Македонија
(Видео) Протест пред Влада против рудникот Иловица, се бара одземање на концесијата
Под мотото„Стоп за рудникот на смртта“, жители од струмичките села Иловица и Штука и граѓански активисти, протестираа пред Владата и побараа итно одземање на концесијата за отворање на рудникот на компанијата „Еуромакс Ресоурцес“.
Тие велат дека нема да престанат да вршат притисок и ќе протестираат се додека Владата не закаже седница на која ќе донесе одлука за одземање на концесијата.
Жителите извикуваа „Стоп за рудникот“, „Рудници не сакаме“, „Профитери назад“ со што порачаа дека нема да се откажат од намерата додека не се заврши постапката до крај.
„Јавно ја повикуваме Владата да свика седница и да донесе одлука со која му се одзема концесијата на Еуромакс. Кога ќе ја видиме одлуката во Службен весник, тогаш ќе сметаме дека е завршена работата и тогаш ќе престанеме да вршиме јавен притисок. Во името на овие млади луѓе кои сакаат чист воздух, здрава животна средина и родна земја им порачуваме „Не за рудници- одземете ја концесијата веднаш “. Време за чекање нема, останува уште еден месец до техничка влада. Нашата порака е недовосмислена и јасна, други компромиси нема да правиме и нема да седиме мирни, додека не ја завршат работата што ја имаат започнато“, рече Стојан Велков активист од здружението „Еко-долина“.
Жителите велат дека концесијата не е одземена, бидејќи концесионерот поднел тужба пред Управниот суд. Според нивни кажувања, концесионерот почнал да лобира меѓу луѓето да проработи рудникот, наговарајќи ги дека ќе се врабатот жители од околните села. Затоа како што тврдат постапката за одземање на концесијата треба во најкус можен рок да се заврши.
„Да не сфати јавноста погерешно, но можно е да има немири дури и физички пресметки во селата Иловица и Штука. Рударското лоби е многу силно, одат на терен ги наговараат луѓето им ветуваат се и сешто. Не сакаме да се доведеме во ситација покрај по партиска книшка, сега да се караме и за еколошки проблем, за туѓи интереси. Доста се поделби, да застанеме сите зад нашиот интерес, да не станеме жртви на профитерските интереси“, додаде Костантин Ристоманов на проетстот пред владата.
На протестот меѓу жителите од струмичките села, беа и пратеничките од ДОМ, Лилјана Поповска и Маја Морачанин кои застанаа зад нивните барања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.