Македонија
(Видео) Георгиевски: По повеќе од 50 години, Виниче добива современа патна инфраструктура

Градоначалникот на општина Гази Баба, Борис Георгиевски, заедно со министерот за земјоделство, шумарство и водостопанство и директорот на Агенцијата за финансиска поддршка во земјоделството и руралниот развој, Николче Бабовски, го означи почнувањето на рехабилитацијата на локалниот пат во Виниче до манастирот „Св. Илија“ во должина од 2 километра.
Според градоначалникот Георгиевски, овој проект е дел од мерките на Владата што се однесуваат на инвестиции во локалната патна инфраструктура за поврзување населени места, односно селата со локалитети од значење за начинот на животот и работата на селската популација.
„Ова ќе значи дека Виниче, кое како населено место беше заборавено од сите, сега ќе може лесно и безбедно да се поврзе со другиот дел од овој регион, а сите посетители ќе може да стигнат до манастирот, како и да уживаат во убавините на Скопска Црна Гора. Проектот чини 10,9 милиони денари, средства на Владата преку Агенцијата за финансиска поддршка во земјоделството и руралниот развој. Општина Гази Баба како никогаш досега има сериозна поддршка од Владата, предводена од Социјалдемократскиот сојуз. Верен партнер во секое време за решавање на суштинските децениски проблеми на граѓаните, со кои добиваат значително подобри услови за живеење“, посочи Георгиевски.
Во меѓувреме, се реконструира и локалниот пат од Основното училиште „Наум Охридски“ до викенд-населбата во Булачани во должина од 1.100 метри, а ќе се реконструира и проширува и регионалниот пат од Бутел до Раштак во должина од 5 км. Со изградбата на овие 3 локални пата се решава долгогодишниот проблем на граѓаните за кој никој претходно немаше слух. Сега добиваат достојни услови за живеење и можност да бидат поврзани меѓу себе со современи патишта.
Според министерот Димковски, овој проект е од големо значење за жителите, кои по повеќе 50 години, првпат ќе добијат асфалтирана улица по стандарди за градба на патишта.
„Патот е долг 2 км и е во вредност од 15 милиони денари, пари обезбедени со финансиска подршка од оваа Влада. Очекуваме да биде завршен и пуштен во употреба за 10 месеци“, рече министерот Димковски.
Бабовски, пак, посочи дека преку проектите од овој тип значително се подобрува патната инфраструктура во руралниот дел на општината.
„Преку реализација на овие проекти навистина се подобрува патната инфраструктура во општината и докажуваме дека посветуваме особено внимание за малите населени места кои се наоѓаат во руралната средина, а имаат ист рамномерен развој како сите други урбани средини во државата“, изјави Бабовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: Прочитан е Мицкоски, обидот за партизација на судството нема да помине

„На Мицкоски му одговара партизирано судство преку кое ќе може да влијае на одлуките, и тоа не е ништо ново, граѓаните веќе го виделе тоа, а некои и го почувствувале на своја кожа“, истакна претседателот на СДСМ Венко Филипче на граѓанскиот собир „Се бориме за нашиот дом“ во Чучер Сандево.
Филипче нагласи дека Мицкоски очигледно нема волја за реформа на судството, а одговорноста е исклучиво само кај него.
„Од уста не ги вади обвинителите, судиите, на кои им се закануваше јавно дека ќе ги избрка, дека ќе ги замени со други, дека не ја заслужуваат платата, но ништо суштински не презема за да се реформира правосудството. Театрални изјави без ниту еден донесен закон од реформската агенда за вистинско реформирање на правосудниот систем“, рече Филипче, додавајќи дека оваа власт не мисли добро на народот и државата.
„Власта на ВМРО-ДПМНЕ ја турка државата назад – во изолација, хаос и страв. Тие не нудат визија, нема иднина, го нудат минато. Го партизираат секој систем, ги злоупотребуваат институциите, ги забораваат граѓаните. Наместо ред и развој, ароганција, луксуз, корупција“, рече Филипче, нагласувајќи дека борбата за нашиот дом е борба за вредности и достоинство.
„Македонија не се брани со пароли и навреди, туку со резултати, со силни институции и со чесна власт. Овој патриотизам на Мицкоски со викање, навреди, поделби на народот и национализам не може да донесе ништо добро на државата и граѓаните. И токму затоа, СДСМ мора повторно да стане гласот на разумот, на народот и на иднината. Да ја врати државата таму каде што ѝ е местото — во рацете на граѓаните“, порача претседателот на СДСМ Венко Филипче од граѓанскиот собир во Чучер Сандево.
Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Шукова: Време е за резултати, уреден Бутел, нови паркови, подобар превоз и вода за сите

Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека Скопје мора да се гради со дела, а не со празни зборови.
„Вечерва не сум тука само како кандидатка за градоначалничка на Скопје. Тука сум, пред сè, како човек што верува во овој град и во луѓето што го прават Бутел дом,“ изјави Шукова.
Таа се осврна на реалните проблеми со кои се соочува општината запуштеното корито на Серава, недоволната инфраструктура, недостигот на јавен превоз и дотраената водоводна мрежа и истакна дека решенијата веќе се подготвени.
„Серава ќе стане место на кое ќе се гордееме уредено корито, пешачки и велосипедски патеки, зелена зона за сите. Новите паркови и 10.000 засадени дрвја ќе го вратат сјајот што Скопје го имаше пред децении,“ нагласи таа.
Посебен акцент стави и на водоснабдувањето и инфраструктурата:
„Денес, 60 проценти од питката вода се губи во системот. Време е за модернизација и стабилно снабдување со вода за секој дом. Новите мостови, клучки и булевари ќе го поврзат Бутел со целиот град и ќе овозможат безбедно и побрзо движење,“ рече Шукова.
Таа потсети дека во изминатите години градот беше заложник на неработење и популизам:
„Четири години ВМРО-ДПМНЕ ги запоставуваше општините. Време е за резултати, а не за слики и празни зборови. Половина од нашите проекти може веднаш да се реализираат,“ додаде таа.
Во својот говор, Шукова повика на единство и одговорност:
„Бутел не смее да биде изолиран. Бутел е почетна точка на модерното Скопје место каде што се инвестира, се гради и се слуша секој граѓанин.“