Македонија
(Видео) Вера Иванова доби условна казна за „Диамед“ и центрите за дијализа, се бара и конфискација на над три милиони евра
Вера Иванова е прогласена за виновна за случајот „Диамед“ поврзан со центрите за дијализа. Судијата Илија Трпков смета дека обвинетата Иванова учествувала на повикот за добивање на лиценца за дијализа и ја добила, но не за вршење на дејност туку за да ја зголеми вредноста на нејзината фирма. Иванова доби условна казна, а судот бара и конфискација на износ во вредност од 3.275.000 евра од Иванова, а останатите средства ќе се конфискуваат од правно лице.
„Обвинетата сторила кривично дело злоупотреба на службена положба и овластување и кривично дело перење пари. Судот за одделните кривични дела утврди казна, и тоа за делото злоупотреба на службена положба и овластување – казна затвор од 1 година и 3 месеци. За кривичното дело перење пари и утврдува казна затвор од 1 година и 3 месеци. За двете кривични дела, се утврдува единствена казна затвор од две години која нема да се изврши ако обвинетата во рок од пет години сметано од денот на правосилноста на пресудата не стори ново кривично дело“, кажа судијата Трпков.
Според Трпков, судот ги имал во предвид сите околности за случајот кога ја изрекувал казната. Трпков смета дека обвинетата била коректна на судењето, како и отежителните околности и наброја дел од нив: „степенот на кривична одговорност, зачестеноста на овој вид кривични дела, околностите под кои е сторено“.
„Судот во името на граѓаните на Република Македонија ја донесе пресудата. Обвинетата Вера Иванова е виновна бидејќи како одговорно лице, искористувајќи ги службените овластувања, и покрај тоа што немала намера да врши дејност дијализа, туку да ја зголеми цената на правното лице и да го продаде, а свесно за себе да прибави имотна корист, ја искористила состојбата што Министерството за здравство, дозволило во отворен повик за договор за лиценца да учествува не само здравствени установи и работници туку и трговски друштва“, образложи Трпков.
Кривичниот суд тврди дека се ценети сите докази, како на Обвинителството така и тие кои се приложени од обвинетата.
„Судот ги ценеше сите докази. За јавното обвинителство и одбраната беше неспорно дека Вера Иванова ја основала ПЗУ ‘Диамед Македонија’ врз основа на отворен повик од Министерството за здравство. Неспорно е дека е склучен договор за лиценца за дијализа. Исто така од доказите произлезе дека во текот на 2015 година започнале преговори за продажба на уделот на ‘Метрополитен’ на шведската фирма. Обвинетата имаше обид да претстави дека нејзините намери биле да профункционира системот на дијализа. Но за судот останаа нејасни мотивите за веднаш да го продаде правниот субјект. Обвинетата сакаше да претстави пред судот обвинетата не прекршила никаква одредба, а трансакцијата дека е нормална“, кажа судијата Илија Трпков.
Обвинителниот акт против Вера Иванова беше поднесен пред две години. Во обвинението стоеше дека цел на Иванова било да добие монопол на пазарот со 20-годишна лиценца и повеќекратно зголемување на вредноста на нејзиниот удел наместо вршењето дијализа.
Ивановска, како управителка на „Метрополитен“ искористувајќи ги овластувањата, во 2013 година искористила прилика, како трговско друштво, да учествува во постапка за добивање 20-годишна лиценца за дијализа, а сто тоа да обезбеди и монопол на пазарот за оваа дејност со што повеќекратно го зголемила уделот.
Потоа ја основала здравствената установа „Диамед“ каде основач е трговското друштво „Метрополитен“ и во 2014 склучила договор со Министерството за здравство за вршење дијализа. Во 2015 година Ивановска, со цел да го продаде монополот, почнала преговори со шведската компанија „Дијаверум“. За да ја избегне обврската за согласност од Министерството за здравство за пренос на уделот, Ивановска уделот го пренела од „Диамед“ на „Метрополитен“ и во 2018 година склучила договор со шведски „Дијаверум“ за продажба. Со тоа уделот на „Метрополитан“ од 3.750 евра го зголемила на 11.560.000 евра, за колку што го продала на „Дијаверум“.
Обвинителството, при поднесување на обвинението, извести дека утврдило дека Иванова, како управител и сопственик, парите до кои дошла со злоупотреба на службена должност ги пуштила во оптек. 3.275.000 евра завршиле на сметка отворена на нејзино име во банка во Македонија и износ од 8.281.000 евра, на сметка што гласи на правното лице чиј краен сопственик е таа, во банка во Монако. За овие средства Обвинителството побара замрзнување на крајот на 2018 година, кога почна истрагата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и Центар Жупа.
Врапчиште (излезност 32,37%)
– Исен Шабани (НАИ) – 5.355 гласа
– Зулхајрат Демири (Група избирачи) – 3.028 гласа
Гостивар (излезност 30,34%)
– Ваљбон Лимани (НАИ) – 14.519 гласа
– Невзат Бејта (ВЛЕН) – 7.174 гласа
Маврово Ростуше (излезност 28,51%)
– Онер Јакуповски (ВМРО-ДПМНЕ) – 1.906 гласа
– Анес Ахмети (СДСМ) – 938 гласа
Центар Жупа (излезност 13,26%)
– Аријан Ибраим (Демократска партија на Турците во Македонија) – 973 гласа
Портпаролката на ДИК, Радица Тодоровска Алексовска, рече во текот на утрешниот ден Комисијата ќе ги соопшти првичните официјални резултати, по приемот и обработката на записниците од сите избирачки места.
Македонија
(Видео) Мицкоски: Победата во Маврово-Ростуше е знак дека граѓаните наградуваат резултати, а кланот на Филипче доживува нов дебакл
„Денешниот изборен ден во четирите општини помина во демократска, мирна и достоинствена атмосфера. И покрај тешките временски услови и одредени технички предизвици, граѓаните слободно и одговорно го остварија своето право на глас. Тоа е јасна и недвосмислена потврда за демократскиот капацитет на државата и важна инвестиција во нејзината стабилност“, кажа на прес-конференција, претседателот на ВМРО-ДПМНЕ, Христијан Мицкоски.
„Овие избори покажаа дека институциите функционираат и дека демократските процеси се зацврстуваат. Во време на сериозни регионални и глобални предизвици, ова е вредност што мора да се чува и надградува, без разлика на политичките разлики. Во општина Маврово-Ростуше, ВМРО-ДПМНЕ оствари убедлива и многу важна победа. Онер Јакупоски е новиот градоначалник! Победа повеќе од двојна со над 1000 гласови разлика. Честитки за Онер, за сите симпатизери и за сите граѓани на Маврово-Ростуше. Оваа победа не е само локален резултат. Таа е јасна политичка порака. Порака дека граѓаните препознаваат работа, присуство на терен и одговорност. Порака дека не се наградуваат празни зборови, туку резултати“, истакна Мицкоски.
Оваа победа, вели тој, е „резултат на концептот што доследно го градиме: скромност, многу работа и реални решенија за секојдневните проблеми на граѓаните“.
„Во другите општини, изборната трка се водеше меѓу кандидати на други политички партии. Но целокупната политичка слика е повеќе од јасна. Со денешниот ден се заокружува резултатот од локалните избори во Македонија. ВМРО-ДПМНЕ победи во вкупно 56 општини во државата. СДСМ во 6. Тоа не е случајност. Тоа е јасен политички суд на граѓаните. Ова претставува уште еден тежок дебакл за СДСМ и за актуелното раководство на таа политичка партија. По историскиот пораз на локалните избори во 2025 година, денешните избори се само потврда дека изиграната доверба има последици. Партијата која на национално ниво освои околу 140 илјади гласови не може сериозно да зборува во име на мнозинството, ниту да се претставува како силна и кредибилна опозиција“, рече лидерот на ВМРО-ДПМНЕ.
Според Мицкоски, „проблемот на СДСМ не е само во изборните бројки“.
„Проблемот е многу подлабок. Тоа е пораз на политика што со години произведуваше криминал, конфликти, национални предавства и деструкција. Политика што ја држеше државата во место и ја трошеше енергијата на граѓаните. Затоа мора јасно да се каже: не станува збор само за блокади. СДСМ мора конечно да се соочи со сопственото коруптивно минато и со криминалците во своите редови. Без тоа расчистување, без јасна дистанца од корупцијата и криминалот, нема ниту кредибилитет, ниту доверба, ниту иднина оваа политичка партија. Македонија нема потреба од политика на навреди и ниски удари. Граѓаните се презаситени од политиканти кои бараат заштита во политиката за сопствените гревови. Оваа држава има потреба од борба на идеи, визии и програми. Од одговорна политичка конкуренција, а не од тоа кој погрубо и поневоспитано ќе навреди. Од другата страна е концептот што победува. Концептот на ред, стабилност и одговорност. Концептот на проекти, мерки и резултати. Концептот на држава што стои исправено и работи за своите граѓани, а не за тесните клановски интереси. Кланот на Венко Филипче доживува нов дебакл и тоа е резултатот кога се води политика на соопштенија напишани во други држави, а не борба на концепти и интересите за своите граѓани“, вели Мицкоски.
Македонија
МВР: Повторените локални избори завршија без нарушувања на јавниот ред и мир
Локалните избори кои се одржаа во дел од општините на подрачје на СВР Тетово, односно ОВР Гостивар и СВР Охрид се одржаа во мирна, фер и демократска атмосфера, информираат од Министерството за внатрешни работи.
„МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес. Не беа регистрирани инциденти или било какви нарушувања на јавниот ред и мир“, стои во известувањето од МВР.
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
Николоски на терен: Сите патишта се проодни, снегот редовно се чисти од Македонија пат
Сите патишта во државата се проодни благодарение на макотрпната работа на луѓето од Македонија пат, кои даваат се’ од себе...
Хамнеи ѝ нареди на Револуционерната гарда да ја преземе контролата: Иран во најголема готовност досега
Иранскиот врховен лидер, ајатолахот Али Хамнеи, ѝ нареди на Револуционерната гарда да ја преземе главната улога во справувањето со протестите...
Сè што треба да знаете за протестите во Иран
Ако штотуку дознавте за растечките протести во Иран, имаме брз преглед на тоа што стои зад оваа тековна ситуација. Протестите...
18-годишниот возач кој вчера прегази жена во Капиштец избегал од државата, МВР распиша потерница
СВР Скопје поднесе кривична пријава против четири лица во врска со вчерашната сообраќајна несреќа на ул. „Народен фронт“ во Скопје...
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните...
(Видео) „Се враќам во земјата за да бидам со луѓето“ – синот на поранешниот шах на Иран повика на протести
Реза Пахлави, син на покојниот поранешен ирански шах, кој живее во Вашингтон, ги повика демонстрантите во Иран да продолжат со...
Растат цените на становите во ЕУ – Унгарија рекордер со зголемување од 275%
Во периодот од 2015 до крајот на 2025 година, цените на становите во ЕУ во просек пораснале за 63,6%, додека...
(Фото+видео) Катастрофа во Викторија: беснеат стотици пожари, уништени куќи, илјадници без струја
Во австралиската сојузна држава Викторија во последните 24 часа избиле повеќе од 250 пожари, од кои 11 се класифицирани како...
