Македонија
(Видео) Заев: Верувам дека важните закони ќе бидат донесени и Собранието навреме ќе се распушти

Верувам дека ќе се донесат законите. Денеска тргнаа работите, верувам дека навистина како и да ги гледате работите деловнички со одговорноста на сите пратеници од власта и од опозицијата, законите може да се донесат, односно да се гласа. Дали ќе има за сите закони двотретинско мнозинство, просто мнозинство соодветно, сè тоа ќе го знаеме на самиот чин на гласање.
Јас реков јавно и уште еднаш ќе повторам – кога одлучивме да го пуштиме законот преку Владата во парламентот, збор ни имаа дадено најмалку 80 пратеници. Секако, дебатата продолжува по тоа, се држеа комисиите, се разгледува дебатата, се разговара со сите пратеници и верувам, на крајот, ќе се обезбедат неопходните најмалку 80 пратеници за да може толку важни законски решенија да бидат усвоени од нашиот парламент, изјави претседателот на СДСМ, Зоран Заев, од Неготино.
Тој рече дека за нови коалиции имаат разговори со досегашните коалициски партнери, но и со други партии кои досега не биле со нив во коалиција. Тој, како што рече, верува дека конечни резултати од овие разговори ќе има на крајот на февруари.
Според Заев, одговорноста е на сите пратеници.
„Ниту сакаме ниту планираме формирање мнозинство, кое е секако извесно, знаете и вие новинарите дека е возможно да го направиме, тоа што сме пред обезбедување 80 пратеници, а не па за мнозинство од 61 пратеник, тоа е возможно. Не сакам никој да го сфати како закана, го испраќам јас како порака, како потврда на нашиот генерален секретар, дека државата е, пред сè, за сите нас. По тоа, се нашите политички партии и калкулации или слично. Ние сакаме да имаме избори на 12 април“, порача Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почина Панчо Минов, поранешен пратеник и градоначалник на Кавадарци

На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието.
Панчо Минов беше дипломиран правник и политичка фигура со повеќедецениско искуство. Тој два пати беше избран за градоначалник на Општина Кавадарци – прво како кандидат на Либералната партија (2000–2005), а потоа како независен кандидат (2005–2009).
Минов имаше и пратеничка кариера, учествувајќи во повеќе состави на Собранието.
Првпат беше избран во првиот повеќепартиски состав (1990–1998), а подоцна повторно стана пратеник преку ГРОМ (2016–2020) и СДСМ (2020–2024).
Македонија
Уште колку луѓе треба да настрадаат за Панче Тошковски да почувствува одговорност, прашуваат од СДСМ

Министерот Панче Тошковски без око да му трепне јавно соопшти дека не чувствува никаква одговороност за колапсот на безбедносниот систем и фактот што на улиците се пука како да сме Див Запад, велат од СДСМ.
Според нив, последиците од партизацијата на полицијата и претоварењето во партиски сервис на ДПМНЕ скапо ги чини граѓаните.
„До кога мисли Тошковски да се криe зад политички реторики додека улиците стануваат небезбедни за граѓаните?
Не е само последното пукање во Куманово, непрекинатиот раст на вооружените и насилни инциденти во различни градови е сигнал за целосно системско потфрлање на безбедниот апарат, нема ниту превенција ниту соодветна реакција.
За тоа мора да има одговорност“, додаваат од оваа партија.
Македонија
Парични казни за три градинки и едно училиште по спроведени инспекциски контроли во кујните

Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во градинките на територијата на цела држава. Спроведени беа 91 контрола во градинки и 23 вонредни надзори во училишта.
За утврдените недоследности, издадени се 9 решенија со наредби за нивно отстранување. Во две градинки, хигиената не била задоволителна во кујните, а една градинка немала спроведено задолжителен здравствен преглед на вработениот персонал во кујните. Парични казни изречени се за 3 градинки, и поради несоодветно чување, уништени се 24 килограми храна.
Од спроведените контроли во училиштата, незадоволителни услови констатирани се само во една училишна кујна. Отстапки во однос на добрата производствена и добра хигиенска пракса утврдени се во две кујни. Поради погрешно декларирање, уништени се 59 килограми храна.
Инспекциските служби на АХВ за утврдените недоследности со контролите во училишните кујни изрекле 1 парична казна и донеле 5 решенија со наредба за нивно отстранување.