Македонија
(ВИДЕО) Иван, кој го преживеа Халкидик, во интервју за грчки медиум: Најлошиот роденденски подарок

Пред точно еден месец скопјанецот Иван (30) заедно со своите пријатели исчезна на отворено море од плажата Мити, на Халкидик. Тој за грчката телевизија „Скај“ ја раскажа својата приказна за преживувањето и спасувањето.
„Вториот ден кога видов дека сите бараат на погрешни места, тогаш сфатив дека веројатно нема да ме најдат“, вели Иван, меѓу другото.
Тој поминал повеќе од 20 часа во море, сам и беспомошен.
„Тоа ми беше најлошиот роденденски подарок“, изјави Иван.
Го опиша хоророт кога струите го носеле кон отворено море.
„Тоа е исто како и секое друго чувство, вие само ја прифаќате вашата судбина, правите што можете и се концентрате на својот опстанок. Најдов мала топка, детска топка. Вториот ден беше тоа, само неколку часа по изгрејсонцето“, вели Иван.
„Само благодарам, вистинска благодарност до сите што учествуваа во моето спасување, без разлика на нивната улога“, изјавува Иван сеќавајќи се како се чувствувал кога сфатил дека хеликоптерот што лета над него го забележал.
Набргу по исчезнувањето на 9 јули, од морето беше извлечен неговиот пријател Васил, а потрагата по Мартин Јовановски (31) од страна на грчката крајбрежна служба ОФКАТ официјално прекина пред десетина дена, но пријателите не се откажуваат и остануваат да го бараат на бреговите на Халкидик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони возила на Табановце, летните одмори го заглавија сообраќајот

Сообраќајот низ Македонија денеска се одвива непречено и без поголеми проблеми, но поради летните одмори забележана е зголемена фреквенција на возила на патиштата, информира Автомотосојузот на Македонија (АМСМ).
Најголем притисок се бележи на граничниот премин Табановце, каде времето на чекање за влез во државата изнесува околу 20 минути. На останатите гранични премини од македонска страна нема подолги задржувања ниту за влез ниту за излез од земјата.
АМСМ апелира возачите да бидат трпеливи и внимателни, особено поради зголемениот интензитет на сообраќај. Се препорачува прилагодена брзина, почитување на сообраќајната сигнализација и максимална претпазливост, особено на патиштата низ котлините, клисурите и речните долини каде постои опасност од одрони.
Посебно критични делници каде е неопходно дополнително внимание се: Катланово – Велес, Маврово – Дебар – Струга, Виница – Берово и Кочани – Делчево.
Македонија
Македонија ќе ја зафати невреме со пороен дожд, силен ветер и град

Македонија денеска ќе биде погодена од нестабилно време кое ќе донесе големи промени во текот на денот. Утринските часови ќе започнат со сончево време и умерена облачност, но попладне и во текот на ноќта под влијание на влажна и нестабилна воздушна маса ќе има врнежи, грмежи и локално невреме.
Според прогнозата, на поединечни места се очекуваат поинтензивни процеси – пороен дожд кој за кратко време може да надмине 20 литри на квадратен метар, проследен со силен ветер што ќе достигнува над 60 километри на час и појава на град. Минималните утрински температури ќе се движат меѓу 9 и 17 степени, додека дневните ќе достигнат од 24 до 35 Целзиусови.
Во Скопје попладне и во текот на ноќта ќе се развие нестабилност со пороен дожд и грмежи, а на одредени делови од котлината можно е и невреме. Ќе дува умерен до засилен југоисточен ветер. Температурата ќе се движи од 12 степени во најстудените делови од денот до максимални 36 степени.
Од Управата за хидрометеоролошки работи (УХМР) предупредуваат дека попладне, во текот на ноќта и во недела претпладне, ќе продолжи променливото и нестабилно време со врнежи и грмежи, на места со обилен дожд и појава на град. Од недела попладне се најавува стабилизација на времето со период на претежно сончеви и топли денови.
Македонија
На Табановце за излез од државата се чека по 20 минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 20 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.