„Град Скопје при вонредна теренска контрола затекна лице (инспектор во МВР), кој во тој момент нелегално се приклучува на мрежа на ЈП ‘Водовод и канализација’, постапка што претставува кривично дело и директна штета врз јавниот имот. Воедно, од инспекторот на МВР физички и вербално беа нападнати советничката Ирена Витина и уште едно лице од Инспекторатот на Град Скопје пред очите на униформирани полицајци, кои не постапуваа при нападот во кој сторител беше нивниот колега инспектор од МВР, а за што со своја објава на социјалните мрежи се јави и градоначалничката Данела Арсовска“, велат од Град Скопје.

„Водата е природен ресурс, не се произведува во фабрика, извира од природата. Не е до мрежата, не е до цевките, едноставно од природниот извор на градот и дополнителниот бунарски систем нема капацитет да извира пивка вода колку што некои од жителите трошат. Рашче среде суша со високи температури има намален капацитет, а потрошувачката во изминатиот месец на дневно ниво е РЕКОРДНИ 356.000 м3 НА ДЕН, што би значело потрошувачка од 700 литри вода на жител“, напиша градоначалничката на град Скопје, Данела Арсовска, на социјалните мрежи.

„Секој ден се фаќаат по 30 ДИВИ ПРИКЛУЧОЦИ, од кои си наводнуваат цели ниви, приклучоци на дивоградби, полнење базени, тие ни денар не плаќаат затоа нерационално трошат бидејќи ја добиваат бадијала, а МВР не постапува.

Тогаш мафијашите мислат дека може да прават што сакаат и ќе си поминат неказнето, а нивниот број се зголемува. Сите скопјани трпат штета од таквите, среде најголемите горештини нема вода од таквите луѓе, 700 литри вода на жител на Скопје е колку овие ликови трошат на грбот на скопјани и на природниот извор Рашче.

Додека не пикнат еден од овие во затвор, состојбите само ќе се влошуваат, А ДРУГ ИЗВОР НА ВОДА НЕМАМЕ и нема како да се добие вода, бадијала негодувања, бадијала жалење.

На последниот случај сГ фатен како прави див приклучок сторител беше извесен инспектор од МВР, наречен Бујо, кој во бес дека се фатени среде неделото, физички ја нападна советничката на Град Скопје, Ирена Витина, пред очите на неговите колеги од МВР, кои не реагираа на нападот, иако беше пред 10 сведоци и целиот настан е снимен од почеток до крај“, изјави Арсовска.