Во однос на содржината на договорот, бугарскиот премиер Бојко Борисов, по средбата со премиерот Зоран Заев во Софија, рече дека „деталите се важни за следните генерации бидејќи постојат зборови кои би можеле да имаат различно толкување“.

„Ние како држава први ја признавме Македонија. Во нејзиниот Устав е кажано каков јазик има оваа држава. Соодветно на тоа договорот мора да се потпише на јазикот кој е запишан во Уставот, инаку ќе го прекршите Уставот “, рече Борисов.

„Откако министрите за надворешни работи го поминат за последен пат документот, тогаш со премиерот и другите колеги ќе донесеме одлука што значи заедничка историја и за кој период.Различните историчари утврдуваат различни периоди, но од 1991 година досега Македонија има своја приказна, таа не е заедничка со Бугарија. Ако сакаме да запишеме заедничка историја, влегуваме во друга контрадикција. Со години досега се спори на оваа тема, што е заедничко, што не е. Кои празници се заеднички и се караме за нив, место да се радуваме. Тодор Александров може ли да биде повод за радост и во Скопје, и Софија? Според мене, може. Дури и Вапцаров, нашиот херој “, истакна Борисов.

Тој самиот се опиша како многу добронамерен човек и додаде дека вистински ги сака Македонците како луѓе.

„Поблизок народ немаме. Кога историчарите ќе предложат термин за да го затвориме овој договор, ќе биде огромен успех и чекор напред. Ќе дадеме добар пример на Балканот и ќе отвориме пат на Македонија за НАТО и ЕУ. Затоа сакаме да го направиме троа. Ако се подведеме само по националистички чувства, ништо добро не може да се очекува”, порача Борисов.