Бојан Јовановски – Боки 13 на денешното рочиште за случајот „Рекет“ во судницата, застанат пред екранот, листа фотографии и „селфи“ од „Инстаграм“ за да докаже дека гардеробата што му е одземена од Обвинителството ја купувал уште во 2013 и 2014 година и дека истата не е купена со пари од рекет, како што се товари.

„Станува збор за фотографии од предмети што беа земени од Обвинителството и тоа претставува  преседан“, започна Јовановски, по што беше прекинат од судијката рече Васка Николовска-Масевска: „Не сте тука да давате завршен збор”.

Тој продолжи со листање на фотографиите, опишувајќи кое парче гардероба му е одземено, а потоа на неговиот профил на „Инстаграм“ покажуваше на кој датум е објавена фотографијата.

„Еве на оваа фотографија се гледа ‘Луј Витон’ торба, фотографирана на 8 февруари 2013 година”, коментираше Јовановски, листајќи ги фотографиите.

Понатаму, рече тој дека има два модели очила марка „Том Форд“ во кафена боја, фотографирани на 10 февруари 2013 година.

Следуваа чевли „Луј Витон“, торба од марката „Фенди“, бродарици марка „Шанел“, шапка „Мисони“, очила за сонце „Шопард“, колан„Луј Витон“, кратки куси панталони марка „Дискверт“, шешир „Панама“, „Балман“ ленена блуза, „Џејкобс“ накит, „Том Форд“ очила, торба „Баленсиага“, која му била подарок од Марина Туцаковиќ, џемпер „Макси ко“, очила„Шанел“, торба „Ив Сент Лорен“, блуза марка „Диор“.

Тој сè уште во судницата ја набројува гардеробата што му била одземена, а за која тврди дека не била купена со пари од рекет.Прикажаните фотографии се направени во период од 2013 до 2019 година.

Денешното рочиште ќе продолжи со приложување докази од страна на осомничениот Јовановски. Како што е предвидено, осомничената Катица Јанева на денешното рочиште треба да ги предложи нејзините сведоци.

Искра Манојлоска