Портпаролот на ВМРО-ДПМНЕ, Димче Арсовски, реагира за стечајната постапка на фирмата за која, како што рече, е поврзана со рекет во РЕК „Битола“.

„Фамозната фирма ‘СВ Инвест’ на Столе Чифлигароски, еден од луѓето кои со Вице Заев одземаше тендери на компании што си добиле во РЕК ‘Битола’ и праќаше луѓе со Васко Ковачевски, којшто е директор на ЕЛЕМ кај Вице да плаќаат рекет и покрај заработените милиони во ‘РЕК’ Битола“, на 22 март оваа година објавила отпочнување нстечајна постапка. Практично оди во стечај и се затвора“, информира Арсовски.

„Фирмата на која од година во година ѝ растел профитот за 50, 100 и 200 проценти, и во 2019 година заработила 2.5 милиони евра оданочени, почнала стечајна постапка за неизмирено побарување од нешто над 250.000 евра. Очигледно е дека сите инволвирани во криминалот сакаат оваа фирма свесно да ја затворат  и да ја стават во стечај за да не ги поврзува ништо, ама баш ништо, ниту Столе ниту кој било друг, со криминалот во РЕК ‘Битола’. Но, тоа се само нивни желби и тоа не оди така“, рече Арсовски.

Според него, не може со затворањефирма да се амнестираат делата доколку ги има и доколку е направен криминал.

„Да потсетиме, Столе Чифлигароски, сопственикот на ‘СВ Инвест’ и индиректно Вице Заев, преку ‘СВ Инвест’ се обидоа да изнудат тендер, без да исполнуваат услови за да го добијат тендерот, од фирма која си го добила на јавен повик во РЕК ‘Битола’ и притоа да направат штета на компанијата на којашто ѝ го изнудиле тендерот од нешто повеќе од над половина милион евра. Дополнително, истите тие луѓе барале 250.000 евра рекет во кеш од сопствениците на компанијата да однесат во Струмица. Рекет, исто како во филмовите“, потенцира Арсовски.

За портпаролот на ВМРО-ДПМНЕ останува нејасно зошто токму сега се отвора оваа стечајна постапка на фирмата „СВ Инвест“ од Битола.

„Дали тоа значи дека постои можност  сопственикот на фирмата да ја напушти државата со парите  што ги заработил од РЕК ‘Битола’, да избега и да не биде достапен и на располагање на органите за случајот за рекет од 250.000 евра и изнуда на тендер во РЕК ‘Битола’?“, Арсовски.

Тој побара МВР и ЈО да преземат мерки, да го отворат случајот и да ги обезбедат на  каков било начин сите инволвирани.

Во спротивно, рече Арсовски, институциите им помагаат на сите инволвирани да го заштитат криминалот и да ги изнесат парите надвор од државата.