Македонија
(Видео) Заев: Заедно направивме многу, изберете го најдоброто за вас, за вашата општина и нашата татковина

Заедно направивме многу. Заедно победивме режим. Заедно минавме низ тешки мигови и премрежиња. Не беше лесно да се надминат пречките и да се ослободи државата. Но, успеавме, порача претседателот на СДСМ, Зоран Заев, во видеообраќање.
„Си подадовме рака со соседите. Станавме рамноправна членка на НАТО. На зацртан пат кон Европската Унија. Спроведовме и успешен попис, нешто што сите го сметаа за невозможно.
Заедно градиме економски напредна земја, во која растат платите, пензиите, социјалната помош, се отвораат нови работни места, со јасен план за подобра македонска и европска иднина.
Северна Македонија е најбезбедна земја во Западен Балкан со најтанспарентна Влада во регионот, тука слободно се говори. Се слуша гласот на граѓаните и грижата за луѓето е на прво место.
Сега имаме шанса да продолжиме напред, да го оствариме она што сме го зацртале наместо да се враќаме назад и да се изолираме.
Изберете го најдоброто за вас и за вашето семејство, за вашиот град, за вашата општина, за нашата татковина!“, порача Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.