Македонија
(Видео) Арсовски: Спасовски да поднесе оставка, МВР тврдеше дека немало физички напад 30 часа по убиството на Тот
Оливер Спасовски со денови сѐ повеќе се плетка во скандалот со забошотувањето на убиството на ракометарот Денис Тот, oбвини денеска портпаролот на ВМРО-ДПМНЕ, Димче Арсовски.
Тој на прес-конференцијата ја презентира, како што рече, хронологијата што го потврдува тоа.
„Според информациите што ги има јавноста, претепувањето на ракометарот се случило во 3 часот на 7 април.
Според КАРИЛ и Ургентниот центар, истиот ден, на 7 април, во раните утрински часови до МВР била пријавено сомнително нешто кај пациент што е примен кај нив.
Дополнително, и медиумите вечерта на 7 април известуваат за претепувањето млад ракометар.
Но, и покрај сите овие наводи, МВР на 8 април преку официјален став до медиумите испратен околу 10 часот говори дека нема физичко насилство.
Внимавајте, МВР на Оливер Спасовски, по 30 часа од настанот, по сите пријави од Клиниката за сомнителни работи, по сите пишувања на медиумите, се охрабри да каже дека немало физички повреди кај загинатиот ракометар“, посочи портпаролот на ВМРО-ДПМНЕ.
Според Арсовски, факт е дека имало пријава, факт е дека имало индиции, факт е дека имало медиумски написи и, за жал, како што рече, факт е дека МВР ја замајувало јавноста во обид да го прикријат настанот.
„Ваквото однесување на МВР, на Оливер Спасовски, фрли дамка врз институцијата и на меѓународен план дека убиството било забошотувано, за тоа говорат и медиумите од странство. Затоа одговорност мора да има и затоа Спасовски мора да си поднесе оставка веднаш“, истакна партискиот портпарол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски со Гренел: Се бориме за секој интерес на Македонија
За време на посетата на САД, во Вашингтон, Претседателот на Владата на Република Северна Македонија Христијан Мицкоски оствари повеќе активности и средби со истакнати личности од американскиот политички, општествен и економски живот.
Тој се сретна и со Ричард Гренел, нов претседателски пратеник за специјални мисии и политика.
За средбата Мицкоски истакна:
„Разговаравме за актуелните случувања, за предизвиците со кои се соочуваме како држава и нашето остварување на стратешките интереси врзани со членството во Европската Унија. Воедно побарав поголемо ангажирање од нашите стратешки партнери на тој план, како и искористување на потенцијалите на економски план. Се бориме за секој интерес на државата.“, посочи Мицкоски.
Македонија
Началник во МВР нападнал лице и со службен пиштол го удирал по глава – поднесена е кривична пријава
Полицијата поднесе кривична пријава против С.Б. – началник во Одделение за прекуграничен криминал, миграции, странци и реадмисија, поради постоење основи на сомнение дека сторил кривични дела „загрозување на сигурноста“ и „затајување“.
„На 12 јануари во Кавадарци, пријавениот физички нападнал едно лице и со службен пиштол неколку пати го удрил по главата. Исто така, на 13 јануари, противправно присвоил една рамка и пет куршуми и не ги вратил, а кои се сопственост на Министерството за внатрешни работи“, соопшти МВР.
Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против пријавениот ќе изрече задолжителна мерка за отстранување од работното место – суспензија до завршување на дисциплинската постапка.
Македонија
Нормализирана испораката на топлинска енергија
Нормализирана е испораката на топлинска енергија откако утрово повеќе скопски општини останаа без парно греење поради зголемени загуби на вода во топлификациската мрежа.
Кај приклучените потрошувачи на системот за централно греење од овој реон испораката на топлинска енергија се реализира согласно мрежните правила кај сите станбени и деловни објекти каде што утрово после 10 часот беше намален квалитетот на испорака, со исклучок на дел од потрошувачите во Општина Центар, велат од ЕСМ.
Оттука додаваат дека продолжуваат со работа, со вложување на максимални напори за што побрзо отстранување на дефектот во близина на Олимписки базен, по што ќе следи нормализирање на испораката на топлинска енергија за потрошувачите кои се снабдуваат со топлинска енергија од тој магистрален вод.
Станува збор за интервенција врз магистрален вод А во општина Центар што поминува преку булеварот Кочо Рацин, на потегот помеѓу Веро Центар и Олимписки базен.
Директорот на ЕСМ, Петар Милетиќ ја обвини претходната власт за двегодишна целосна негрижа и неодржување на дистрибутивната мрежа.
„Претходното раковоство кадри на СДСМ и на ДУИ кои несовесно и неодговорно раководеа со системот за дистрибуција на топлина придонесуваат за појава на неочекувани дефекти. Екипите на ЕСМ Дистрибуција на топлина продолжуваат со работа, со вложување на максимални напори за што побрзо отстранување на дефектот, по што ќе следи нормализирање на испораката на топлинска енергија за потрошувачите кои се снабдуваат со топлинска енергија од тој магистрален вод. Некоректно е дефект на топлификациската мрежа кој е последица на негрижата на претходното раководство, да се користи за паника и вознемиреност кај граѓаните на Град Скопје во функција на добивање ситни дневнополитички поени“, вели Петар Милетиќ.