Македонија
(Видео) Василевски по протестот: Писмото за да не гласам за уставни промени е доставено предоцна
Пратеникот Сашо Василевски за протестите пред неговиот дом вели дека се притисоци, а работата според него е премногу сериозна.
Писмото кое демонстрантите му го доставиле, а со кое се бара тој да не гласа за уставните измени е доставено предоцна, вели Василевски, додавајќи дека тие треба да го достават и до ВМРО-ДПМНЕ.
Пратеникот кој гласаше за отпочнување на процесот за уставни измени рече дека треба да се стави крај на поделбите меѓу Македонци и Албанци бидејќи како што рече Василевски, „тие се наши браќа и така треба да живееме“.
„Писмото треба да се достави и до друга адреса, тоа е мојата матична партија. Тие во изминативе 11-12 месеци не преземаа никакви активности за релаксирање на оваа состојба. Јас го притиснав зеленото копче без притисок и без грам на совест која би ме мачела. Тоа е бидејќи лажниот патриотизам кој 30 години не мачел, да го ставиме зад врата. Македонија има еден пат, а тоа е ЕУ и НАТО. Ќе се борам како пратеник да го јакнеме стратешкото партнерство со САД. Тоа можам да ви го гарантирам, бидејќи е единствена наша перспектива. Лажниот патриотизам ќе биде присутен уште некое време и ќе го нема“, рече Василевски.
Запрашан што се случува во ВМРО-ДПМНЕ од каде Василевски го исклучија, тој рече дека таа партија е кодот на македонскиот народ. Пратеникот вели дека иако е исфрлен, тој е ВМРО и ќе остане ВМРО.
„Во моментов сум исклучен од партијата, но мене никој не може да ме исклучи. Во ЕПП, во Хелсинки беа повикани две делегации, а тоа кажува многу. Тоа кажува дека моменталното раководство на ВМРО-ДПМНЕ е изолирано од ЕПП. Затоа беше повикана втора делегација, која е за реформи и демократски систем на размислување во партијата, оти никаква дебата не беше отворена по повод уставните измени. Не можете вие како лидер на партија да се затскривате зад нардорот, зад тие виртуелни милион и дваесете илјади гласачи. Тоа не е дозволиво за лидер на најголема опозоциска партија. Имаше референдум, беше кажано дека ќе се излезе или нема да се излезе. Мојата партија бојкотираше, затоа овие бројки не се реални“, додаде Василевски.
Пратеникот вели дека пратеничката група на „Независни пратеници од ВМРО-ДПМНЕ и коалицијата „За подобра Македонија“ имала официјална средба со Палмер, каде оствариле средба за прашањето што доколку пропадне договорот со Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дел од Карпош денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 10:00 до 12:00 часот, корисниците од дел од улицата Ловќенска, општина Карпош.
Македонија
Променливо облачно и студено со сончеви периоди, повремено ќе дува засилен северен ветер
Времето денеска ќе биде променливо облачно и студено со сончеви периоди. Ќе дува слаб до умерен, а наместа долж Повардарието и во источните делови повремено засилен ветер од северен правец (над 60 km/h).
Минималната температура ќе биде во интервал од -13 до -5, а максималната ќе достигне од -4 до 3 степени.
Во Скопје, променливо облачно и студено со сончеви периоди. Ќе дува слаб до умерен, претпладне во делови од котлината повремено засилен ветер од северен правец.
Минималната температура ќе се спушти до -9, а максималната ќе достигне до 2 степена.
Времето во наредните денови
Следува период на стабилно и суво време со студени утра и утрински температури кои насекаде ќе бидат негативни. Во вторник наместа дневните температури ќе се задржат негативни, а од среда ќе бидат во постепен пораст. Од средината на седмицата по котлините ќе има услови за појава на магла.
Македонија
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и Центар Жупа.
Врапчиште (излезност 32,37%)
– Исен Шабани (НАИ) – 5.355 гласа
– Зулхајрат Демири (Група избирачи) – 3.028 гласа
Гостивар (излезност 30,34%)
– Ваљбон Лимани (НАИ) – 14.519 гласа
– Невзат Бејта (ВЛЕН) – 7.174 гласа
Маврово Ростуше (излезност 28,51%)
– Онер Јакуповски (ВМРО-ДПМНЕ) – 1.906 гласа
– Анес Ахмети (СДСМ) – 938 гласа
Центар Жупа (излезност 13,26%)
– Аријан Ибраим (Демократска партија на Турците во Македонија) – 973 гласа
Портпаролката на ДИК, Радица Тодоровска Алексовска, рече во текот на утрешниот ден Комисијата ќе ги соопшти првичните официјални резултати, по приемот и обработката на записниците од сите избирачки места.

