Македонија
(Видео) Доктор Лазов: Неспособноста на Филипче и Спасовски се плаќа со животите на граѓаните

„Во Македонија се постигна нов рекорд на на новозаболени лица од КОВИД-19 во едно деноноќие. И повторно има починати и тоа 8 лица. Филипче наместо политичка кампања работа му е да спасува животи. Имаме нов пораз и огромен број на новозаразени. Мислите на Филипче и Спасовски им се во политика и тендери, а не заштита на здравјето и животите на граѓаните“, изјави д-р Кирил Лазов од ВМРО-ДПМНЕ.
Според него, вкупната бројка на заболени е поголема од 9 илјади лица, а бројката починати се ближи кон 500 лица.
„Македонија повторно се врати на врвот на листите, но на врвот на листите каде има најмногу заразени на милион жители, најмногу починати на милион жители. На црната статистика не потсетија вчера и регионалните медиуми. И што јавија? Најмногу заразени лица на милион жители има Македонија или повеќе од 4 илјади лица. На второ место е Косово со 3.010 заразени на милиони жители, а Србија со 2.776. Словенија со 903 на милион жители и Хрватска 963 со најмалку заразени во однос на бројот на жители.
Македонија води во уште една црна статистика, а таа е за бројот на починати на милиони жители. Досега во земјава починале 189 луѓе на милион жители. Хрватска има најмал број на смртни случаи на милиони жители, 29. Ако вака се движат бројките среде јули, што да очекуваме есента. Има ли одговори од Филипче и Спасовски како и што понатаму, освен флоскулите „се е под контрола“, „се подготвуваме“…? Неспособноста на Филипче и Спасовски за справување со корона кризата излезе на виделина како никогаш до сега. Заборавија на здравјето на граѓаните“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Претежно облачно со услови за дожд и снег

Времето денеска ќе биде умерено до значително облачно со услови за слаб дожд, на планините и на повисоките места слаб снег, претежно во источните делови. Ќе дува слаб до умерен ветер од југоисточен правец.
Минималната температура ќе биде во интервал од -5 до 3, а максималната ќе достигне од 3 до 9 степени.
Во Скопје претежно облачно, во раните утрински часови во делови од котлината ќе има услови за врнежи од слаб дожд и снег. Ќе дува слаб до умерен ветер од југоисточен правец. Минималната температура ќе се спушти до 1, а максималната ќе достигне до 7 степени.
Времето во наредните денови
Следува период на променливо облачно време. По одделни котлини ќе има појава на магла и ниска облачност, а локални врнежи од дожд се очекуваат во четврток. Утринските и дневните температури ќе бидат во постепен пораст.
Македонија
Дел од Центар денеска без вода

ЈП Водовод и Канализација известува дека денеска поради изведување на водоводен приклучок од ф 80мм на улицата Васил Стефановски бр 2. без вода ќе останат корисниците на дел од улиците Васил Стефановски, Костурски Херои, Борка Талевски, Петар Поп Арсов, 9-ти Мај, Роза Луксенбург, Христо Смирненски во општина Центар.
Водоснабдувањето ќе биде прекинато од 09:00 часот до завршување на интервенцијата.
Македонија
Без струја дел од Бутел и Карпош

ЕВН Македонија АД известува дека денеска без електрична енергија ќе останат делови од општините Бутел и Карпош.
– во периодот од 09.00 до 14.00 часот, корисниците од дел улица Радишани и дел од улицата Бел камен во општина Бутел,
– во периодот од 09.00 до 15.00 часот, корисниците од дел од корисниците од улицата Јури Гагарин во општина Карпош.