Сообраќајот на државните патишта се одвива во зимски услови, по наместа влажни коловози. Врнежи од снег со слсб интензитет се бележат на патните правци Крива Паланка-Страцин и Тетово-Попова Шапка, кој во моментов не преставуват пречка во одвивањето на сообраќајот. Намалена видливост поради појава на магла до 100 метри има на планинскиот премин Стража и во Маврово.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Времето денеска ќе биде променливо облачно со повремени врнежи, на планините и на некои повисоки места од снег, а во пониските од дожд кој повремено ќе преминуваат во снег. Ќе дува слаб до умерен, уште од претпладне, долж Повардарието повремено засилен ветер од северен правец. Слаб снег ќе има и преку ноќта понекаде во планинските региони. Минималната температура ќе биде во интервал од -1 до 5, а максималната ќе достигне од 3 до 9 степени.

Во Скопје променливо облачно со услови за слаб повремен дожд, на повисоко со услови за слаб снег и со слаб северен ветер. Минималната температура ќе се спушти до 3, а максималната ќе достигне до 8 степени.

Времето во наредните денови

Ќе биде облачно со повремени врнежи, на планините и на некои повисоки места од снег, а во пониските од дожд и услови врнежите повремено да преминуваат во снег. Ќе дува умерен до засилен северен ветер. Од вторник облачноста ќе се намалува, а од среда времето ќе биде претежно сончево со ниски утрински температури.

Од ЕВН Македонија АД известуваат дека денеска без електрична енергија ќе останат делови од Карпош, Бутел, Кисела Вода и Аеродром.

– во периодот од 09.00 до 12.00 часот, корисниците од дел од улицата Војвода Васил Чакаларов, улицата Осло и улицата Роналд Реган (општина Карпош)

– во периодот од 11.00 до 14.00 часот, корисниците од дел од улицата Александар Урдаревски, блиску до клучка со обиколница (општина Бутел)

– во периодот од 09.00 до 12.00 часот, корисниците од улицата Христо Татарчев 16 (општина Кисела Вода)

– во периодот од 08.00 до 15.00 часот, корисниците од дел од село Долно Лисиче околу пекара Орешка (општина Аеродром)