Македонија
(Видео) Замената на пасошите и табличките на возилата на товар на граѓаните

Замената на патните документи и регистарските таблички ќе биде на товар на граѓаните, изјави владиниот портпаролот, Миле Бошњаковски, на прес-конференција во Владата.
Новите регистарски таблички, како што рече, се очекуваат да бидат издадени кон средината на мај, а патните документи кон крајот на годината. Тој појасни дека рокот за замената на старите патни исправи истекува за пет години во согласност со договорот со Грција.
Во меѓувреме, како што синоќа најави премиерот Зоран Заев, бесплатна ќе биде налепницата за возилата со ознаката NMK, кои ќе им бидат давани на граѓаните на граничните премини при излез од државата. Пасошите на граничните премини привремено ќе добиваат печат со Република Северна Македонија.
Бошњаковски додаде и дека Македонска Каменица и Македонски Брод нема да го менуваат името, а институциите тоа ќе треба да го направат за четири месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Поради врнежи од снег се воведува забрана за сообраќај за тешки товарни возила на патниот правец Битола – Ресен преку планинскиот превој Ѓавато

Од 16:20 часот поради врнежи од снег се воведува забрана за сообраќај за тешки товарни возила на патниот правец Битола – Ресен преку планинскиот превој Ѓавато, информира АМСМ.
Претходно, беше воведена и забрана за сообраќај за тешки товарни возила на патниот правец Гостивар – Кичево преку планинскиот премин Стража.
Како што соопшти АМСМ, забраната важи и за патниот правец крак Маврово – Дебар и е воведена од 15.25 часот.
Македонија
Забрана за тешки товарни возила на Стража и патниот правец Маврово-Дебар

Поради врнежи од снег воведена е забрана за сообраќај за тешки товарни возила на патниот правец Гостивар – Кичево преку планинскиот премин Стража.
Како што соопшти АМСМ, забраната важи и за патниот правец крак Маврово – Дебар и е воведена од 15.25 часот.
Македонија
Ние сме дел од ВЛЕН, ќе се трудиме до крај да најдеме решение, ако не сами ќе одиме на избори, рече Таравари

Случувањата во овој момент во политиката се динамични и треба да се носат разумни одлуки, кажа Арбен Таравари пред почетокот на партиското собрание на Алијанса за Aлбанците во Гостивар.
На прашање околу коалицирањето со останатите партии на Aлбанците во Македонија, Таравари рече дека се коалициски партнери.
„Ние сме дел од ВЛЕН, ќе се трудиме до крај да најдеме решение, ако не сами ќе одиме на избори“, рече Таравари.
Тој потврди дека со Изет Меџити имале средба пред четири дена. Вели дека разговорот бил конструктивен и траел речиси два часа.
Тараври, исто така, потврди дека имал и средба со лидерот на опозициската ДУИ, Али Ахмети, кога се сретнал со претседателот на Република Албанија, Бајрам Бегај.
„На таа срдба само се поздравивме, како што налага однесувањето во такви прилики. Јас со секој политичар би се поздравил освен со лидерот на Левица“, истакна Таравари.
Меѓу новостите беше и доаѓањето на Исен Шабани, актуелен градоначалник на општина Врапчиште кој доскоро беше и потпретседател на партијата во крилото на Зијадин Сеља.
Шабани одговорајќи на новинарски прашања за неговото присуство и можно кандидирање на претстојните избори рече дека планира да биде независен кандидат и да бара поддршка од крилото Таравари.
„Денес собрав храброст да ги отстранам сите дилеми за АА и да биде што е можно повеќе обединета“, изјави тој.
На дневен ред пред партиските членови е дикусија за актуелната политичка состојба, за локалните избори, а донесена е и декларација за трагедијата во Кочани.