Македонија
(Видео) Бочварски: Завршуваме со изградба на 36 социјални станови во Виница

Завршуваме со изградбата на социјалната зграда во Виница за згрижување на 36 социјално ранливи категории на граѓани. Останува да се доработи партерното уредување и потоа да распишеме повик за распределба, истакна министерот за транспорт и врски Благој Бочварски при денешната посета во општина Виница.
Зградата е со инвестиција од 70 милиони денари, средства обезбедени од Владата на Република Северна Македонија.
„ Наскоро овде ќе бидет сместени 36 социјално ранливи категории на граѓани кои ќе добијат можност на подобри услови за живот. Задоволен сум што се работи интензивно, нашите очекување се дека оваа пролет ќе биде завршена за да можеме потоа да извршиме технички прием и да распишеме оглас за распределба. Се работи за инвестиција од 70 милиони денари што како догвороен орган се јавува АД за стопанисување со станбен и деловен простор”, изјави Благој Бочварски, министер за транспорт и врски.
Министерот потенцираше дека само во овој момент се градат преку 660 станови во 9 општини во државата.
„ Уште еден значаен проект кој го работиме е доградба на филтер станицата во општина Виница со кој ќе решиме горлив проблем со водоснабдувањето во населеното место Лески. Инвестицијата е 24 милиони денари, средства преку Министерството за транспорт и врски и очекувам дека во текот на летото ќе биде завршена оваа инвестиција”, истакна министерот Бочварски.
Овие проекти се многу значајни за развој на општината, за водоснабдувањето и згрижување на социјалните семејства, потенцира Ивица Димитров градоначалник на општина Виница.
„ Откако пред едан година оваа зграда започна да се гради, имаме доста заинтересирани наши сограѓани за аплицирање и добивање на стабeн простор се со цел да добијат пристојни услови за живеење. Во однос на проширувањето на филтер станицата тоа е многу значајно бидјеќи се подобрува снабдувањето со вода на жителите на Виница, населените места Јакимово, Лески и Црн Камен. Тоа значи дека сегашниот
капацитет од 110 литри во секунда со оваа инвестиција ќе се зголеми на 150 литри од секунда”, изјави Ивица Димитров градоначалник на општина Виница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: СДСМ грубо ја злоупотребува трагедијата во Кочани за политички поени

ВМРО-ДПМНЕ денеска реагираше на обвинувањата од страна на СДСМ во врска со истрагата за трагичниот пожар во Кочани, при што загинаа деца, обвинувајќи ја партијата дека прави „груба злоупотреба“ на трагедијата со цел собирање политички поени.
„СДС прави груба злоупотреба на трагедијата во Кочани со цел да добие политички поен плус. Обвинувањата на СДС дека институциите постапуваат под притисок на опозицијата се безочна лага,“ велат од ВМРО-ДПМНЕ во писмената реакција.
Од партијата нагласуваат дека институциите сега постапуваат професионално и неселективно, и дека во истрагата се опфатени над 60 лица, меѓу кои актуелни и поранешни функционери, градоначалници, бизнисмени, вработени во институции и членови на Министерството за внатрешни работи, а дел од нив се веќе во притвор.
„МВР и институциите на системот ги доставија сите потребни докази и информации до Јавното обвинителство уште пред еден месец. Обемната документација, со над 60 опфатени лица, е доказ за темелна и сеопфатна постапка“, стои во соопштението.
Од ВМРО-ДПМНЕ посочуваат дека постапувањето на институциите денес е спротивно на тоа што, според нив, се случувало во минатото за време на владеењето на СДСМ и Оливер Спасовски.
„Сега има одговорност за секој, без разлика кој е и од каде е. За разлика од МВР под Спасовски, каде што никој не одговараше за модуларната болница, Беса Транс или Ласкарци – случаи каде што имаше голем број жртви“, додаваат од ВМРО-ДПМНЕ.
Скопје
Арсовска: Претседателката на „Комунална“ е осудена за убиство и 3 години саботира нова опрема

Градоначалничката на Скопје, Данела Арсовска, денеска остро ја обвини Јулијана Спировска, претседателка на Управниот одбор на ЈП „Комунална хигиена“, дека ја саботира работата на претпријатието и со години опструира одлуки од витално значење за функционирањето на службите за одржување на јавната чистота.
Во своја објава на Фејсбук, Арсовска посочи дека Спировска е осудено лице за кривично дело убиство и дека, како што тврди, три години не поддржала ниту една инвестиција за нова механизација, ниту решенија за вработување на работниците кои со години работат на терен.
„Јулијана е осуден криминалец со казна затвор за убиство. Таа три години не гласа за нови камиони, за инвестициска програма, за вработените кои пет години ги чистат улиците да можат да земат решение“, напиша Арсовска.
Според неа, Спировска делува под директива на политичките партии ВМРО-ДПМНЕ и Вреди, чиј што кадар е поставен во Управниот одбор преку Советот на Градот. Арсовска директно ги обвинува овие партии дека преку Спировска ја саботираат работата на претпријатието и придонесуваат за влошување на состојбата со отпадот во Скопје.
„Јулијана по наредба на ВМРО континуирано прави опструкции додека градот не се удави во смет. Не биди ѓубре, не биди криминалец, не биди Јулијана“, додаде Арсовска.
Таа истакна дека вработените во „Комунална хигиена“ се едни од највредните работници во градот и дека заслужуваат институционална поддршка, а не, како што вели, саботажа од партиски кадри.
Македонија
Левица: Владата троши 450.000 евра за луксуз, додека гласа против минимална плата од 500 евра

Додека граѓаните се соочуваат со секојдневни ценовни шокови, Владата предводена од ДПМНЕ троши стотици илјади евра за морски плодови и хотелско сместување, обвини денеска политичката партија Левица. Од партијата велат дека ова се случува паралелно со одбивањето на нивниот предлог за зголемување на минималната плата на 500 евра.
„Очигледно, за расипничката власт на ДПМНЕ има пари само за нивните луксузни апетити, но не и за работниците кои едвај врзуваат крај со крај“, соопштува Левица.
Според податоците кои ги објавија од партијата, владината Служба за општи и заеднички работи во мај склучила два тендери со вкупна вредност од 450.000 евра. Првиот договор, вреден 11,8 милиони денари, се однесува на набавка на риба, месо и сувомеснати производи, додека вториот – во износ од 16,5 милиони денари – се однесува на хотелско сместување за владините функционери.
„Се работи за јасен пример на лицемерие и двојни стандарди. Власта гласаше против предлогот за минимална плата, кој го поднесовме по барање на синдикатите, а во исто време склучува договори за луксузни вечери и хотели“, изјавуваат од Левица.
Од партијата додаваат дека власта не служи на граѓаните, туку на „крупниот капитал и блиски бизнис-центри“, додека реалната економска состојба е далеку од она што, според нив, „скапата ПР-машина“ на Владата се обидува да го прикаже.
„Македонија не е економска сила, туку земја во која работниците гладуваат, младите се иселуваат, а функционерите се гоштеваат со морски плодови за сметка на народот“, порачуваат од Левица.