Македонија
(Видео) Заев: Европска младина ќе се избори за европска Македонија

Европска младина значи солидарни млади луѓе кои работат заедно и остваруваат заедно, за заедничка иднина, изјави претседателот на СДСМ и премиер Зоран Заев, во своето обраќање пред Социјалдемокртската младина за време на конференцијата за избор на претседател на СДММ.
„Нашата Македонија е на јасен пат. Време е за уште една правилна одлука. Знаете што носи членството во ЕУ и НАТО. Знаете дека носи безбедност и стабилност на државата, но и современо образование, модерни студентски домови, униевризтети, школи, носи нови инвеститори кои сакаат предвидлива клима за инвестирање, нови работи места, повисоки плати, шанси за свои бизниси, шанси за успех, шанси за живот, во родната земја“, изјави Заев и ги повика присутните да, како што рече им одржат лекција на скептичните и да покажат што значи патриотизам и како се сака Македонија, со срце.
Се интегрираме во светот со заштитен македонски јазик, со заштитен македонски идентитет, ја ставаме Македонија на светската мапа како држава со рамноправни граѓани од сите заедници, во семејството на рамноправни држави во светски рамки, изјави премиерот во своето обраќање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.