Македонија
(Видео) Груевски: Ме држат секој ден во судот за да не бидам во парламентот
![](https://makfax.com.mk/wp-content/uploads/2018/04/Nikola-Gruevski-pred-sud.jpg)
Експремиерот Никола Груевски, по денешното одложено рочиште за предметот „Тенк“ за набавка на „мерцедесот“, повтори дека станува збор за политички, а не за правен процес. Тој рече дека и минатата недела, и оваа и следната тој секој работен ден е на судења со единствена намера да не биде присутен во работата на Собранието. „Нè држат цели денови, не можам да бидам присутен во парламентот“, рече Груевски.
Тој говореше дека судот има разни аршини во предметите ТНТ и „Тенк“ за изземање на судискиот совет бидејќи во едниот случај се чека одлуката на Врховниот суд, а во другиот одлука донел претседателот на кривичниот суд, Иван Џолев. Груевски се пожали и дека не им било дозволено правото на жалба за оваа околност и дека му се прекрешни човековите права во спротивно со начелата на Европската конвенција за човекови права и на Европскиот суд за човекови права во Стразбур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Муцунски во работна посета на Хрватска
![](https://makfax.com.mk/wp-content/uploads/2024/05/mucunski-1.jpg)
Министерот за надворешни работи и надворешна трговија, Тимчо Муцунски, денес (сабота, 29 јуни 2024г.) ќе престојува во работна посета на Република Хрватска, каде што на покана на министерот за надворешни работи на Хрватска, Гордан Грлиќ Радман ќе учествува на Дубровник форум 2024.
Министерот Муцунски ќе има обраќање на панелот „Западен Балкан: Отворање на реформскиот потенцијал”.
На маргините на форумот, министерот ќе оствари и бројни билатерални средби со свои колеги од повеќе земји.
Македонија
Дел од улиците во Аеродром денес ќе бидат затворени поради градежни активности
![](https://makfax.com.mk/wp-content/uploads/2018/09/soobrakjaen-rezim_.png)
Поради изведување градежни активности, денеска изменет режим на сообраќај ќе има во дел од скопската Општина Аеродром.
„На ден 29 јуни (сабота) на ул. ‘Борис Кидрич’ од крстосница со Ул. ‘Симеон Кавракиров’ до крстосница со Бул. ‘Кузман Јосифовски Питу ‘ – Општина Аеродром ќе се изведуваат градежни активности (гребење), па поради тоа ќе има изменет режим на сообраќај на наведените улици, информираат од изведувач на работите, компанијата ‘Гама градба’“.
Македонија
Сончево и потопло со мала до умерена облачност
![](https://makfax.com.mk/wp-content/uploads/2022/08/dojran-2.png)
Времето денеска ќе биде сончево и потопло со мала до умерена облачност. Ќе дува слаб до умерен ветер од северен правец. Минималната температура ќе биде во интервал од 12 до 19, а максималната ќе достигне од 29 до 37 степени. UV=8
Во Скопје сончево и топло со мала до умерена облачност и со слаб до умерен северен ветер. Минималната температура ќе се спушти до 17, а максималната ќе достигне до 34 степена.
Во деновите од викендот и во понеделник времето ќе биде сончево и топло со мала до умерена локална облачност. Дневните температури насекаде ќе бидат над 30 степени.
Во вторник се очекува повторно дестабилизирање на времето со пороен дожд, грмежи и засилен ветер, локално во форма на невреме.