Македонија
(Видео) Бошкоски: Моите прогонители сега се прогонувани

Ексминистерот за внатрешни работи, Љубе Бошкоски, по денешното рочиште за предметот „Тортура“, изјави дека верува дека конечно во Македонија ќе се врати, како што рече, изгубената правна држава. „Верувам во судот“, рече Бошкоски и рече дека очекува за неправедно осудените постапките да бидат обновени. „Вистината ќе победи. Моите прогонители сега се прогонувани за кривично дело“, рече лидерот на „Обединети за Македонија“.
Бошкоски денеска во емотивно обраќање пред судот сведочеше за тоа што видел и слушнал на 6 јуни 2011 година и потоа, кога обвинетите полициски „алфи“ го апсеа во близина на ресторанот „Воденица“. Судијката Александра Ристевска, која го суди предметот, им го прифати барањето на адвокатите на обвинетите „алфи“ и на ексдиректорот на УБК, Сашо Мијалков, денеска да не го испитуваат директно Бошкоски, на што се противеше СЈО и адвокатот на Бошкоски. Тие сметаат дека на денешното рочиште треба да се заврши целосното испитување на сведокот т.е. жртвата зашто секое доаѓање во суд и присетување на настанот се изложува на непријатно сеќавање на настанот. Судењето продолжува в петок, 7 септември, со доказна постапка и изведување на материјалните докази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.