Македонија
(Видео) Братот на обвинетиот Фејзи Азири во „Монтрум“: Да се објави разговорот со Невзат Бејта

По рочиштето за случајот „Монструм“, Бејди Ајдари побара јавно да се објават снимките од разговорите меѓу брат му Фејзи Азири и ексградоначалникот на Гостивар, Невзат Бејта. Тој додава дека ако разговорот е приватен, би било смешно да се објави.
„Посочи дека возилото ‘опел омега’ не е тоа чија слика е ставена на интернет, а исто така дека тој автомобил не е на „алфите“, туку на друга личност. Ако се сеќавате, јас не сум изјавил дека тој автомобил е на „алфите“. Сосема трето лице, односно Македонец е тој што изјавил дека автомобилот е на „алфите“ и дека бил приведен со него. Ако не е тоа- тоа, зошто претходниот суд не им го достави тоа како доказ на обвинетите? Зошто се крие автомобилот? Тоа е јасно. Горан Наќевски не се потруди да ја презентира сликата од разузнавачот. Чиј телефон бил тој, какви разговори имало, бидејќи, како што велеше, воделе паралелна истрага. Ни нам не ни е лесно“, вели Бејди Ајдари, брат на обвинетиот Фејзи Азири, кој не дојде на денешното рочиште.
Ајдари прашува по кој основ СЈО го презел случајот „Монструм“, односно додава дека тука има незаконски прислушувани разговори, а од нив ќе се откријат вистинските сторители.
Случајот „Монструм“ е одложен за 15 мај поради отсуство на обвинетиот Фејзи Азири, кој, според одбраната, бил хоспитализиран на пулмологија. На ова реагира обвинителката Фатиме Фетаи велејќи дека е несериозно отсуство на обвинет да се правда само со еден документ. Ова беше прво рочиште откако СЈО го презеде случајот за петкратното убиство кај Смилковското Езеро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Го онесвестиле удирајќи го со клешти оти се сомневале дека им краде лубеници

Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека заедно во група извршиле кривично дело – Насилство предвидено во член 386 став 6 во врска со став 3 и став 1 од Кривичниот законик.
Осомничените, на возраст од 39 и 31 година, на 24 јули во скопското село Орешани извршиле грубо насилство и ја загрозиле сигурноста на едно лице, за кое сметале дека украл лубеници од нивата на првоосомничениот.
Со товарно возило го следеле оштетениот додека тој со автомобилот се движел од Петровец кон селото Таор, се додека не се паркирал во дворот на куќата на неговиот внук во Орешани, се наведува во соопштението од Обвинителството.
Осомничените пристигнале веднаш по него, излегле од возилото и го нападнале. Насилно го извлекле оштетениот од возилото и го удирале со тупаници и шамари по главата и телото. Вториот осомничен извадил водоводџиски клешти од камионот, па и со нив го удирале се додека оштетениот не паднал во безсознание. Му нанеле тешки телесни повреди поради кои тој во живото- загрозувачка состојба е хоспитализиран на Клиниката за неврохирургија. Со дејствијата на насилство, кај сведокот – внукот на оштетениот и во јавноста предизвикале чувство на несигурност, загрозување и страв.
Ценејќи ги сите околности и ризици, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени.
Македонија
Царинските тимови со засилени патролни контроли на пловните објекти во водите на Охридското Езеро

Мобилни царински тимови спроведуваат засилени патролни контроли на пловните објекти во водите на Охридското Езеро, соопштија од Царинската управа.
-Ги следиме сите сомнителни активности и каде што постои сомневање вршиме контрола се со цел навремена детекција и спречување на секој обид за криминал, изјавил помошник директорот за контрола и истраги Влатко Лакордов.
Со зголемената контрола на пловните објекти, се додава во соопштението, целиме кон спречување обиди за криумчарење и обезбедување ефикасна и реална наплата на увозни давачки.
Македонија
Апасиев со тужба против Собранието и Гаши

Димитар Апасиев, пратеник и претседател на Постојаната анкетна комисија за заштита на слободите и правата на граѓанинот, вчера поднел тужба до Управниот суд против Собранието и претседателот на парламентот, Африм Гаши.
Повод за оваа тужба, како што се наведува во информацијата од Левица, е неделовничко и противзаконско поништување на уредно закажаната Надзорна расправа за трагедијата во Кочани, која требаше да се одржи на 8 јули годинава.