Македонија
(Видео) Видео бим падна врз модераторка на Преспа форумот: таа вресна од страв, политичари во публика за време на незгодата

Дел од видео бим падна врз модераторка на Преспа форумот кој се одржува во Струга. Незгодата се случи додека говорече Мирослав Јенча, помошник генерален секретар на ОН за Европа. Модераторката во моментот кога масивниот бим паѓа врз неа, почнува на вреска, на што реагираат сите присутни, меѓу кои и министри.
На помош веднаш истрчаа лица од публиката, но и лицата задолжени за обезбедување на политичарите. Сведоци на незгодата беа премиерот Димитар Ковачевски, министрите за внатрешни работи, Оливер Спасовски, министерката за култура Бисера Костадиновска-Стојческа, вицепремиерот Артан Груби, лидерот на ДУИ Али Ахмети, но и низа амбасадори и странски политичари.
Модераторката не беше повредена.
„Јас сум добро. Во ред сум. Се е во ред. Сигурна сум дека сум добро“, вели модераторката откако паднатиот бим беше кренат од присутните.
Неколку минути по незгодата, видео бимот го држеа лицата кои помогнаа тој да биде кренат по падот. Потоа, работата ја преземаа организаторите. Панелот беше паузиран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.