Македонија
(Видео) Кепевски: Да се прскаше навреме, Скопје немаше да се претвори во зона на масовно цицање крв

Град Скопје и градоначалникот Шилегов ја потценуваат интелигенцијата на граѓаните. Да биле навреме и воопшто да имало прскања против комарци, градот Скопје немаше да се претвори во зона на масовно цицање крв. Одговорноста целосно паѓа на грбот на Шилегов. Ако било прскано против комарци со бесчујни авиони, како што велат од Градот, тогаш зошто во Скопје има комарци како никогаш досега, зошто граѓаните се жалат, зошто аптеките и амбулантите се полни со луѓе што се жалат на убоди, отоци, алергии, изјави Томи Кепевски од ВМРО-ДПМНЕ.
Според него, Шилегов ни мува, а ни комарец не го лази за проблемите на граѓаните. Сега и со стелт-технологија да прска, ефектот нема да биде доволен. Штетата, за жал, веќе е направена поради негова неспособност и неодговорност.
„Ова е премногу сериозно. Комарците, освен што предизвикуваат непријатности за граѓаните, а пред сè децата, тие се преносители и на сериозни заразни болести. Во соседството веќе се регистрирани случаи заболени од западнонилска треска, но и неколку фатални последици за животите на нивните граѓани. Оваа опасна болест, но и маларијата, зика вирусот, жолтата треска и други тешки болести се пренесуваат со убоди на заразени комарци. Кога веќе Шилегов и надлежните институции не може да не штитат, останува да му се молиме на Бога да помине летово без последици и да бидеме среќни ако поминуваме само со отоци. Градоначалникот Шилегов ако не знае како да се справува и да ги решава проблемите на граѓаните, нека остави тоа да го прави некој друг, а тој нека продолжи со тоа што најдобро го знае – само да зборува, а ништо да не работи“, рече Кепевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почувствуван земјотрес во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, попладнево во 16 часот и 14 минути регистрираше земјотрес чиј епицентар потекнува од епицентралното подрачје Тетово-Гостивар, 39 км западно од Скопје, со Рихтерова локална магнитуда, ML2.7.
Според досегашните податоци со кои располага опсерваторијата, земјотресот е почувствуван во Тетово, Гостивар и блиската околина со интензитет од III степени според Европската макросеизмичка скала.
Македонија
МНР: Амбасадата во Прага е во координација со семејството на Чифлиганец за пренeсување на телото во Македонија

Министерството за надворешни работи и надворешна трговија информира дека на 2 август 2025 година, до македонската амбасада во Прага била доставена информација за тешка сообраќајна несреќа во која бил повреден македонскиот државјанин Душко Чифлиганец. Тој управувал мотор кога дошло до незгодата, по што со тешки повреди бил пренесен во болница.
На 3 август, семејството го известило дипломатско-конзуларното претставништво дека Чифлиганец им подлегнал на повредите.
Како што соопштија од МНР, Амбасадата во Прага е во континуирана комуникација со семејството со цел завршување на сите неопходни формалности и организација за пренос на телото во Македонија.
Македонија
Изгаснат пожарот кај Липково, гори на две локации

До 12 часот активни се два пожари на отворен простор, еден пожар е под контрола, а еден е изгаснат.
Активните пожари се наоѓаат во село Богомила во општина Чашка, каде гори мешана шума, како и во село Грешница во општина Македонски Брод, во деградирана нискостеблеста шума, соопшти ЦУК.
Пожарот кој е под контрола е во село Стровија во општина Долнени, зад местото викано Гајдарец-Клепало, во нискостеблеста шума.
Пожарот што е изгаснат се наоѓа во село Слупчане во општина Липково, каде горела ниска вегетација.