Македонија
(Видео) Каевски: Мицкоски призна, со ДПМНЕ нема членство во ЕУ

Јавно, во интервју за „360 степени“, Христијан Мицкоски потврди дека неговата ДПМНЕ сака целосна блокада на евроинтегративниот процес на земјата.
Прашан за противењето на ДПМНЕ за гласањето на уставните измени и дека тоа може да значи нови 10 години блокада на пристапот кон ЕУ, Мицкоски рече, цитирам: „може да бидат и сто години“ и додаде „а можеби и никогаш да не биде“, истакна на денешната прес-конференција, Дарко Каевски, од СДСМ.
Признанието на Мицкоски, вели тој, е јасна потврда, со ДПМНЕ и Левицата нема членство во ЕУ, нема напредок, нема иднина.
Според него, антиевропската коалиција на ДПМНЕ и Левицата сакаат да ја вратат државата назад, во мрачно минато, во изолација, скарана со сите.
„Кочењето на европскиот пат е на директна штета на граѓаните, на повисок стандард, поголеми плати, поголеми пезнии, подобра иднина за младите.
Тоа еднаш сме го виделе кога 11 години бевме заглавени.
Антиевропската коалиција на ДПМНЕ и Левицата е закана за европската иднина на земјата и мора да биде поразена.
Изборите ќе бидат своевиден референдум за иднината на земјата.
Изборот е јасен: напредок и членство во ЕУ со СДСМ, изолација и стагнација со ДПМНЕ.
Граѓаните немаат нови години за губење во изолација, неизвесност и стагнација“, додава Каевски.
Со глас за проевропската коалиција предводена од СДСМ, според Каевски, на претседателските и на парламентарните избори граѓаните избираат членство во ЕУ, повисоки плати и пензии, напредок и сигурна иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот на државните патишта се одвива непречено, по наместа влажни коловози

Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Денеска претежно облачно и посвежо, со повремени врнежи од дожд

Времето денеска претежно облачно и посвежо, со повремени врнежи од дожд. Локално врнежите ќе бидат поројни и пообилни со услови за појава на ретки грмежи. Ќе дува слаб до умерен јужен ветер. Минималната температура ќе биде во интервал од 9 до 18, а максималната ќе достигне од 14 до 22 степени.
Во Скопје, променливо облачно со повремени врнежи од дожд. Ќе дува слаб до умерен јужен ветер. Минималната температура ќе се спушти до 17, а максималната ќе достигне до 21 степени
Под влијание на циклонска активност до понеделник времето ќе биде променливо облачно и посвежо со повремени врнежи од дожд. Локално врнежите ќе бидат поројни и пообилни (над 20 l/m²). Потоа во следните два дена времето ќе биде претежно стабилно. Дневната температура во текот на прогнозираниот период ќе биде за 8 до 10 степени пониска во однос на претходниот.
Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.