Македонија
(Видео) Арсовски: Целиот врв на СДСМ е вмешан во случајот „Рекет”
 
																								
												
												
											Истрагата наместо да се фокусира на обезбедување докази за инволвираноста на главата на октоподот, русковска-обвинителството шест месеци работи во насока на уништување на трагите кои водат кон Зоран Заев, истакна портпаролот на ВМРО-ДПМНЕ, Димче Арсовски.
„Уште од обелоденувањето на аферата ‘Рекет’ целата домашна и меѓународна јавност знаеше за улогата на Фрики во случајот ‘Рекет’. За жал, не видовме конкретна мерка од страна на органите на прогонот со што уште повеќе се подгеаја сомнежите дека главна цел на делувањето на Русковска е подготвување терен за спогодување со инволвираните. Очигледно е дека на тој начин ќе се влијае тие да не го посочат нивниот претпоставен, односно главата на октоподот Зоран Заев.
Новото проширување на истрагата е задоцнето и наликува на пресметка на параполициските структури во рамки на СДСМ, упатените добро знаат што зборуваме. Веројатно проценката е дека со откажување на заштитата на Фросина Ременски, притисокот врз Заев би се намалил. Фросина Ременски целиот овој период беше оставена да врши надзор над безбедносните служби, а нејзиниот сопруг Јовче Ременски да учествува во селекцијата на кадри за новата Агенција за национална безбедност, иако сите ја знаеја нејзината улога во „Рекет“.
Љубомир Јовевски бесрамно и очајнички тврдеше пред само 2 месеци дека нема вмешани политичари во случајот „Рекет“. Денеска потврди дека биле вмешани и политичари, и тоа од власта. Што рече порече. Класично обвинителство под контрола на Зоран Заев. Срамота е што се чекаше шест месеци за конечно некој од раководството и власта на СДСМ да биде осомничен за рекетирање. Ова што го гледаме не е правда. Ова што го гледаме е фарса и изигрување на правдата со само една цел, главата на октоподот Зоран Заев да се спаси од прогон заедно со уште неколку пиони од неговата партија.
Следува обнова на Македонија. Сите што треба да сносат одговорност ќе одговараат за сè што сториле пред судовите кога ќе се врати правдата во Република Македонија. Тоа ќе се случи кога СДСМ ќе падне и верувајте дека граѓаните и Република Македонија го заслужуваат тоа“, порача Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Завршува кампањата за вториот круг од локалните избори, на полноќ почнува изборниот молк
 
														На полноќ завршува кампањата за вториот круг од локалните избори што ќе се одржат во недела, 2 ноември. Со тоа почнува изборниот молк, кој ќе трае до затворањето на избирачките места во 19 часот во недела.
Во вториот круг ќе се гласа за градоначалници во 32 општини и во Градот Скопје, а на три избирачки места во Шуто Оризари ќе се спроведе прегласување за советници. Во Гостивар, Врапчиште, Центар Жупа и Маврово и Ростуше ќе се повтори изборниот процес поради непостигнат цензус во првиот круг одржан на 19 октомври.
Синоќа во Скопје коалицијата предводена од ВМРО-ДПМНЕ го одржа завршниот митинг, на кој зборуваа премиерот и лидер на партијата Христијан Мицкоски и кандидатот за градоначалник на Град Скопје, Орце Ѓорѓиевски. Мицкоски ги изрази очекувањата за историска победа во вториот круг, додека Ѓорѓиевски ги повика скопјани масовно да излезат на гласање и, како што рече, да покажат дека Скопје избира работа и човек кој знае и умее.
Движењето ЗНАМ најави мини митинг со обраќања на Мицкоски, Ѓорѓиевски и кандидатот за градоначалник на Центар, Мирослав Лабудовиќ, додека кандидатот на Левица, Амар Мециновиќ, во текот на денот ќе одржи завршна прес-конференција.
Во Град Скопје право на глас имаат 474.304 гласачи, кои во недела ќе избираат меѓу Орце Ѓорѓиевски од ВМРО-ДПМНЕ и Амар Мециновиќ од Левица.
Македонија
Околу 130 килограми марихуана откриени на Табановце, поведена истрага
 
														Основното јавно обвинителство Куманово донесе Наредба за спроведување истражна постапка против српски државјанин осомничен за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
На 29 октомври, на граничниот премин Табановце, во камион со полуприколка (ладилник) со словенечки регистарски ознаки, тој се обидел да пренесе 129,7 килограми наркотична дрога марихуана. Дрогата, во 14 торби скриени во камионот во сопственост на превозна компанија од Словенија, ги пронашле царинските службеници при контрола на возилото.
Јавниот обвинител до судијата на претходна постапка од Основниот суд во Куманово достави предлог за определување мерка притвор за осомничениот.
Македонија
Делови од Кисела Вода, Ѓорче Петров и Карпош денеска без струја
 
														Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.00 часот корисниците од бул. Борис Трајковски бр.1 (Пеглата) влез 2 (општина Кисела Вода)
– во периодот од 09.00 до 10.00 часот корисниците од Новоселски Пат, како и објектите на Стокомак, КАМ Маркет, бензинската пумпа ОКТА и објектите во нивна близина. (општина Ѓорче Петров)
– во периодот од 09.00 до 15.00 часот, корисниците од ул. Леринска, лоцирани во околината на бр. 3. (општина Карпош)


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											