Македонија
„Вака веќе не може“, новинарите им возвратија на политичарите
ЗНМ и ССНМ денеска излегоа на протестен марш преку кој го изразија своето незадоволство од нападите врз новинарите и снимателите, навредите и понижувањата од политичарите, нелојалната конкуренција, небезбедните услови во кои работат новинарите, снимателите и медиумските работници, лошата социо-економска состојба.
Пред да почне маршот пред присутните се обрати претдседателот на ЗНМ, Младен Чадиковски. Тој во името на новинарите упати порака до политичаите дека „вака веќе не може”.
„Законите важни за медиумите не се спроведуваат, јавните функционери имаат потценувачки однос кон новинарите и снимателите. Државниот пиар им ја зема работата на новинарите, на снимателите, на фоторепортерите, Владата создаде најголема редакција. Државните институции и нивите директори имаат проблем да сфатат дека не е транспарентност кога со денови чекате одговор, а добивате памфлет за објава. Локалните и регионалните медиуми работат на работ на издржување. Безбедноста на новинарите не е на ниво на кое би сакале да биде“, изјави Младен Чадиковски, претседател на ЗНМ.
Новинарската професија повеќе никој не ја почитува, нѐ потценуваат и нѐ навредуваат, но ние нема повеќе да молчиме, рече претседателот на ССНМ, Павле Беловски.
„Не молчевме и кога проникнуваше новинарството, ни кога нѐ тепаа, затвораа, кога ги губевме работните места. Создадовме џин што нема да молчи и нема да ја крие вистината“.
Тој додаде дека условите во кои работат новинарите мора да се подобрат бидејќи има сѐ помалку кадар. Поради ниските плати и лошите услови, новинарите сѐ повеќе го напуштаат новинарството.
Протестниот марш почна во 10.30 часот. Новинарите ќе се движат од Владата на РСМ до Собранието на РСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нестабилно време со дожд и грмежи до среда
По врнежите и невремето по кое во текот на ноќта полавени беа подруми во Охрид, од УХМР најавуваат дека до среда ќе се задржи нестабилно време, претежно во попладневните часови со локален пороен дожд и грмежи.
Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок.
Температурите ќе бидат без значителна промена.
Македонија
Делови од Аеродром, Карпош и Ѓорче Петров утре без струја
Без електрична енергија утре ќе останат делови од општините Аеродром, Карпош и Ѓорче Петров.
Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.