Македонија
(Видео) Глигорова: Убиство застарува, но сметка за вода не

Убиство застарува, но сметка за вода не застарува, плаќаме сметки за комунални услуги од пред 20 години, бараме отпис на сите долгови и извршителски и нотарски трошоци, порача Ана Глигорова од здружението „Човекот над профитот“ на денешната јавна расправа за предлог-законот за отпис на камати на долгови.
-Нашиот закон за извршување е препишан од скандинавските држави. Ако во Шведска сметката на граѓанин е илјада евра, евентуално некој многу ретко што не платил, ќе плати 1700 евра, 75% од основицата. Таму нема извршители, тоа е дел од даночните управи. Таму немаат задоцнети сметки за комуналии. Ако некој доцни со наплата, на врата прво доаѓа социјaлната служба, а не извршител. Државата таму не те остава на огромен арач. Овде, колку е застарување, зошто наплаќаме сметки од пред 20 години? Каде бил доверителот целото ова време? Граѓаните се оставаат на добра волја на нотарите и извршителите, рече Глигорова.
Претходно, пратеникот Панчо Минов, еден од предлагачите на законот, ги образложи условите за отпишување камати за наплата на долгови кои произлегуваат од вршители на комунални дејности, телефонија, мобилни и кабелски оператори, одржување на заеднички простории. Со законот, како што рече тој, ќе бидат опфатени оклоу 600 илјади граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Гори на планините Кожуф и Добра Вода, под контрола се четири пожари

Денеска, до 07:00 часот, на територијата на Македонија имало вкупно 34 пожари на отворен простор, од кои два се активни, четири се под контрола, а 28 се изгаснати, извести Центарот за управување со кризи.
Активни се пожарите во општина Гевгелија: Кожуф планина, кај село Петрово (букова шума) и во општина Македонски Брод: Планина Добра вода (ниска вегетација).
Како што информира ЦУК под конртола се четири пожари: Општина Гази Баба 1: с. Трубарево (електричен отпад); Општина Гази Баба 2: с. Виниче, м.в. Муратица (нискостеблеста шума); Општина Студеничани: с. Батинци (ниска вегетација и мешана шума); Општина Кочани: с. Бали (депонија).
Изгаснати се 28 пожари.
Македонија
Левица се заплетка во лагите за парите кои завршиле во џебовите на раководството, велат од ВМРО-ДПМНЕ

Левица на прес-конференција практично признаа дека податоците добиени од свиркачи за парите кои од сметката на партијата завршиле во џебови на тесното раководство се точни, велат од ВМРО-ДПМНЕ.
Според владејачката партија, парите од сметката на партијата Левица по разни основи завршиле кај тесното раководство на Левица. Мојсоска која самата изнесе информација дека била сметководител на Левица, додаваат од ВМРО-ДПМНЕ, требало да знае дека доколку ја говори вистината, актот е противзаконски.
„Правниците од Левица би требало да знаат дека во Законот за пратениците јасно е наведено:
– Член 4: „Функцијата пратеник во Собранието се врши професионално.“
– Член 5: „Пратеникот нема право да врши други јавни функции или професии, кои согласно со закон се неспојливи со функцијата пратеник.“
– Член 9: „Функцијата пратеник е неспојлива со вршењето на дејности со профитна цел.“
Законот е јасен Јована Мојсоска како пратеник, не смеела да остварува профит и да врши сметководствени услуги за Левица. Доколку е вистина улогата на сметководител, Мојсоска сериозно го прекршила Законот.
Левица бегајќи од вистината се заплетка во сопствените шеми за извлекување на партиски средства за лични потреби на раководството“.
Вистината, според ВМРО-ДПМНЕ, излезе на виделина.
„Левица под закрила на идеологија, чесност и приказни за неподмитливост испумпува пари на личните трансакциски сметки.
Пропагандата на Левица за чесност и неподмитливост се претвори во параван зад кои се испумпуваат пари.
Левица не е имуна на корупција и не се бори против неа, туку е дел од неа“.
Македонија
Нормализиран сообраќајот на регионалниот пат Велес-Градско

Од 08 часот и 20 минути, утрово, сообраќајот на регионалниот пат Велес-Градско е нормализиран, извести АМСМ.
Сообраќајот беше во прекин поради сообраќајна несреќа.