Македонија
Велковски: Со пензија под минималната потрошувачка кошничка од 57.000 денари пензионерите едвај преживуваат
Околу 180.000 пензионери во Македонија имаат под минимални примања и со овие пари се оставени да преживуваат од 1ви до 1ви следниот месец, вели техничкиот министер за труд и социјална политика, Ѓоко Велковски кој денеска се сретна со пензионерите од Кичево и Гостивар.
„Колку луѓе имаме пензионери во Македонија кои што примаат пензија под 20.000 денари“ ми беше првото прашање кога стапив на функцијата технички министер на 29 јануари. Од податоците коишто ги добив имаме такви пензионери со примања од 20.000 денари околу 340.000 пензионери. 180.000 пензионери или повеќе од половината од овие, или веќе 55-56% земаат под минималната плата и претпоставувам дека најголемиот дел од вас присутните денес спаѓаат во оваа категорија на граѓани коишто ете за жал сте под некој минималец и преживувате со таа пензија. Од друга страна пак, потрошувачката кошничка за живот е 57 илјади денари за четиричлено семејство, а вие со вашите 20.000 денари треба тројца пензионери да има во една фамилија или тројца да работат за да стигнеме до потребната сума за основни работи од потрошувачката кошничка, изјави Велковски.
Министерството за труд и социјална политика преку директна комуникација со пензионерите ги слуша нивните проблеми и барања и ќе изготви системски решенија на коишто ќе настапи со имплементација веднаш по изборите на 8 мај. Според Велковски, станува збор за реални проблеми на коишто пензионерите секојдневно укажуваат уште од август минатата година кога ги започнаа протестите.
„Суштината на посетите не е да дојдам јас да кажам два збора, и потоа да ги заборавиме дадените ветувања. Она што јас си го поставив како обврска уште од првиот ден кога стапив на функцијата технички министер е дека ќе се потрудам да се видам со секој еден пензионер и да ги слушнам вашите проблеми и барања. Вие како столбот на ова општество за првпат после 1945 година излегувате на протест. Знам дека имате реален проблем, а тоа го знаеме и од дома бидејќи и јас имам баба и дедо коишто исто земаат по 13-14.000 денари пензија како и вие“, посочи Велковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Варјехи: Очекувам со Силјановска да работиме на забрзување на реформите за преговорите со ЕУ
Еврокомесарот за проширување и соседска политика, Оливер Вархеји, и’ ја честиташе победата на Гордана Силјановска Давкова на изборите.
„Честитки за новата претседателка на Северна Македонија! Со нетрпение очекувам да работиме со претседателката Гордана Сиљановска Давкова на забрзување на потребните реформи за да се придвижи напред процесот на пристапни преговори“, наведе Вархеји во честитката на платформата „Икс“.
Congratulations to the new President of North Macedonia!
Looking forward to working w/ 🇲🇰President Gordana Siljanovska-Davkova to speed up the necessary reforms to move forward in the 🇪🇺accession negotiation process.@gogamkd
— Oliver Varhelyi (@OliverVarhelyi) May 8, 2024
Македонија
Радев: Набргу ќе се знае дали ВМРО-ДПМНЕ и Силјановска ќе работат за европската перспектива на Скопје
Бугарскиот претседател Румен Радев вели дека набргу ќе биде јасно дали новоизбраната претседателка на Република Северна Македонија, Гордана Силјановска, и партијата ВМРО-ДПМНЕ ќе работат за европската перспектива на Скопје.
„Секогаш сум ја поддржувал европската интеграција на Република Северна Македонија, но во согласност со принципите на добрососедство и, пред сѐ, Копенхашките критериуми за членство. А тоа би значело промена на Уставот и почитување на правата на македонските Бугари“, вели Радев.
Како што додаде, во изборната кампања се разгорел говор на омраза, кој треба да запре, а натаму е неопходна е ревизија на учебниците, почитување и заштита на бугарското културно и историско наследство.
Македонија
ЗНАМ доби уште еден мандат и има вкупно шест, а ВМРО-ДПМНЕ се намали за еден и има 58 мандати, ДИК објави нови пресметки
Според последните објавени резултати на ДИК, по преброени 99,6 отсто од гласовите во избирачките места, ВМРО-ДПМНЕ освои 58 мандати во новиот собраниски состав.
Зад неа е коалицијата на ДУИ, со освоени 19 пратенички мандати.
СДСМ на овие избори освои 18 мандати.
Коалицијата „Вреди“ има 13 мандати во Собранието, а по шест мандати имаат Левица и партијата ЗНАМ.
По овие резултати на ДИК, измени од синоќешната објава има кај коалицијата „Твоја Македонија“ на ВМРО-ДПМНЕ, која изгуби еден мандат, и ЗНАМ, која има еден мандат повеќе.