните студенти.
Директорот Јанис Верверидис ја истакна посебната вредност на студирањето на Европскиот кампус на Универзитетот Јорк, Сити Колеџ. Тој посочи дека Executive MBA е современа програма што се реализира заеднички со Универзитетот во Стразбур (високопрестижна француска институција со 18 добитници на Нобелова награда во својата историја) и води до две MBA дипломи: една од Универзитетот Јорк и една од Универзитетот во Стразбур.
Стипендиите „Борис Трајковски“ за студии од втор циклус на извршната МБА програма се доделуваат на 20 студенти веќе 22 години и се резултат на заедничката активност и соработка на Претседателот на државава, Министерството за образование и наука, Меѓународната фондација „Борис Трајковски“ и Европскиот кампус на Универзитетот Јорк, Сити Колеџ од Солун, Грција.
Македонија
Николовски: Програмата за рурален развој е преполовена, субвенции не се исплаќаат, суспендирани се 130 милиони евра од ИПАРД
Пратеникот на СДСМ Љупчо Николовски во рамките на амандманската расправа за буџетот за 2026 година во собраниската комисија за финансирање и буџет посочи на хаосот во земјоделството со кратење и суспендирање на програми.
-Имаме суспендирана програма од 130 милиони евра и сосема неодговорен пристап на орган надлежен за управување со ИПАРД. Гледаме дека министерот бега и се крие и ги крие информациите, па дава контрадикторни информации секој ден за вака сериозна тема. Прво, немаше суспензија, па после призна дека има суспензија, па не беа засегнати договори, па станаа 50 договори засегнати, истакна Николовски.
Тој нагласи дека според официјалните бројки потврдени од Министерството за финансии има 453 склучени договори, 270 делумно исплатени и 180 комплетно неисплатени.
-Програмата за рурален развој, од милијарда и 200 милиони е скратена на половина, на 650 милиони. Националното кофинансирање за ИПАРД во програмата за рурален развој е скратено, рече Николовски, додавајќи дека во времето на владата на СДСМ за еден повик, како овој каде што се фатени корупциски зделки, биле потребни 4 месеци, а сега се потребни 18 месеци, што може да се провери на страната на Делегацијата на Европската унија, но и на Платежната агенција.
Николовски нагласи дека јавно од собраниската говорница алармирал за овие состојби, меѓутоа не добил никаков одговор од министерството.
-Се крати на субвенциите, милијарда денари, не се исплатени субвенциите за овчарите, за млекото, укината е авансната исплата на субвенции, за која сега се измислуваат некакви причини зошто е скратена итн. Факт е дека земјоделците до крајот на годината нема да ги добијат за првпат овие 30%, а големите фирми ќе добијат по еден милион евра, рече Николовски, додавајќи дека се крати и ИПАРД-програмата и програмата за рурален развој, што претставува огромен шок и огромно кратење, буквално на секој поглед, во секоја програма, во секоја мерка во земјоделството.
Николовски истакна дека веднаш по објавата на скандалот има промена на 40% од раководниот кадар на ИПАРД, за којшто за да се промени треба да се пријави во Европската унија.
Таму има уште поголем проблем, затоа што во ваков скандал, со суспендирани пари, еден ден по завршувањето на изборите се носи решение за распоредување на 40% од кадарот кој го работеше најуспешниот ИПАРД-2 во регионот, каде што има 85% искористеност, најдобро од сите земји, истакна Николовски.
Наместо да откочиме и да ги ослободиме работите, се прават грешки во оваа нервоза, за да се заглават уште повеќе процедурите. Заедно со скратените износи за субвенции од 500 милиони денари и преполовената програма за рурален развој, се инвестициските мерки со укинатите програми за малите производители, но се форсираат големите компании. Со тоа што нема исплата на субвенции со месеци и нема аванс на исплата, сериозно ќе биде доведен доходот на земјоделците и нивната спремност за нова реколта. Со ова, мерките се креираат за големите фарми или една–две винарии преку програмите во владина процедура и одлуки на Собранието, каде што се гледа дека се форсираат големите компании, а треба да се гордееме на четири илјади мали производители и на постојана поддршка на малите земјоделци, а не на пет–шест големи компании, порача пратеникот на СДСМ Љупчо Николовски во обраќање пред собраниската комисија за финансирање и буџет.
Македонија
Николовски: Не се исплатени субвенциите за овци, ниту за млекото, владата ги остави земјоделците на цедило
Пратеникот на СДСМ, Љупчо Николовски, на Комисијата за финансирање и буџет, упати остри критики кон Владата поради целосно занемарување на земјоделците и неприменување на обврските кои државата ги има кон нив. Особено по предложениот амандман на СДСМ за финансиска поддршка на земјоделците, кој беше одбиен.
Николовски потенцираше дека состојбата во земјоделието е катастрофално лоша, не се исплатени субвенциите, скратени се парите, преполовени се програмите а згора на се се случи и најголемиот корупциски скандал.
„Требаше да одговорите: зошто осум месеци чекаат одгледувачите на овци за исплата на субвенции? Зошто млекото не е исплатено повеќе од две години? Зошто сте ветиле 180 милиони евра, а сега ги излажавте граѓаните, ги кратите субвенциите, и тие ќе бидат под 100 милиони? Зошто и со ребаланс и денеска предлагате многу помали субвенции и преполовена програма за рурален развој? Зошто откупните цени се такви какви што се? Зошто земјоделството не ни е приоритет. Со месеци не се исплаќаат субвенции, исплатата за 2025 не е ни започната, а со предложениот буџет се кратат субвенциите и за 2026 година, што значи дека се крати на сè во земјоделството и дека во 2026 ќе имаме катастрофа во поддршката на земјоделците “, рече Николовски.
Скратена е и програмата за свежо овошје и зеленчук за градинките и училиштата, како и интервенциониот фонд.
Тој потенцираше дека Владата не ја разбира реалноста и избегнува суштинските прашања:
„Ништо не кажавте за ребалансот, кога ги скративте 500 милиони, и денеска овчарите ги чекаат 8 месеци субвенциите. Денеска градинарите селективно се исплаќаат, денеска програмите сите коишто ги донесовте каснат, зелената нафта каснеше. Јас зборувам за таа реалност, ја зборувам затоа што е предмет на дебата. Денеска имаме амандман којшто е конкретен. Меѓутоа, бидејќи не ја разбирате темата, бидејќи не ги знаете фактите, бегате од реалноста, криејќи го најголемиот корупциски скандал којшто ви се случи.“, потенцираше Николовски.
Фрустрирани од тоа што немаат успех и резултати, денес се насочија против над 4.000 мали производители на традиционални македонски производи и против оние што добија грантови од 10.000 евра, додека истовремено донесоа мерка со која големите компании ќе добиваат и по 1 милион евра субвенции, додаде Николовски.
Тој откри и можен нов скандал, се подготвува мерка за винарниците кои за неколку дена откупиле вранец за 10 денари по килограм, а повторно нема ниту еден денар за лозарите, што претставува сериозен корупциски ризик.
-Информациите покажуваат дека на Платежната агенција ѝ се потребни 20 милиони евра за да ја заврши 2024 година, а тие пари ги нема. ЕУ јасно порача дека министерството ги напуштило реформите во шумарството и во извештајот по прв пат бара антикорупциски мерки во ИПАРД 3, рече Николовски
Тој истакна дека во отсуство на резултати од Владата, политичарите треба да понудат решенија и да зборуваат за иднината.
„Во отсуство на такви резултати, во отсуство на она што треба да го испорачате, и фрустрации денеска го слушаме ова. Денеска државата не знае кај оди, денеска не знаете да зборувате за предметниот амандман, и денеска тоа што сте си го напишале, тоа ќе си го верглате. Меѓутоа, времето одбројува, и папките и документите и свиркачите за она што се случувало секако денеска се зголемуваат.“, додаде Николовски.
Николовски ја потенцираше посветеноста на СДСМ кон конкретни решенија и поддршка за земјоделците:
„Јас имам целосно право да зборувам и затоа што сме го работеле и за тоа што го предлагаме денеска, да се вратат одредени состојби и земјоделството да имаат поддршка.“, потенцираше пратеникот на СДСМ.
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
Јанкулоска: Судот во Стразбур отвора сериозни прашања за судењето и пресудата против мене
Европскиот суд за човекови права денес објави дека отвара сериозни прашања во однос на документираните повреди на правото на правично...
„Кацарска со двојни стандарди, за себе и судиите полни џебови и привилегии, за пензионерите бара укинување на зголемувањето на пензиите“, велат од ВМРО-ДПМНЕ
„Добрила Кацарска беше наградена во уставен судија поради понизноста и послушноста кон СДС. Кацарска како послушничка и извршителка на Заев,...
Маж почина во авион пред слетување во Белград: oпшта драма на аеродромот
57-годишен маж од Македонија почина вчера за време на летот од Чикаго до Белград. Според српски Телеграф, на патникот му...
Кардиологот и алпинист Сашко Кедев одликуван со Орден „8 Септември“
Претседателката Гордана Сиљановска-Давкова го одликува кардиологот и алпинист Сашко Кедев со Орден „8 Септември“, за особените заслуги во медицината, не...
Четириесет дена откако почина Панчо од „ДНК“, колегите од македонската сцена со трогателни пораки
Четириесет дена по смртта на Владимир Блажев, познат на јавноста како Панчо од хип-хоп дуото „ДНК“, социјалните мрежи повторно се исполнети со неговото име....
11.500 студенти веќе подигнале нови електронски уреди, Владата додели над 33.000 ваучери
Владата информира дека заклучно со вчерашниот ден се доделени вкупно 33.682 ваучери за студенти, секој во вредност од 15.300 денари....
Градоначалникот Митко Јанчев по скандалот со Аца Лукас: Кочани сценарио нема да дозволиме
Не стивнуваат реакциите по скандалот што се случи со пејачот Аца Лукас кога беше прекинат неговиот концерт во Кавадарци. Тој...
Пакуван помфрит со поминат рок требало да се продава на македонскиот пазар, АХВ го спречи увозот и го уништи
Инспекциските служби на Агенција за храна и ветеринарство (АХВ), спречија увоз на 20.500 килограми замрзнат компир – помфрит, со поминат...
Еден загинат во поплавите во Албанија по обилните дождови
Најмалку едно лице загина во Албанија во поплавите предизвикани од обилните дождови што паѓаат во изминатите неколку дена, соопшти денес...
Ако живеете во поплавено подрачје превријте ја водата за пиење 10 минути, фрлете ја храната што дошла во допир со поплавата – ИЈЗ со препораки до граѓаните
Институтот за јавно здравје издаде препораки за населението во поплавените подрачја, со посебен акцент на безбедната употреба на вода, личната...
Американскиот план за Украина бара дополнителна работа, велат западните челници
Американскиот план за Украина бара дополнителна работа, се согласија челниците на 11 земји и ЕУ во заедничка изјава по состанокот...
(Видео) Снежните врнежи го парализираа регионот: застои во сообраќајот во Сараево, автомобили заглавени кај Сплит
Обилните снежни вренежи предизвикаа проблеми во регионот, а снег падна во Босна и Херцеговина и Хрватска, каде што дојде до...
Настапувал без дозвола: Аца Лукас приведен на концерт во Кавадарци
Српскиот пејач Аца Лукас синоќа бил приведен во Кавадарци околу 00:10 часот, за време на настап во угостителски објект. Според...
(Видео) ВМРО-ДПМНЕ ја напаѓа Кацарска поради предметот за линеарното зголемување на пензиите, од Уставен велат дека прозивките се преседан
На прес-конференција, Валентин Манасиевски, член на Централниот комитет на ВМРО-ДПМНЕ, обвини дека уставната судијка Добрила Кацарска бара укинување на зголемувањето...
Поплавени 50 домови во Ресен, под вода земјоделски површини и во Демир Хисар, во Прилеп паднал таван од куќа
Според информациите на Центарот за управување со кризи до 8 часот, обилните врнежи предизвикаа локални излевања, поплави и прекини во...
