Македонија
(Видео) Заев во Дојран: Oбезбедуваме 600 милиони евра поддршка за развој на бизнисот до 2024 година

„На мое големо задоволство сум во посета на компанијата Дојран стил од населеното место Николиќ.Станува збор за компанија со странски, грчки капитал, со регистрирана дејност за производство на производи од железо и челик и е 70% извозно ориентирана со 360 вработени, што претставува еден од посериозните стопански субјекти не само за Општина Дојран туку и за југоисточниот дел на нашата земја.Денеска бевме информирани од менаџментот на компанијата, дека компанијата сака да се шири и да го зголемува своето производство, локацијата овде до нив е веќе планирана и обезбедена, градоначалникот работи на урбанистичките планови. Сето тоа покажува дека инвеститорите се охрабрени да ги зголемуваат своите инвестиции“, изјави лидерот на СДСМ, Зоран Заев.
Тој додаде дека Како партија предводник на Владата во изминатите помалку од три години покажале што значи сериозна грижа и поддршка за бизнис секторот, сериозна грижа за работниците.
„Преку одговорни и успешни политики ја кренавме економијата и ја поставивме на стабилни и реални основи. Напредокот во економијата е потврден преку бројни податоци, како што е растот на просечната и минималната плата, падот на невработеноста на историски најнизок процент, растот на извозот и индустриското производство.Тоа ни дава право, но и мотив да продолжиме да работиме уште помакотрпно во обезбедување на економски раст и повисок животен стандард за сите граѓани.Сега следуваат четири години мандат за најголемиот скок на нашата, македонската економија.
Следува рекордно намалување на невработеноста и рекорден раст на платите. Создаваме мерки и политики со кои Северна Македонија станува земја со ниска невработеност, држава во која платите растат брзо во сите сектори, држава во која поддршката кон стопанството постојано се зголемува.До крајот на мандатот, до 2024 година, се обврзуваме да отвориме 100.000 нови работни места. Ако можевме за 2,5 години да отвориме 60.000 работни места главно во реалниот сектор, знаеме и можеме за полн мандат од 4 години да отвориме 100.000 нови работни места.Поддршката за домашни и странски инвестиции ја зголемуваме на 300 милиони евра до крајот на мандатот, дополнително, проектираме уште 300 милиони евра европски средства за развој на домашната економија. Тоа се вкупно 600 милиони евра за развој на бизнисот, за развој на домашната економија.На овој начин, невработеноста ќе ја донесеме под 8%, односно под 20% кај младите“, додаде тој.
Заев вели дека покажале дека платите можат да растат во сите сектори.
„За само две и пол години просечната плата ја зголемивме на 450 евра.Затоа, во новиот мандат растот на платите продолжува и тој ќе биде и побрз. Просечната плата ќе порасне на 36.000 денари, а минималната на 18.000 денари.Продолжува и субвенционирањето на придонесите за сите компании кои ќе ги зголемат платите од 600 до 6000 денари по вработен, а за младите вработени до 29 години воведуваме поврат на персонален данок во првите две години од вработувањето.Со сите реформи и политики што ги спроведовме за овие 2 години и девет месеци покажавме како се работи чесно и одговорно и на домашен и на надворешен план. Извесното членство во НАТО и напредокот во интеграцијата кон ЕУ отворија нови перспективи за државата и економија.
Со официјализирањето на членството во НАТО и со започнување на преговорите со ЕУ ќе се интензивира економската активност, ќе може да сметаме на повеќе инвестиции, повеќе нови работни места, поголем економски раст, а сето тоа значи повеќе пари во секое семејство.Затоа е важно овој пат на напредок, на соработка со соседите, на интеграција да продолжи и по 12 април.Убеден сум дека граѓаните ја препознаваат нашата чесна понуда наспроти лажните ветувања и убеден сум дека ќе застанат зад нас и заедно ќе продолжиме по вистинскиот пат, пат кон економски раст и развој и силна економија.Продолжуваме со работа, уште повеќе, и уште подобро и по победата на 12 април“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
АВМУ ќе врши мониторинг на медиумското известување во предизборниот период

По распишување на Локалните избори, закажани за 19 октомври 2025 година, започнува мониторингот на Агенцијата за аудио и аудиовизуелни медиумски услуги врз радиодифузерите за начинот на известување во периодот пред започнување на изборната кампања и за почитувањето на одредбите од Изборниот законик што се применуваат со распишување на изборите.
До почетокот на изборната кампања, АВМУ ќе врши секојдневен мониторинг на девет телевизиски програмски сервиси на државно ниво, со најголем просечен дневен досег до публиката, додека сите останати програмски сервиси ќе се мониторираат врз основа на претставки.
„При известувањето за изборниот процес, радиодифузерите треба да ги почитуваат професионалните начела, посебно начелото за објективно, непристрасно прикажување на настаните, со еднаков третман на различните гледишта и мислења, така што ќе ѝ овозможат на публиката слободно да оформи свое мислење за одделни настани и прашања, како и да ги почитуваат посебните забрани за поттикнување омраза и нетрпеливост. Известувањето за редовните активности на државните органи, органите на општините и на градот Скопје, на државните институции и организации, како и за други правни лица со јавни овластувања, не смее да биде во функција на изборно медиумско претставување на ниту еден политички субјект“, соопшти АВМУ.
Јавниот радиодифузен сервис и телевизиите на државно ниво треба да обезбедат информирање за изборниот процес и за лицата со сетилна попреченост, а за содржините што ќе ги направат пристапни во текот на изборната кампања треба навреме да ја информираат Агенцијата.
Од распишување на изборите до почетокот на изборната кампања не е дозволено да се емитуваат реклами финансирани од Буџетот на државата, ниту платено политичко рекламирање, освен огласи за собирање потписи за поддршка на кандидатури на група избирачи. Исто така, не е дозволено уредници, новинари, водители на програма и презентери истовремено да бидат ангажирани во програмите на радиодифузерите и во предизборни активности на учесниците во изборна кампања. При објавување на резултати од испитувања на јавното мислење треба да се објават и сите неопходни податоци за конкретното истражување утврдени во Изборниот законик.
Радиодифузерите кои ќе емитуваат платено политичко рекламирање (ППР) треба да извршат регистрација во Државната изборна комисија најдоцна до 12 август, а ценовниците да ги достават до ДИК, ДЗР, ДКСК и АВМУ, најдоцна до 14 август 2025 година.
Како и досега, Агенцијата, на својата веб страница постави банер со материјали поврзани со изборниот процес – законски и подзаконски акти, образец за претставки и сл. Банерот е достапен на македонски, албански и на англиски јазик, и континуирано ќе се ажурира во текот на изборниот процес.
Македонија
На Табановце се чека по 40-тина минути за влез и излез од државата

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, на ГП Табановце времето на чекање за влез и излез од државата е околу 40 минути, на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Нуркач од Бугарија исчезна во Охридското Езеро

Нуркач од Бугарија исчезна во Охридското Езеро. Во тек е акција за негово пронаоѓање.
Според информациите на полицијата, денеска во 13.15 часот, во СВР Охрид и езерската полиција е пријавено дека И.Т.(52) од Република Бугарија, исчезнал при нуркање на длабочина од 89 метри во водите на Охридското Езеро, над селото Трпејца.
Од полицијата велат дека во акцијата за негово пронаоѓање се вклучени тимови од езерската полиција и Црвен крст со нуркачи од нуркачкиот клуб „Амфора“.