Македонија
(Видео) Девојка со македонско потекло меѓу киднапираните од Хамас

19-годишна девојка со потекло од Македонија е меѓу киднапираните на 7 октомври при упадот на припадниците на Хамас во Израел. Информацијата ја потврди за „Макфакс“, Рашел Леви Друмер, професорка во Израел, која има македонско потекло и која е вклучена во напорите за ослободување на девојката.
Тешко е да се заборави снимката од 19-годишната Наама Леви, која припадниците на Хамас ја ставаат во џип во Газа со врзани раце зад грбот, а нејзината сива тренирка облеана во крв на задниот дел.
Trigger warning: Hamas terrorists kidnapped an Israeli young woman earlier today.
Hamas = Isis.
Same ideology, different names.
The footage coming out of southern Israel makes this absolutely clear. pic.twitter.com/DV1buYx2Br
— Israel ישראל 🇮🇱 (@Israel) October 7, 2023
На снимката се гледаат мажи со пиштоли како ја извлекуваат Наама од багажникот на автомобилот до совозачкото седиште, додека другите гледаат и слават.
Тинејџерката е само една од 242 заложници што Хамас ги држи повеќе од еден месец.
Naama Levy is 19yrs old.
She worked for a NGO to “dialogue”…to “hear from the other side”.
This was their response: pic.twitter.com/QpLALIKbUM
— Bree A Dail (@breeadail) November 5, 2023
Беше откриено дека Наама била мировна активистка посветена на промовирање на вредностите на заемно разбирање меѓу Израелците и Палестинците.
Таа беше учесник во проектот „Раце на мирот“ во САД, каде што младите Американци, Израелци и Палестинци се среќаваат во потрагата по мир.
As it’s now in media, can confirm that yes: Naama— whose brutal kidnap was captured on video on Oct 7th— was participant with @ALLMEP member Hands of Peace. We have been working with her mother, whose strength is unimaginable, & we call for her and all hostages immediate release https://t.co/D0h3XdQn7r
— John Lyndon (@JohnLyndon_) November 6, 2023
Џон Линдон, кој е извршен директор на Алијансата за мир на Блискиот Исток, рече дека Наама е позитивна млада дама и нејзиното семејство само сака да ја врати дома.
Линдон рече дека бил шокиран кога открил дека киднапираната тинејџерка била учесник во програмата и оттогаш работи со нејзиното семејство за да ја подигне свеста за нејзината мака.
Според податоците што ги испратиле роднините на девојката, нејзината прапрабаба Грасија Бивас била родена во Македонија во 1893 година во семејство на Хаим и Сара Бивас. Бабата, како девојче, околу 1900 година, заминала во Израел, каде што во текот на годините основала семејство. Девојката Наама Леви е една од нејзините потомци.
Повеќето македонски граѓани што се наоѓаа во Израел, како и во Газа, беа евакуирани и пристигнаа во земјата преку специјални хуманитарни летови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Талески: Интерепелацијата за Тошковски не е политика, туку прашање дали ќе опстои државата

Господине Тошковски, вие сте веќе 15 месеци министер во МВР и во овие месеци го претворивте во комплетно нефункционално министерство, министерство со најголем број скандали, каде што преовладуваат селективноста, неказнивоста и целосно е нарушена безбедноста на граѓаните, му се обрати пратеникот од СДСМ, Миле Талески, на министерот Тошковски.
Според него, гласот „за“ интерпелацијата на министерот Панче Тошковски не е прашање на политика, туку прашање дали ќе опстои државата, дали ќе има правда, безбедност и сигурност.
„Не е само истрагата за трагедијата во Кочани, која одзеде толку многу животи, иако непобитен факт е дека МВР потфрли на повеќе основи дента на пожарот како институција со клучна улога во обезбедувањето. Не бил направен оперативен план, не бил обезбеден просторот, не бил затворен објектот, иако во него било регистрирано присуство на малолетници, не се реагирало за пиротехнички средства и многу други пропусти. Голем број осомничени, приведени и притворени лица од трагедијата во Кочани до денес е со цел да се разводнат сите случаи и да се одолжуваат до бескрај, да се создаде привид дека МВР и Владата се борат против криминалот и корупцијата. Но, не е така. Ова е тежок популизам, препознатлив за ВМРО-ДПМНЕ. Но, ајде да ја почекаме истрагата за да видиме дали и кој од надлежните командири, началници и заменик-командири на полицијата ќе бидат опфатени и кој ќе понесе одговорност“, рече Талески.
Тој заклучи дека Тошковски требало да си понесе морална одговорност за трагедијата.
Македонија
„Ги изгоревте децата со вашата алчност и негрижа“, родителите на жртвите од Кочани бараат оставки и одговорност

„Пожарот ги зеде телата, системот ги уби душите“, „Каде да фатиме врски за да ги вратиме другарите“, „Селективна одговорност е неодговорност“, „Не умираме од несреќи, умираме од корупција!“ „Ги изгоревте децата со вашата алчност и негрижа“, ова се дел од транспарентите што ги носеа учесниците на маршот на семејствата на жртвите во пожарот во дискотеката „Пулс“ во Кочани, што се одржува во Скопје.
Пред Јавното обвинителство тие побараа оставка од повеќе поранешни и актуелни функционери, обвинители, директори, градоначалници…
„Дали Зоран Заев е затворен, дали Крсто Муковски е затворен. Учесниците од 24 април 2017 може да ги прогласат за терористи со илјадници години затвор, а дали направиле некаква ревизија во дискотеката. Тие се соучесници затоа што го криеле криминалот. Вие сте узурпатори, не сте вие државата, ние сме државата. Ве плаќаме илјадници евра да правите криминали“, рече Владимир Апостолов, таткото на едно од загинатите деца.
Тој потоа читаше имиња и презимиња на актуелни и поранешни министри во МВР, во Министерството за економија, директори во Државниот пазарен инспекторат, директори во Дирекцијата за заштита и спасување, кои, според него, требало да бидат уапсени, а не се.
„Не знаат кој да апсат, имам список кои се највиновни – од Јавното обвинителство – господинот Коцевски, кој ќе го апси него, кој ќе го апси Љубомир Јовевски, дали се уапсени – не се уапсени. Панче Тошковски, кај се началниците што ги постави Тошковски. Дали се во затвор тие началници – не. Пред него Оливер Спасовски дали е приведен, не е, Наќе Чулев, Нухиу, Чавков, Јанкулоска – дали се уапсени – не. И министрите за економија, и директорите од Државниот пазарен инспекторат, и од Дирекцијата за заштита спасување. И градоначалниците на Кочани – не знаеле за тоа што се случува? Барем една проверка да направеа, еднаш да санкционираат“, рече Апостоловски.
„Повикуваме сите да излезете од Собранието, пуштени се некои ботови од родителите да го контаминираат овој наш марш. Не плашете се, не сме вооружени, дојдовме со срце затоа што ни убивте сè, ама не нè убивте и нас. Партијата не ве плаќа, ние ве плаќаме, напуштете ја оваа институција, еден по еден да си одите дома кај вашите деца – не плашете се, не сме терористи, само одете си. Тешко ќе се докажело кој е крив, ако е тешко, ако не ве бидува, марш, гитла“, рече Апостоловски пред зградата на Јавното обвинителство.
Тој праша што повеќе може да ни земат од ова. „И нашите души ни ги зедоа со душите на децата“, рече Апостоловски.
Маршот продолжува кон Собранието.
Македонија
Исени на средба со бугарскиот амбасадор

Заменик-министерот за внатрешни работи Астрит Исени оствари работна средба со амбасадорот на Република Бугарија во земјата, Жељаско Радуков.
На средбата беа потврдени заложбите за одржување и унапредување на односите меѓу двете соседни земји, а особено беше потврдена одличната соработка меѓу министерствата за внатрешни работи, и исто така заеднички беше констатирано дека работат врвни професионалци.
Со посебен фокус се разговараше и за можностите за дополнително унапредување на веќе воспоставената плодна соработка како од аспект на билатералните договори така и оперативната меѓусебна соработка на Министерствата за внатрешни работи на двете земји. Притоа и заменик-министерот за внатрешни работи Исени и амбасадорот Радуков изразија безрезервна отвореност за нејзино натамошно продлабочување.
Воедно, на состанокот стана збор и за меѓусебната соработка во рамките на меѓународните организации и регионалните иницијативи, кои се од заеднички интерес и придонесуваат за одржување и зајакнување на регионалната безбедност, стабилност и просперитет.