Македонија
Богојески: Да гласаме за број 10, за граѓанска контрола во парламентот и за единствената шанса за сигурна промена
Лидерот на Македонски концепт и носител на листа за пратеници за ИЕ1, Петар Богојески, заедно со кандидатите за пратеници од оваа изборна единица го посети и разговара со пазарџиите од Зелениот пазар, од каде што оценија дека владее огромна разочараност од Владата, разочараност од системот и институциите, празни ветувања, а ништо исполнето.
„Со години ги слушаат истите ветувања и се излажани од властите дека ќе им се обезбедат достојни услови за работа во нов реновиран пазар. Политичките елити, мислејќи само на обезбедување глас за власт, воопшто и не ги слушаат проблемите на граѓаните, а камоли да ги реализираат ветувањата. Зелен пазар е руиниран, протекува вода, а пазарџиите се принудени да работат во несоодветни и нехумани услови сè со цел да обезбедат егзистенција за семејствата. Тоа најмногу го чувствуваат во зимскиот период кога се принудени да работат на минусни температури“, вели Петар Богојески, носител на изборна листа за пратеници за ИЕ1.
Богојески упати апел на 15 јули да излезат масовно на гласање и го дадат гласот за број 10 затоа што тоа е единствената шанса што ја имаат за сигурна промена, за достоен и безбеден живот.
„Да излеземе и масовно да гласаме за број 10, да ја преземеме контролата во наши раце! Ако не гласаме поинаку или ако апстинираме од гласање, сè ќе си остане по старо и ништо нема да се смени следните години! Само граѓанска контрола во парламентот може да ги менува работите! Затоа што сите вие заслужување подобро“, додаде Богојески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.