Македонија
(Видео) Една година по крвавиот четврток во Собрание, кој е нарачателот?

Една година по крвавиот четврток во Собранието условно се осудени само 9 лица. Упадот беше организиран чин за ВМРО-ДПМНЕ да остане на власт. Маскирани лица нападнаа пратеници и новинари, со планирано сценарио за убиства. Локви крв имаше во прес-центарот на Собранието. Пратеникот Зијадин Села беше во бессознание, додека дел од пратениците беа тешко повредени, со пукнати глави.
Напаѓачите со стативи, компјутери, столови и други предмети фрлаа кон присутните, сите стравуваа за своите животи мислејќи дека нема да излезат живи. Полицијата не реагираше неколку часа, а по нападот, стотина лица барале лекарска помош во болниците. Ден по упадот беа пронајдени експлозивни направи пред прес-центарот во Собранието.
Обвинителството не откри кој е осомничен за нарачател и организатор на упадот. Помеѓу напаѓачите имаше вработени во полицијата и армијата, но и поранешни затвореници осудени за тешки кривични дела. Дел од осомничените излегоа од притвор, а останатите го чекаат почетокот на судењето. За крвавото сценарио нема почнато судска постапка. Обвинителството испитува, судот бавно реагира. Организаторите и нарачателите и по една година се на слобода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.