Македонија
(Видео) Заев во Софија: Пријателството никогаш не било поголемо, сакаме трговската размена да достигне 1 милијарда евра
Премиерот Зоран Заев во Софија оствари тет-а-тет средба со својот бугарски колега Бојко Борисов со кого, како што информираат од владината прес-служба, разговарале за идната соработка меѓу двете земји за која соговорниците констатирале дека по потпишувањето на договорот за пријателство и добрососедство, бележи постојан раст во сите области.
На средбата се разгледувале можности за создавање услови за зголемување на трговската размена со заемно намалување на царинските стапки.
Заев на средбата оддал благодарност за континуираната поддршка од Република Бугарија за членство на нашата земја во НАТО и за ЕУ, како и за подготвеноста на Бугарија да го сподели искуството за сите прашања поврзани со подготовките во пристапниот период и за ефикасно користење на европските фондови во оваа фаза од преговорите.
Во насока на спроведување на договорот за пријателство и добрососедство, премиерот Заев соопшти дека како резултат на работата на двете комисии за заедничко одбележување историски настани и личности, набргу во Република Македонија, во близината на Дојран, на местото каде што го загубил животот, ќе биде подигнат споменик на полковник Константин Каварналиев, бележит лик од историјата на Бугарија од периодот на Првата светска војна.
Премиерите разговарале и за подготовките за втората меѓувладина седница, која годинава треба да се одржи во Бугарија, а заедничкиот бизнис-форум, што се одржа во Скопје, го оцениле како дополнителен импулс за економската соработка како врвен приоритет на граѓаните и на бизнис-заедниците на двете земји.
На средбата било констатирано дека прекуграничната соработка се интензивира и дека ќе бидат вложени сите неопходни напори стабилната трговска размена од речиси 600 милиони евра да достигне вредност од 1 милијарда евра.
Соговорниците истакнале дека континуитетот на изградбата на патната и железничката инфраструктура на Коридорот 8 останува капитален интерес за двете земји. На средбата станало збор и за имплементацијата на договорот со Грција по ратификацијата во Атина по што следува членките на алијансата да го потпишат протоколот за членство на нашата земја во НАТО, со што во сила ќе стапи формалното користење на новото уставно име – Република Северна Македонија.
Заев во Софија предводи владина делегација во чиј состав се министерот за култура, Асаф Адеми, и други членови на канцеларијата на премиерот и на Mинистерството за култура.
Програма за соработка во областа на културата потпишаа министрите за култура Асаф Адеми и Боил Банов, а таа претставува правна рамка за воспоставување директна соработка меѓу културните институции во двете земји, со цел размена на културни и уметнички вредности, што е во функција на приближување на народите и државите.
Програмата за културна соработка меѓу двете земји се одржа откога двајцата министри за култура положиле венци свежо цвеќе на споменикот на Гоце Делчев во Софија по повод денот на неговото раѓање.
Работната посета на македонската делегација на Република Бугарија завршува вечерва со културно-уметничка програма со учество на уметници од други држави од регионот во Културно-информативниот центар на Република Македонија во Софија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски во посета на Единицата за безбедност на сообраќајот на патиштата и Единицата за увид на место на настан и анализа: во фокусот проблемите на вработените
Министерот за внатрешни работи Панче Тошковски денес оствари работни посети на Единицата за безбедност на сообраќајот на патиштата и Единицата за увид на место на настан и анализа при Секторот за внатрешни работи Скопје каде одржа состаноци со раководствата.
„ЕБПС се соочува со голем недостаток на човечки ресурси и недостиг на возила и материјално-технички средства кои им се основна алатка за постапување и одржување на високо ниво на безбедност во патниот сообраќај. Исто така, беше посочено дека потребни се промени во законската и подзаконската регулатива со цел допрецизирање на одредбите кои ја регулираат оваа материја, а се со цел побезбеден сообраќај и помалку жртви.
ЕУМНА е една од круцијалните организациски единици кога се работи за ефикасно работење во делот на кривичната материја имајќи ја предвид природата на нивната работа. И во оваа Единица има голем недостаток на човечки ресурси, но и соодветни обуки кои ќе го подигнат нивото на квалитет на нивната работа, како и инвестирање во нова, пософистицирана опрема согласно најсовремените технологии и практики“ издвои Тошковски.
Македонија
Пендаровски: Давкова си закажала дебата сама со себе на МТВ
После јавната бламажа на трите досегашни ТВ дуели, Гордана Силјановска Давкова сфати дека единствен начин да излезе како победник во тие јавни соочувања е да организира разговор со „празно столче“ во договор со јавниот сервис чии генерален директор со месеци е ангажиран во партиска кампања на ВМРО-ДПМНЕ, вели престедателскиот кандидат Стево Пендаровски отклако претходно неговата против кандидатка Гордана Силјановска Давкова објави коментар дека Пендаровски не се појавил на дебатата на националниот сервис МТВ.
„Инаку, терминот за дебатата на МТВ никогаш не беше договорен меѓу двата кандидати. Дебатата во понеделник на 6ти мај, на телевизија Канал 5, е последна која е потврдена од двете страни.
И покрај ниските морални и етички стандарди кои ги поставија до сега во кампањата, ова е ново дно кое ВМРО-ДПМНЕ и Гордана Силјановска Давкова го достигнаа, што може да ги изненади само оние кои не го познаваат начинот на делување на ВМРО-ДПМНЕ и на нивната партиска кандидатка“, реагира Пендаровски на прозивките на Давкова.
Македонија
Сиљановска-Давкова до Пендаровски: Ќе дебатирам со празно столче, последната дебата е закажана за понеделник
Кандидатката за претседателка на ВМРО-ДПМНЕ, Гордана Сиљановска-Давкова со свој коментар на социјалната мрежа X, по повод отсуството на противкандидатот Стево Пендаровски на тв-дебата на Македонската телевизија.
“Вчудоневидувачки е како во најзначајната претседателска дебата пред националниот сервис, Македонската телевизија, јас ќе дебатирам со празно столче“, напиша таа.
Не разбирам, вели Сиљановска-Давкова, зошто мојот противкандидат (@SPendarovski) им оневозможи на граѓаните повторно да ги соочиме нашите програми и ставови.
„Би сакала да го потсетам господинот Стево Пендаровски дека последната дебата е закажана за понеделник, па го повикувам да се одважи и да се појави пред мене и пред граѓаните на Македонија.
Основна задача на шефот на државата е да гради консензус преку дијалог со сите“, пишува Сиљановска-Давкова на социјалните мрежи.
Доби и одговор од нејзиниот против кандидат Стево Пендаровски.
„Давкова си закажала дебата сама со себе на МТВ“, реагира Пендаровски на социјалните мрежи.