Македонија
(Видео) ВМРО-ДПМНЕ: Во услови на корона-криза власта дава најмала поддршка на стопанството во Европа

„Државите жестоко се борат против коронавирусот. Некои влади повеќе, некои помалку успешно. А што прави македонската Влада? Кои се резултатите од нејзината активност или нејзината неактивност? Ова се фактите што СДСМ очајно се труди да ги скрие од нас“, соопшти ВМРО-ДПМНЕ.
Според партијата, Македонија под водство на СДСМ е земјата со убедливо најмала и најслаба економска поддршка во Европа на погоденото од корона стопанство и издвојува само 1,2 отсто БДП за помош на економијата.
Државите жестоко се борат против корона вирусот. Некои влади повеќе некои помалку успешно.А што прави македонската влада? Кои се резултатите од нејзината активност или нејзината неактивност? Ова се фактите кои СДСМ очајно се труди да ги скрие од нас.Македонија под водство на СДСМ е земјата со убедливо најмала и најслаба економска поддршка во Европа на погоденото од корона стопанство и издвојува само 1,2% БДП за помош на економијата.Власта на Заев и Спасовски дава само 200 милиони евра поддршка на стопанството, додека Словенја дава 3 милијарди евра, Србија 5 милијарди евра, Бугарија 2,3 милијарди евра.За жал, ние сме земја со најголем број на починати лица од корона вирусот на Балканот во однос на бројот на населението. Македонија има повеќе починати лица од корона отколку Грција, Бугарија и Албанија заедно.На второ место сме на Балканот по бројот на најмногу заболени пациенти по глава на жител.Македонија е една од земјите која има направено најмал број на тестови во Европа. Имаме најмала опременост, но најголем број на заболени здравствени работници по глава на жител на Балканот.Ова се фактите почитувани граѓани.Во услови на корона криза власта на Заев и Спасовски дава најмала поддршка на стопанството во Европа. Има најголем број на починати лица на Балканот. Во врвот сме по број заболени лица од ковид, а на дното по број на тестирања и по опременост на здравствените работници.Вие проценете сами. Не се способни! Не знаат и не можат!
Posted by ВМРО-ДПМНЕ, ВМРО-ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО on Понеделник, 11 мај 2020
„Власта на Заев и Спасовски дава само 200 милиони евра поддршка на стопанството, а Словенија дава 3 милијарди евра, Србија 5 милијарди евра, Бугарија 2,3 милијарди евра. За жал, ние сме земја со најголем број починати лица од коронавирусот на Балканот во однос на бројот на населението. Македонија има повеќе починати лица од корона отколку Грција, Бугарија и Албанија заедно. На второ место сме на Балканот по бројот на најмногу заболени пациенти на жител.
Македонија е една од земјите што има направено најмал број тестови во Европа. Имаме најмала опременост, но најголем број заболени здравствени работници на жител на Балканот. Ова се фактите, почитувани граѓани. Во услови на корона-криза власта на Заев и Спасовски дава најмала поддршка на стопанството во Европа. Има најголем број починати лица на Балканот. На врвот сме по бројот на заболени лица од Ковид-19, а на дното по бројот на тестирања и по опременост на здравствените работници. Вие проценете сами. Не се способни! Не знаат и не можат“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Доаѓа невреме – силен ветер, пороен дожд и град ќе ја погодат Македонија

Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе места ќе биде нестабилно со пороен дожд и грмежи.
„Процесите ќе бидат поинтензивни особено во текот утрешниот ден кога локално ќе бидат во форма на невреме со пообилен пороен дожд за кратко време (над 15л/м2), силен ветер (над 60км/ч) и изолирана појава на град“, велат од УХМР.
Според најавите, од среда ќе преовладува претежно стабилно и потопло време со пораст на дневната температура.
Во Скопје, утре и во вторник времето ќе биде променливо облачно и нестабилно со пороен дожд и грмежи. Во делови од котлината ќе има појава на невреме со пообилен пороен дожд, силен ветер и изолирана појава на град.
Од УХМР препорачуваат во случај на појава на електрични празнења се препорачува поголема внимателност, да не се престојува на отворен простор и под осамени дрвја.
Македонија
ЦУК: Четири активни пожари во Македонија, 2 под контрола

Центарот за управување со кризи информира дека на територијата на Македонија се евидентирани вкупно 15 пожари на отворен простор, од кои: 4 се активни, 2 се под контрола, а9 се изгаснати.
Активни пожари: 4
1. Општина Чашка – над Богомила (мешана шума)
2. Општина Куманово – с. Слупчане (нискостеблеста шума)
3. Општина Студеничани – с. Дречавица (шумски пожар во планински терен)
4. Општина Македонски Брод – с. Грешница (деградирана нискостеблеста шума)
Под контрола: 2
1. Општина Долнени – с. Стровија, позади место викано Гајдарец-Клепало (нискостеблеста шума)
2. Општина Желино – с. Церово (мешана шума)
Изгаснати се пожарите во Берово, Брвеница, Струмица, Гевгелија, Куманово, Крушево, Долнени, Струга и Студеничани.
Македонија
(Видео) Избувнаа повеќе нови пожари – „Во Македонија има многу граѓани кои не ѝ мислат добро“, вели Михаилов

Попладнево низ повеќе делови од Македонија се појавија нови пожари, откако претпладне беше стабилизирана состојбата на теренот.
Надлежните институции реагираат со интервенции на копно и од воздух.
Информации објави заменик-директорот на ЈП „Национални шуми“, Кире Михаилов.
„Дефинитивно во Македонија има многу граѓани кои не и мислат добро, друго објаснување за ова кое се случува јас немам!
Пожаров кој го гледате е над село Ваксинце, општина Липково и избил пред 30 тина минути, а истиот ветерот многу бргу го шири накај Стража!
Таму се две екипи на ЈП “Македонски Шуми” Куманово и ТППЕ Куманово!
Откако ја стабилизиравме целосно состојбата и со добра координација на Главниот Штаб на Македонија до пладне го решивме и последниот активен пожар кај Долнени, во текот на попладневните часови веќе имаме пријава за неколку нови пожари!
После пладне е пријавен нов пожар во близина на село Богомила, општина Велес каде веднаш од страна на Главниот Штаб беа упатени сили на ЈП “Македонски Шуми” , екипи на МВР и месно население, а таму на помош беше пратен и делуваше од воздух еден хеликоптер.
Во 14 часот, во исто време се појавија два пожари, едниот во близина на село Милетино во општина Брвеница кој по брзата интервенција од копно беше локализиран и пожарот во општина Желино, во близина на село Церово на кој во моментов во координација со Главниот Штаб делуваат копнени сили составени од ТППЕ и ЈП “Македонски Шуми” и двата ЕР Трактори на ДЗС!
Исто така, нашите копнени сили кои сеуште се наоѓаат високо на пожарот во Долнени над селото Стровија попладнево ни пријавија појава на дури четири нови чадења или нови пожари кој во моментов службите ги проверуваат и пристапуваат на гасење на истите!“, напиша Михаилов на ФБ.