Македонија
Бугарскиот премиер денеска во Битола ќе отвори библиотека со бугарски историски книги и архивски материјали
Викендов во Македонија ќе бидат отворени две бугарски културни институции. Здружението „Балкански хоризонти“ отвора центар на заедницата во градот Охрид, а новиот клуб на бугарскиот културен центар „Ванчо Михаилов“ ќе биде отворен во градот Битола.
„Наша цел е да им го претставиме бугарскиот начин на живеење и култура на граѓаните на Охрид и на цела Македонија. За таа цел, ќе имаме бугарски списанија, книги, и белетристика и историска литература“, изјави претседателот на здружението, Љупчо Куртелов, за „Бгнес“. Тој прецизира дека „Балкански хоризонти“ ќе организира концерти со учество на бугарски фолклорни ансамбли.
Клуб со библиотека од над 2.000 учебници, историски книги и дел архивски материјали се очекува денеска да отвори бугарскиот премиер Кирил Петков во центарот на Битола. Петков доаѓа заедно со потпретседателката на Бугарија, Илијана Јотова.
На отворањето ќе присуствува и поранешната вицепремиерка и министерка за надворешни работи, Екатерина Захариева.
„Отворањето на реновираниот центар беше планирано одамна, но беше одложено поради почетокот на војната во Украина. Ова реновирање беше можно благодарение на програмата создадена од владата на Бојко Борисов за помош на бугарските заедници и особено на организациите што работат на зачувување на бугарскиот дух“, изјави Захариева за „Бгнес“.
Екатерина Захариева рече дека имаат многу сериозни и сигурни информации оти премиерот се обврзал во мај или најдоцна во јуни да ја одобри преговарачката рамка од Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претпладне студено со магла, преку денот променливо облачно
Утрото ќе биде студено со појава на магла по одделни котлини, а преку денот променливо облачно со сончеви периоди во источните делови. Ќе дува слаб променлив ветер. Минималната температура ќе биде во интервал од -8 до 1, а максималната ќе достигне од 3 до 11 степени.
Во Скопје претпладне студено со појава на магла, преку денот променливо со мала до умерена облачност. Минималната температура ќе се спушти до -5, а максималната ќе достигне до 3 степени.
Времето во наредните денови
Ќе преовладува променливо облачно време со појава на утринска магла понекаде во котлините. Утринските температури ќе бидат претежно околу нулата, а дневните во делови од земјата ќе надминуваат 10 степени. Локални врнежи од дожд, а на планините од снег ќе има во вторник, а потоа се очекуваат и на крајот од неделата.
Македонија
Магла на неколку патни правци
Сообраќајот на државните патишта се одвива во зимски услови, по наместа влажни коловози. Намалена видливост поради магла од 30 до 50 метри Прилеп и Македонски Брод, 50 до 70 метри Струмица и Берово и на патниот правец Тетово – село Гајре, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја делови од Аеродром и Сарај
ЕВН Македонија извести дека на 20.01.2024 година ( понеделник ) без електрична енергија ќе останат:
– од 09:00 до 15:00 часот корисниците од Лисец, објектите во близина на игралиштето, по должина на улицата. (опш.Аеродром)
-од 09:00 до 15:00 часот корисниците од с.Буковоќ, с.Ласкарци, с.Раовиќ, .с.Паничари (опш.Сарај)